كلبي يهاجمني

[أبو نوح]

السلام عليكم والرحمة ..
مساكم الله بالخير
الاخوان الاعضاء والمشرفين الاعزاء فزعتكم لاهنتوا
عندي جرو جيرمن شيبرد عمره شهرين
متعبني بشكل غير طبيعي .. من يشوفني وهو يلحقني ويبي يهجم ،، لاتحركت جاني .. ولاوقفت هجم
عجزت القى له حل جبت له عظام العاب حقت عض وحطيت له كلش يعضه ,, صار يعضها فترة بسيطة ماتتجاوز دقيقة وحدة ثم يتركها ويرجع لي حتى مرة جيت ولقيته اكل نص العظم !!
احيانا اتفائل فيه واحس انه بيكون كفو واحيانا احس العكس معه

وجربت برضو اني اقول له نو او لا بلهجة صارمة وارفع صوتي احيانا ولايفهم
ثم صرت ابعده بيدي بشكل غير مؤذي وبرضو نفس المشكلة
بعدها ماصار عندي حل غير الضرب وهو اللي تقريبا صلح معه وصار يبعد فترة عني وصار يخاف مني
مع انه احيانا يجي ولازم اضربه كم مرررة عشان يرجع .. بس صرت اشوفه منكسر
ولو اجلس معه اليوم كله ماوقف عن الهجوم والغريب احيانا اجي امسكه وامسح على راسه والعبه يهدى دقيقة او ثنتين ثم يحاول يستغفلني عشان يهجم
فماني عارف كيف اتعامل معه مع اني انا اللي احط له اكله وشربه بشكل يومي !!
ولا يبين انه هجوم عن كره مثلا او حقد ،، يجي يرركض وهو ساكت ويحاول يعض وهو ساكت

وسؤال ثاني لو سمحتوا لي /
حطيت له رمل وجبت بخاخ عشان يشمه ويوصخ فيه بس مافاد معه يحاول ياكل مكان البخاخ ويوصخ بكل محل

[Abo_fahed]

وعليكم السلام ورحمة الله وبركاته ،،

مساكم الله بالنور والسرور

بخصوص العض هذي مشكلة الكل يعاني منها

واكثر المربين اذا بيقعدون مع الجراوي في هذا العمر يلبسون

بوت >> حذاء طويل وصلب شوي

وجاكيت

عشان مشكلة العض

ولان اسنان الجراوي حادة وتجرح أكثر

اقرا هذا الموضوع وطبق الموجود وعليك بالصبر




http://www.2zoo.com/vb/showpost.php?...05&postcount=1

[namia]

تمنياتى لك التوفيق فى التربية

[أبو نوح]

أبو فهد لاخلا ولا عدم .. كلامك جميل جدا وواضح وسهل التطبيق
عز الله انك رجال اجودي


الله يجزاك بالجنة ووالديك
مشكور يالشيخ

[أبو نوح]

ناميا شكرا جزيلا على مشاعرك الجميلة ( :

[Abo_fahed]

الله يجزاك خير

على الدعاوي الطيبة

[rotty apple]

في العمر هذا الكلب مايهجم على قولتك هو يلعب معك
وحاول تحط يدك عنده ولو بيجي يعضها ..... وقله نو
ولمى يلاحقك او ينط عليك في العمر هذا صدقني يلعب معك