مشكلة + سؤال = ابي حل ^^

[هاوية خلق ربي]

السلام عليكم ورحمة الله وبركاته

أحبتي هاوي طيور الفينش جميعاً

أنا لدي زوجين من طيور الفينش زيبرا

كان فيه بينهم جدال ونتف بالأخير فاز الناتف

اما المنتوف لم يرضى بالهزيمة >هع هع

وتحول الوضع لصالحه

المهم تعبوني معهم نفسياً قبل الجسدياً

وعزلتهم عن بعضهم بمشورة الهاويين الله يعطيهم العافية

لكن تبقى لي مشكلتين الأولى : أن الزوج المنتوف تمسلخ من الريش الانثى

من أول ماجتني وهي منتوفة

والذكر حصل لها ماحصل بعد نتف الزوج الثاني لكن ريشها أكثر من ريش الانثى

ولأن ريش الذكر ماله فترة منتوف توقعت يطلع بعدين

لكن الأنثى شريتها من شهر ونص تقريباً وما طلع ريشها إلى الآن !

وأما المشكلة الثانية هي مو مشكلة لا هي سؤال ^^

المهم :

سؤالي هو أقدر احرك شبكهن اللي عبارة عن شبك واحد لكن بينهن فاصل

إلى غرفة مغلقة بحيث مايهربن وأطلعهن من الشبك لفترة من الزمن !

أرجوكم افتوني في امري ^_^

وأعتذر على كلامي الغير مفهوم نص لغة عربية ونص عامي *_^

بانتظاركم

[kornet]

نتفتي مخي بـ التنتيف :P
المهم.. راح اجاوب على حسب الي فهمته من الموضوع خخخ
الي فهمته ان المشكلة في الريش وان في البداية بعضهم كان ناقصه ريش
وزاد بعد بعد المناتف الي تناتفوه هههه

الريش الي في البداية "منتوف" هذا اغلب الظن انه الطيور قاعدة تبدل ريش
بسبب الجو او يمكن فيهم شي في ريشهم مثل حشرات طفيلية تتكون تحت الجلد
تشرب دم الجلد,, كـ حل إحتياطي تقدرين ترشينهم بخاخ بماي بحر
او تروحي الى بيطري او محل يعطي بخاخ خاص في هذي الامور
انا استعمل ماي البحر كونه طبيعي ..

اما بخصوص المنتوف بفعل فاعل خخخ فـ راح يطلع مستقبلا ولا تحاتين
وحتى اذا ماطلع كامل ماراح يأثر بشكل كبير

اذا ممكن تحطين صور نقدر نخدمك اكثر..

[منتج الكرست]

جلست انتف شنبي وانا اقرأ موضوعك انواااااااااااع التنتيف

مو ناقص غير انتف حجاتي

هههههههههههههههههههههههههههههههههههههههه

بصراحه حستيني حوس ماني عارف اميز وافرق بين الناتف والمنتوف الله ينتفنا برحمته

والله يأختي خايف افيدك بشي غلط على حسب فهمي وتنتفيني بدعوه ينتف الله فيها شعري


اسمعي يالغاليه مثل ما ذكر اخوي البحريني إذا كان الطير ينتف نفسه فأحتمال فيه حشرات في جسمه مع ان هذا الشي نادر جدآ في الزيبرا دعيهم يتروشون بماء البحر او رشي تحت جنحانهم بمبيد خاص

وإذا كان النتف شخص ينتف الآخر وفري لهم ادوات التعشيش او القطن بشكل مقطع قطع صغيره وإذا لم يتغير شي بدلي الأزواج اي ضعي الذكر مع الأنثى الأخرى يعني اعكسي الأزواج

او اعزليهم فتره اسبوعين بالكثير وارجعيهم من جديد مع بعض

[هاوية خلق ربي]

أعتذر على نتف عقولكم وشواربكم

ولقد نتفت شوشتي قبلكم

والآن اليكم طلب البحريني >ماأقلد أحد

الصور كلها مجموعة في صورة متحركة

وترا عرفت الذكر من الأنثى من اللي بايعها علي

[منتج الكرست]

ياليت صور لهم مع قفصهم عشان نفهم شالسالفه.... وننتف شنبنا على رواقه

ههههههههههههههههه

[kornet]

ههههههههه يا ساتر
الطيور الـ 4 ذكور وتبين مايتناتفون
لووووووووول
كلهم ذكور اختي
مافيهم اناث..
ممكن تحطين صور اوضح علشان نتأكد اكثر؟
لأن الي انتي كاتبه عليهم اناث هذيلا ذكور
والبيضان اذا منقارهم احمر ذكور مو اناث

[zaeeem]

بعد الشرح اللي نتف عقولنا
توقعت ان الصور بتوضح
لقيت ان الصور كملت الباقي


المهم مثل ما قال البحريني >>> لحد يطالعني
كلهم ذكوووور
يعني زين انهم عايشين

[منتج الكرست]

ياجماعه اعذروني لو طلبت صور من صاحب الموضوع والصور موجوده لأن عندي النت في العمل ما تفتح الصور ولا يبين ان فيه صور من الأساس ... فقط تبين عندي الصور في البيت ....وانا اكثر ردودي وتعليقاتي وانا اكون في العمل

اكيد نتفت مخكم

ههههههههههههههههههههه

[مـحـمـاس الـمـنـحـاس]

اختي
لازم تعطيننا صور اوضح من كذا
بالذات للطيور اللي لونهم ابيض
لأنه احتمال كبير (احتمال ومو اكيد) انهم مثل ماقالو الاخوان يكونو كلهم ذكور

اما الطيور اللي انتي قلتي انهم الاناث فهم واضح انهم ذكور
والطيور اللي لونهم ابيض هل يوجد تحت عينهم خط اسود ولا لا؟
اذا فيه خط اسود (دمعه) تحت العين فهم اناث واذا لونهم ابيض ساده من المحتمل ان يكونو ذكور
عشان كذا نبغا صور زياده

[جلو11]

بعد ما انتف مخي وانا اشاهد الصور اتضح مايلي
الصوره الاولى ذكر والصوره الثانية احتمال كبير ذكر الصوره غير واضحة لاكن اذا كان يوجد لدية وشاح اصفر اسفل الجناح فهو ذكر وانصحك تبدلي احد الذكرين بانثى هذا على اعتبار ان الصوره الاولى والثانيه هم جوز
الصوره الثالثة انثى (الناتف) والصوره الرابعه ذكر
ملاحظه حطي عازل بين الشبك بحيث أن كل زوج لايرى الزوج الاخر وحطي لهم اضاءه اقوى ولاتكثري من تفقدهم
وأن شاء الله بعد فتره تخبرينا انهم جابو لش نتاتيف صغار