تجاربكم ونصايحكم عن الاصلة البورمية

[s7ab_az]

بسم الله الرحمن الرحيم

اللهم صلِ على محمد وآل محمد

السلام عليكم ورحمة الله وبركاته،،


لو سمحتوا ممكن بعض النصايح عن الاصلة البورمية ..

واي واحد كان عنده تجربة معاها لايبخل علينا


وسلامتكم،،

[jassim99]

http://www.2zoo.com/vb/showthread.php?t=2315

هذا موضوع راح يفيدك

حدد سؤالك و بنفيدك,,,, اما سؤال عام مالك الا المواضيع المثبته

[s7ab_az]

حياك الله ساري المفعول،،

اهلين جاسم ..

بالنسبة للاسئلة

كم ساعة فاليوم اشغل عليها النور ؟؟

وكل كم اسبحها؟؟ بحيث اضمن ان العث مايجيلها,لان اكره ماعلي البراغيث

وبالنسبة للاكل..عادي ااكلها هامسترات بس ، يعني مانوع؟

وهل في مشكلة لو طلعتها برا فمثل هالجو ( بارد شوي) لمدة ساعه تقريبا ؟

وكل كم انظف الحوض حقها ؟؟


،،،،،،،،،،،،


هاللي جاو فبالي الحين ادا جا فبالي شي ثاني باحطه

[|| PyTHoN ||]

في موضوع مثبت هني عن طريقة تربيه الثعابين

الإضاءه النهار أفتح ليل طف ..

بالنسبه انك تسبحها ممكن بعد ما توكلها بـ 3 - 4 ايام
تخليها بماي دافي لين توصخ بالماي نفسه عشان ما تتعب
مع تنظيف الحوض و منها تكون سبحتها

الحوض دام انه ما وصخت فيه نظف كل اسبوع او اسبوعين

الأكل وكلها هامسترات عادي يعني لو تبي 4 مرات هامسترات
و مره كتكوت بس يعني ما اعتقد انها مشكله ، لكن الهامستر
ما راح يكفي وياك بتكبر معاك بسرعه و بتحتاج أشياء أكبر من
هامستر ..

و لا ما يصير تطلعها بهالجو

[jassim99]

اتفق مع اخوي بايثون بكل حرف قاله

[s7ab_az]

يعطيك الله الف عافية بايثون ويوفقك،،

طيب عندي سؤال ثاني

الحية لمن احملها اسمع نفسها قوي شوي ولما تتنفس ينتفخ شوي الجزء اللي تحت راسها

سالت العامل اللي شريت من محلهم الحية .. قال لي هذا طبيعي لانها توها ماكله

هل هذي اعراض التهاب الجهاز التنفسي ؟؟ بالرغم اني شفت مقطع حق واحد يقول ادا حلج الحية

وردي معناه انها سليمة .. وحلج اللي عندي وردي،،


والسموحة على الاطالة ،، ويعطيكم العافية شباب

[jassim99]

فعلا هذي اعراض التهاب الجهاز التنفسي

1_ انتفاخ اسفل الفك
2_ صوت صفير اثناء التنفس
3 وجود ماده لزجه داخل الفم

عشان تقطع الشر باليقين افتح حلجها وشوف هل في ماده لزجه مثل اللعاب ؟

اذا في معناه انها تعاني من هذا الالتهاب

تأكد وردلنا خبر عشان نفيدك بالعلاج الصحيح

موفق

[s7ab_az]

فيه ماده لزجة طالعه من حلجها بس قليلة


بس وشلون تفتح حلجها .. حاولت بس من امسكها من رقبتها تخاف

[jassim99]

طالعه من حلجها !!!!

معناها فعلا عندها التهاب

ولو فتحت حلجها بعود او اي شي راح تلاحض انه مو كميه قليله

عموما..............

علاجها كالاتي :-

1_ لا توكلها طول فترة العلاج

2_ شمسها كل يوم مدة 10 دقائق

3_ تفتح فمها بعود تنظيف الاذن وتنظفه مرتين عالاقل باليوم

4_ تجيب دوا مضاد حيوي اسمه تيترا سايكلين tetracycline يكون كبسوله تخففها مع 600 ملي من الماء

او اذا كان بودره تخفف قد ملعقة الشاي في 600 لتر ماء (ملعقة شاي غير ممتلأه)

5_ تقلل نسبة الرطوبه بالحوض الى ان تتعافى

موفق خير

[s7ab_az]

الله يعطيك الف عافية ويوفقك جاسم،،

تعبتكم معاي بس بسالك بعد ماتتعافى ان شاء الله

كيف اتجنب الالتهاب دي ؟