ارجو المساعدة سؤالين عن الحمام

[$صقر الجنوب$]

السلام عليكم ورحمة الله وبركاتة
1- انا عندي قفص فيه 15 حمامة وحبيت اعرف كم الفترة اللازمة
عشان يتعود الحمام على المكان وافتح له القفص عشان يروح ويرجع
وانا اول مرة اربي حمام وما عندي خبرة فيها
2- كيف اعرف اذا كان الحمام الي عندي ذكر ولا انثى؟

ارجو ان تفيدوني بخبراتكم

[βǺĐ ŦỠ ЎỖЏ]

اخوي اول شي

لا نصحك انك تطيرهم

انا انصحك انك تخليهم لين ماينتجو ويتكاثرو وتطير اولادهم

الان مو اكيد يرجعو

ادا كانت الحمام متعلقه بمكان الي نولدت فيه راح تروح اليه وماترجع الك

لكن عاده الحمام الطيار الي ماقد طار من قبل يحتاج الى

شهر او شهرين تكفيه الى ان يرجع الك يعني يأمن على مكانك

يعني بروح ويرجع وبعضهم لو بس اسبوع وطار من عندك بعض الاحيان يرجع

وهذه حصل الي

اما ادا كان زاجل اصلي فمافي امل انه يرجع الك بروح على طول الى المكان الي تربه فيه

وادا زينه هم كدلك مابيرجع

اما بخصوص انك تعرف الدكر من الانثى

1) الدكر يكر (يهدل )
2) كبير الحجم
3) حجم راسه ضخم وهذه احسن شي يميز الدكر من النفيه
4) امسك الدكر ووضعه مع دكر ثاني ادا تهاوشو واثنينهم قامو يكرو فهم دكرين ادا بس واحد معناته دكر ونفيه
انا انصحك انك تطير حمامه وحده بس

ادا رجعت طير الباقي

او خليهم حق انتاج وطير اولادهم

[βǺĐ ŦỠ ЎỖЏ]

نسيت اقول ويش نوع الحمام الي عندك ؟

[$صقر الجنوب$]

مشكور اخوي ما قصرت و انواع الحمام الي عندي نفاخ وروماني والنوع الاخر له ريش على رجوله

[βǺĐ ŦỠ ЎỖЏ]

اخوي هذه الانواع لا تطير ليست حق المطيار

ولاانصحك بتطيرهم الانهم مابيرجعو هذيله حق التربيه والانتاج فقط لا غير

والاستمتاع بمضهرهم الجميل

الحمام الطيار :
زاجل
هندي
باكتساني
قلاب
وصنعاوي يمكن ويمكن انا ماجربت لكن بعض الاخوان جربو لكن مو اكيد

وانصحك بتربيتهم الانهم اسرع في التكاثر وارخص في السعر

اتمنى اني افتدك واي سؤال انا حاضر

[$صقر الجنوب$]

شكرا اخوي افدتني كثير تسلم يمناك

[βǺĐ ŦỠ ЎỖЏ]

الله يسلمك