قطتى صغيرة لسه بترضع مؤخرتها حمرا كأنها ملتهبة ..وعايزة حل للبراغيت ولتنظيف الاذن

[marwa negmeldin]

السلام عليكم ورحمة الله وبركاته

ارجــو المساعده ارجوكم ..من اى حد بيطرى ..او اى حد عنده خبرة حقيقه مع القطط يقدر يفيدنى بأمــانة شديدة .. او حد يعرف حد بيعرف يقوله ويســاعدنى ارجوكم

الحكـاية انى لقيت 3 قطط صغيرين خالص لسه بيرضعوا تحت الببيت عندنا حد حطوهم فى سبت وخلاهم بعيد عن ماماتهم ..وقاعدوا ينونونو طول الليل والنهار من الجوع يعينى وماماتهم مش تعرف مكانهم خالص ..

فأنا رحت اشتريت ببرونه من الصيدليه وحطيت ليهم لبن وبدأوا يشربوا وشبعوا وفرحوا اووى وناموا ع طوول زى البيبى ياعينى

دلوقتى فيه قطتين منهم مؤخرتها حمرا كانها ملتهبة و البيبى بتاعها سايل كانه اسهال بس مش مستمر ..والقطه التالته عادية خالص .. القطط اللى تعبانه خست خالص كانوا حلويين ..بس حركتهم كويسة خالص ..بحس ان القطه المشمى بقت بتعطش بسرعه او كده
..القطط بقالها عندى 3 اسابيع ..وهم اصلا كان عنده شعر من اول ما اخدتهم يعنى ..مش اعرف انا القطط بتاخد وقت قد ايه انها تطلع الشعر .. ممكن يكون عندهم ناو شهرين ..مش قادرة احدد
بالظبط..

كمان انا عايزة حاجه للبراغيت ..عشان مش يكون عندهم .. ويكونوا حلويين ..وعلاج لتنظيف الودان واعمل ايه بالظبط وعامله ازاى ..ارجو حد يساعدنى بامانه شديدة لانى ماعنديش اى خبرة تماما فى معاملة القطط ..انا اساسا كنت بخاف منهم ..بس دوول صعبانين عليا

[Octopus]

ياليت عمر الكيتز حتى نفيدك بالضبط و لو معرفتي حطي صور لهم على الاقل حتى نقولك عمرهم

[فاتـــو]

اهلين اختي
زي ماقالك ااخي اكتوبوس الصوره لازمه علشان نعرف نعالجهم
هم الحين صغار على علاج البراغيث والاذن اهم شي اهتمي بغذائهم لين مايتمو الثلاث اشهر
وبالنسبه لمؤخرتهم جيبي قطنه مبلله بماء دافي ومسحي لهم
كل قط بقطنه واهتمي بتغيير المنشفه علشان الرطوبه

[شاهستا]

اهلا بيكى ياقمر

اول حاجه جزاكى الله خيررررررررررر لمساعدتك للقط المسكينه دى وان شاء الله فى ميزان حسناتك

القطط عندها اسهال بيسبب اللبن لان اللبن لازم يكون خاص بالكيبتن او لبن اطفال خالى من الاكتوز

اما اى نوع لبن تانى هيسببهم ليهم اسهال لانهم لسه صغيرين

دلوقتى القطط الى عندها اسهال لازم تديهم علاج انتينال لاطفال من الصيدليه البشريه

هتديهم 1سم مره باليوم وزى ماقولتلك نوع اللبن لازم يتغير

و كمان ياريت تعملى مايه بعسل ( العسل يكون كميه خفيفه ) وترضعيم منها لانهم هيجلهم جفاف

عشان كدة القط بيعطش بسرعه لانه فقد كل السوايل الى فى جسمه

دلوقتى تقدرى تاكليهم حاليا اعملى ليهم فراج مسلوقه مع بطاطس مسلوقه عشان توقف الاسهال

وطبعا من غير ملح او توابل او بصل او توم ولا طماطم

وبالنسبه لمؤخرتهم الملتبه قطنه فيها بيتادين سائل وامسحى عليها مرتين باليوم

والالتهاب دة بسبب شده الاسهال

وتنظشيف الاذن بقطنه فيها فازلين ونظفيها ولو فيها حاجات سوده كتير

قطرى فى ودانهم قطره ديترمايتين لاذن من الصيدليه البشريه

اما البراغيب هاتى من الصيدليه البيطريه او اى محل حيوانات ريفوليشن للكيتن
واى سؤال اتفضلى