دواء سبكتوفت للحقن ام يحط مع الموية

[rwabi]

يا اخوان واخوات
الكاسكو عمره 4 شهور حطيتة مع البلوفرنتد ولاحظت ان الكاسكو فية خمول

وسهال لون ابيض اعزكم الله راح اخوي بالكاسكو لدكتور واعطاة

سبكتوفت قال بعطية حقنة بهالعلاج قل لا لان اخوي يقول مايستاهل الابرة الموضوع

بعدين قال خلاص خذ منة وحط بالموية قال هذا حق حقن قال لا عادي حطيه بالموية

انتم شرايكم



http://im26.gulfup.com/2012-06-06/1338981803751.jpg

[AVOCADO]

هذا الي بيذبح الطير
لا وعمره 4 شهور
هذا الدواء مخصص للبهايم الكبيره
وما راح يتحمله الكاسكو الفرخ الي عندك

الطير جايه برد واسهال بس

روح لصيدليه ثانيه يكون له خبره بالطيور مثل الببغاءات
وقوله ابي علاج مخصص للبغاءات لحالات الاسهال والبرد

والدواء عادة يكون قطر تحطه بمشربيه الماء
او تسحب بالابره وتذوبه في مويه وتخلطه ويشرب الطير منه
وعاده علبة الدواء يكون مرسوم فيها طير ببغاء ومجموعه حيوانات

حاول تبعد الكاسكو عن طيور اخرى عشان ما يعديهم
وتنظيف ارضيه القفص باليوم مرتين

[rwabi]

نفس المواصفات الي قلت موجودة افتح الرابط

بس انا بحثت في المواقع بيقولو عادي بقدر معين

[AVOCADO]

والله شوف انا ماني بيطري
لكن من كثره الامراض الي عاصرتها بالحيوانات الي اربيها صارت عندي خلفيه بسيطه

وفي شي تعلمته
ان اغلب شركات الادويه البيطريه تنزل دواء معين او مضاد حيوي بنسب وتراكيز متعدده
يعني نفس اسم الدواء تحصل منه
2.5 %
5 %
10 %
15 %

يكون في منها بتركيز ضعيف
يعني ماهو مركز مرره وهذا يكون للحيوانات الصغيره مثل الطيور والببغانات والفئران والسناجب ومثل هذه الحيوانات باحجامها الصغيره

وبنفس اسم الدواء ولكن علبه كبيره وبنسبه عاليه ومخصصه للحقن بالابره وتكون للحيوانات الكبيره مثل الجمال والاحصنه ومن هالقبيل

وصارتلي مره

اشتريت مضاد حيوي واسمه مشهور والكل مجربه للطيور والببغاءات ويمدحونه

وطبعا اول ما فتحت العلبه وجدت ابره بالداخل
ولكن الصيدلي اخبرني كما اخبرك ان اسحب منه بالابره مقدار 1 ملم واضعه في مشربيه الطائر
ويوم واحد مات الطير

وبعد ان تطقست بالموضوع وجدت ان الدواء الذي اشتريته نسبته 5 % وهو مخصص لطيور الكبيره مثل الدجاج والبط والوز وايضا القطط والكلاب

ويوجد منتج لنفس الشركه وبنفس مكونات المضاد ولكن بنسبة 2.5 % وهو مخصص للطيور الصغيره

ولكي ترتاح عادة ادويه الببغاءات يكون مرسوم بها صورة لراس ببغاء

اما العلاج الذي ذكرته انت فاعتقد انه مخصص للطييور الكبيره مثل الدواجن ويستخدم عن طريق الحقن بالفخذ