هذول جوز لو شنو؟

[محبة الروز]

السلام عليكم ورحمة الله وبركاتة


شريت اليي من مده جوز كروان

وصار لهم عندي تقريبا 4 اشهر

والى احين ما باض وشاكه انهم اما ذكور او اناثي

وابي اعرف هذول جوز لو شنو

وهذي هي الصوره

http://img02.arabsh.com/uploads/imag...444966f207.bmp

[S h a i 5 a ..]

بالنسبه للرمادي ذكر
اما اللوتينو

يغرد ولا لا ؟ + افتحي جناحه اذا كان منقط اصفر انثى و اذا ابيض ساده او اصفر ساده ذكر , اذا منقط نص الجناح و النص الثاني ساده ذكر غير بالغ

اتمنى انج فهمتي ^^

~

[محبة الروز]

ايه يفتح جناحه وهو الي دائما يغرد

اما بالنسبه باقي الكلام ما فهمته

[ISRAABK]

ماعندي خبره لكن الرصاصي حسيت شكلو غريب و عجبني ما شاء الله

[عاشق الكوكتيييل]

آخــي آلـكريـم

آولآ مـآشـآءآلله طيـور رآئـعـة ..!

آخـي آلطـآئـر آللي علـى آليسـآر ذكـر جـآهـز للـآنتـآج وآللي علـى آليمين آيضآ جـآهز للـآنتـآج وآغلـب آلظن آن جنسـه آنثـى ولكـن مو آكيد

لذآ آخي قم بفتح جنـآح آلطـآئـر آللي علـى آليمين وآلنظر ,, آذآ كـآن منقط مـن آولـة لـآخرة يعني آنثـى وآذآ لم يكن منقط يعني ذكـر

لك
أجمل تحية

[هاوي.الدرة]

اختي اللي عاليمين جنسه ذكر وبالغ فصيلته سينامون
اللي عاليسار جنسه انثى غير بالغة فصيلته لاتينو او لوتينو
واعتقد ان الاخ عاشق الكوكتيل يقصد العكس

[الإمـبـراطـور]

اختي روزة

الطيور الاثنان بالصورة .......هم ذكور 100% والله اعلم

تجربة للتأكيد ......

افصلي كل طير بقفص لحاله ...واستمعي للتغريد

فانصحك باستبدال واحد منهم بأنثى جاهزة ..لان الاثنين ذكور بالغة وجاهزة للانتاج باذن الله ...

تقبلي ردي ...مع كل ودي

ولك تحياتي

[هاوي.الدرة]

يا اخوان لا يرد الا اللي عنده خبرة ترى الكروان الذكر يكون خده برتقالي غامق والانثى يكون خفيف والتاج حق الذكر يكون مستقيم والانثى مفروش