سؤال لخبراء الحمام ( الفزعه )

[% الوسمي %]

يا شباب ويا جماعه ويا اخواني

عندي جوز حمام جنني يجيب بيض موب ملقح

باض عندي يمكن اربع مرات لكن كل بيضه مو ملقح

يرك الحمام عشرين يوم واذا كسرت البيض احصله اصفر كأنه توه بايضته

يعني موب ملقح بس المشكله اشوف الذكر يركب النثيه قدامي بس ما فيه فايده

قال لي احد ربعي نتف الريش اللي حوالي فتحت الحمامه وسويتها ونتفت الذكر والنثيه من تحت

بس ماكو فايده الظاهر ان الذكر ما يعقد يعني عاقر

تكفون اذا فيه حل او علاج لذكر او دواء ينعطى لذكر ياليت تفيدوني

وخاصه ان هالجوز نادر بالسوق وانا شريته غالي

[ehap_ali2005]

السلام عليكم اخى الوسمى يسعدنى ان اكون اول من يرد على سوالك
بعض الذكور تصاب بهذه النوع من العقر ولكن هناك بعض الاسباب قد تكون فى الاناث وليست الذكور.
كما قال لك صديق قم بنتف الريش حولين فتحه الشرج للذكر وللانثى.
وهناك حقنه مجربه بها ماده السيستانون وهى من الصيدليه البشريه وهى 250 ملى قم بحقن الذكر تحت جلد الرقبه كميه نصف سم فقط فى اول مره فذا لم تظهر نتيجه زد الجرعه الى واحد سم.هذه الحقنه لزياده الحيونات المنويه.
ولكن الاهم من ذلك التغذيه الجيده والفيتامينات. وخصوصا فيتامين الف 3 ه وهوا مفيد للذكور والاناث فى عمليه الاخصاب. وقد يقول لك العبض بتكسير عضمه الذكر( من تحت فتحه الشرج) لا تقوم بها لان ليس لها اى نتيجه مجربه .
فان لم يكون البيض مخصب فاحاول بفصل الزوج وتجويز الذكر انثى اخرى والانثى ذكر اخر. ولست فى دعى للانتظار 20 يوم لمعرفه اذا كان البيض مخصب ام لا. انظر تحت اى لمبه بعد حوالى 3 ايام لترى ان يوجد عروق حمراء ام لا وراجع موضوع عن البيض المخصب فى الصفح السابقه
اتمنى ان اكون افدتك

[قطرررررررررررري]

كلام اخوي ايهاب صحيح

واخوي الوسمي حاول تعزل النثيه عن الذكر فتره يعني 5 ايام ولا 7 ايام خلهم يرتاحون

وبعدها نتف ريش النثيه من تحت والذكر وحاول انك تغسلهم بماي وملح ملح خفيف مو وايد

اوكي وبعدها كثر لهم الاملاح والفيتامينات

وفي فترة الراحه الخمس ايام او السبعه حط حق الذكر اكل مخلوط بذور الحلبه

روح سوق واقف وبتحصل وايد

وبعدها دخل النثيه على الذكر وفر لهم املاح وفيتامينات وان شاء الله بتشوف فروخ


انا صارت معاي مع جوز ذبحني الذكر كلش مايلقح النثيه وبعد ماسويت هذي الطريقه الحمدلله
فرخ الجوز عندي فرخ مات وفرخ الحمدلله كبر ومافيه الا العافيه

بس على فكره الوسمي اذا الجوز اللي تتكلم عنه الذهبي ترى هذا من عيوني خاطري فيه

الله يوفقك ويبارك لك في حلالك

[% الوسمي %]

اخوي ايهاب تسلم على الافاده وان شاء الله اجرب اللي قلتي لي عنه

وتسلم على السرعه بالرد اخوي ايهاب

هلا والله اخوي قطري الحلبه ابشرك موجوده في كبت جدي بسرق منها شوي هههههههههه

وبعزل الجوز مثل ما تفضلت انت واخوي ايهاب علي وبعطي الذكر حلبه وبعد اسبوع بعطي الذكر ابره

السيستانون وبدخله على طول على النثيه واذا فاد زين على زين واذا ما فاد بحولهم على اخوي

عنده طير ياكل الخضر واليابس مسمينه بو غريب وهو بيتصرف معهم

اما عن الجوز اي والله الذهبي الظاهر عينك حاره يا قطري

بس معليه يفدونك

[ابو سلمان]

اخي العزيز الشباب ما قصروا واعطوك الحلول بس انا عندي اضافة بسيطة
ان كان في فترة الصيف اكثر الازوج ما يصلحون البيض بسبب الحرارة يكون البيض عاقد ومع الحرارة الزائدة يخرب وكما قال اخي ايهاب يمكنك فحص البيض بعد ثلاثة ايام الى اربعة بتقريبه من النور
وحاول استخدام ب 12 لذيادة الاخصاب عند الذكر والانثى وزيادة الاملاح والمعادن واحتمال ايضا يكون
ديدان في الذكر او الانثى لا يساعدة على التلقيح اعطيه جرعة ديدان وهذا اكثر شيء يصيب الحمام ويمنعها من الانتاج
وشكرا تحياتي لك
ابو سلمان

[شيخ الزاجل]

يالوسمي في طريقة سويتها وانفعت بعض الحمام اقدر اقول 70% منهم

اولا مثل ما قلت تنتيف الريش اللي حول موخرة الحمام وبالاضافة الى ريش الذيل

ابعد الذكر عن النثية تقريبا 15 يوم كل واحد في قفص بس يشوفون بعض

عط كل واحد منهم فتمينات طول هذي المدة اللي تزيد الاخصاب عندهم

في ابره تسأل عنها الصيدلي تعطي النثية واحد ونصف مل في الصدر بعد 12 يوم من مفارهم تزيد الاخصاب وبعد هذا دخلهم على بعض وانشا الله يتخصب البيض

بس لا تنتضر 20يوم بعد 6 ايام من انزال البيض اخذ البيضة ومعاك الكشاف النور وحط الكشاف ورى البيضة وشغله اذا شفت عروق رجعة مكانه وحاول لا يهتز البيض كثير
ملاحظة ترى يمكن يكون من النثية لا تتسرع واذا ما نفع في طريقة ثانية
والله يوفقكم

وسامحنا على القصور