غر الكروان ضروري

[مارشميلو]

السلام عليكم

حبايبي عندي فرخين كروان وفرخ روز ^_^

طبعا الكروان لحالهم والروز لحاله

اعمارهم تقريبا اسبوعين

انا اعطيهم السيريلاك تبع الطيور اللي مرسوم عليه كوكاتو
بس اول مرا اجيب فروخ غر وانا اغرهم

فابي اعرف

1- كل كم ساعه اغرهم ^_^
2- هل ينفع اعطيهم شي مع السيريلاك او اكتفي فيه
3- متى ابدا اعطيهم خبز مبلول وورقيات ؟
4- متى يبدون يعتمدون ع انفسهم باي عمر؟


* المشكله سمعت انو الغر ساعات متقاربه
طيب اذا كنت نايم وش اسوي ×_×

*
هل عادي احط الروز معهم ما يصير شي بما انهم فروخ او يفضل يكونون زي الحين مفصولين ^_^


تكفوون ساعدوني ^_^

وشكرا

[مارشميلو]

محد يبي يرد علي ؟؟ ):

[يعسوبة]

السلام عليكم
وعليگمٰ آلسلآمٰ ≀⁕..

بخصوص اسئلتك

1- كل كم ساعه اغرهم ^_^
انت ماذكرت العمر بالتحديد لكن تقريبا كل خمس ساعات وكل ماكبروا في العمر تقل المدة

2- هل ينفع اعطيهم شي مع السيريلاك او اكتفي فيه
الافضل تسلق بيض وتعطيهم الصفار مره يحبونه اكثر من السيريلاك
مع شوية مويا حتى يصير لين عليهم وبقسماط ( ان لم يوجد خبز مجفف تطحنه ) وتراه مغذي ويسمن الطيور ويقوي عظامهم
واذا عمرهم فوق الشهر ممكن تجيب نصف بيضة مسلوقه وتحركها بالشوكه تخليه لين زي السيرلاك مع المويا وبالبقسماط وتحطه عندهم في الصحن عشان يبدو ايتعودوا على الاكل بانفسهم وممكن تاكلهم في يدك عاد انت وطريقتك اهم شي اعطيهم بيض
وممكن تجيب خس تخليه لين تحركه في اصابعك حتى يذوب بشكل دوائر صغيره على قد فمهم وتغريهم فيه في يدك

3- متى ابدا اعطيهم خبز مبلول وورقيات ؟
ماذكرت العمر لكن بعد مرور شهر ونص حاولي تعلمه ياكل هو ماراح ياكل اول مرة لكنه بيحاول
يتسلا فيهم واهم شي صحن الحبوب خليه دايم عندهم بعدين شوي شوي بياكلهم

4- متى يبدون يعتمدون ع انفسهم باي عمر؟
بعد شهرين بالتمام يمكن فطمهم لكن انت حط عندهم حبوب الكروان ينقنقوا عليه قبل الفطام
زي ماقلت لك

* المشكله سمعت انو الغر ساعات متقاربه
طيب اذا كنت نايم وش اسوي ×_×
خليه نايم وبيصحيه الجوع اذا جاع
*
هل عادي احط الروز معهم ما يصير شي بما انهم فروخ او يفضل يكونون زي الحين مفصولين ^_^
الافضل تفصلهم عن الروز

وشكرا
االعفووو

[يعسوبة]

هذا الموضوع ممكن يفيدك عن الغر لفروخ الكروان


http://www.2zoo.com/vb/showthread.php?t=310707


موفق

[مارشميلو]

^
^
^

الف الف شكر
الله يجزاكي الف خييير

ما قصرتي ^_^

واعمارهم تقريبا 14 يوم ^_^

[يعسوبة]

14 يوم كل خمس ساعات تقريبا هو اذا جاع بيفتح فمه بدون اي معاناة
واذا كنت فاضي يفضل اطعام الفرخ باليد لانه ساعتها بيتعود عليك مو ع الابره ويصير كل ماشافك يفرح
لانه بيحس انك احد والديه وياليت تصفر له اذا جيت تغره تصفيره وحده كل مره ماتغيرها
وبعد شهر بيتعلم الطيران ساعتها بيصير عند الطير ارتباط شرطي وقت يسمع التصفيرة وتفتح له القفص بيجيك طيران ويوقف على يديك
وهذا انا اسويه بطيوري لتدريبها منذ الصغر على الطيران والوقوف على يدي بدون معاناة
وتتأكد من حوصلة الطير اذا شبع او لا
وكمان تحط الاكل في فم الطير بالسرينجة على الفتحة اليسار حتى لاينزل الى جهازه التنفسي ويسبب مشاكل
ولا تملا الحوصلة زياده عن اللازم لأنه يتسبب بموت الطير


بالتوفيق

[يعسوبة]

http://youtu.be/EqrlUeraF0U

هذا الرابط بيفيدك ان شاء الله

[مارشميلو]

الف شكر يا غاليه
ما قصرتي

انا اعطيه كل 5 ساعات بس ما املى الحوصله كامله ):
اخاف ههههههههههههههههههه

طيب دورت موضوع عن غر الطيور حسب الاعمار والساعات بس ما حصلت لا موضوع ولا صوره ×_×

يعني الحين عمره 16 يوم بس كل ما تغير العمر كل ما زادت الساعات هذا اللي سمعته بس
ما اعرف العمر والساعات الى الحين

اذا عندك موضوع او صوره يفيد العمر بوقت الغر اكون لك من الشاكرين ^_^

[يعسوبة]

بعد مايكملوا شهر تصير 4 مرات وبالشهر الثاني ابدا حطلها حبوب تنقنق وتتعلم عليها
راح تلاقيها بالبداية تلعب فيها بعدين تتعود عليها وتعرف انها طعامها المستقبلي
وكل ما يكبر الطير نقص ساعه
واحسن لك لاتملا الحوصلة لانه ممكن تجيب تخمه للطير ويتقيأ

والله انا غريت طيور كثيرة كروان وروز وحمام وغيره
ونظامي كلها بدون تقيد بالساعات او بعدد المرات متى ماشفت الفرخ جاع. غريته
بس ما املأ الحوصلة مثلك وطيوري مبسوطة

ببحث لك عن موضوع للغر اذا حصلت

[مارشميلو]

^
^

الف شكر
ما قصرتي

الله يجعله بموازين حسناتك يارب ^_^