حر ولا خوف ؟؟؟

[Rio.N]

السلام عليكم ورحمة الله وبركاته
انا كل يوم اطلع الببغاء العصر عشان اشمسه انا صراحه ما افضى الصباح المهم انا اطلعه بالقفص عشان اخاف يطير وما يرجع
الببغاء وقت ما اطلعه 5 او 10 دقايق والا بدأ يفتح جنحانه ويقعد يلهث زي الكلب مع اني ما اطلعه الا قريب المغرب يعني حوالي 6 او6:30 والجو يكون مو حار ولا بارد معتدل وما احطه في الشمس في مكان ظل ويوم الخميس والجمعه اطلعه الساعه 7 ونفس الحركه انا اخاف عليه وارجعه جوه عشان مايصير فيه شي

فكيف اقدر اشمسه ساعه كامله وهو ما يقدر يتحمل خمس دقايق

[تركي111]

عليكم السلام ,,,
لاتخليه ساااعه انتبه يضرره
خله بالكثير خمس دقااايق
وان قدرت بعد ماتشمسه تعطيه بختيين بالمويه ع الطاير تنعنششه



موفق ....

[آنآستــآزيآ]

.. صــراحة غريبــة .. أنــا طيــووري تعشــق وقــت الغــروب ووقــت الشــرووق .. تنبســت إن شمستهــا بـ هـ الوقــت .. طيــركـ يمكــن مــوو متعــوووود علــى الأجــواء الجافــة ..

.. أنصحــكـ تطلعــهـ كــل يووميــن ومــا تخلّيــهـ يطــووول عشــان مــا يتعــب .. وتأكــد أنــوو الأكــل والموويــهـ مليــانهـ قــدامهـ .. وحــاول تروشــهـ مــرة بـ الأسبــووع ع الأقــل لـ كــي لا يحــس بـ الحــر ..

.. آنآستــآزيآ ..

[O.habeeb]

خليه نص ساعة وانا كان عندي درة تلهث اقوم ارش عليه موية كاني بخليه يتروش وبطل هلث موفق

[عاشق دبل هد]

يجب ان بدأ يلهث تبخ علية برشاش الموية فقط الطير مو متعود على الاجواء وطبيعي ان شاءالله

[همس الحروف]

شي طبيعي وانا اخوك انا عندي بلوفرنتد نفس الطريقة الطير ماهي متعوده على الجو لي عندنا بس بخه عليه بالماء وحطه بالشمس

[momen]

السلام عليكم ورحمة الله تعالى وبركاته

أخي يمكن الجو حار جداً عندكم أستغل وقت المغرب لتشميس الطائر ومن الافضل هو وقت شروق الشمس 10 دقائق ربع ساعة الى ان تحس بأن الشمس أصبحت حاره قليلا ..

[تشآرلي]

افادوك الاخوان ,,

في نقطه مهمه جدا وهيا بعد التشميس

انتبه ترجعه بشكل سريع الي مكان بارد ,, راح يمرض بسرعه

حاول ترجعه لمكان فيه ظل وشوي شوي الي البيت والتكيف مغلق وبعد ساعه او اكثر عادي لو تشغل التبريد

[بلاك بيري]

مين يقولك شمسه ساعه كامله ؟

الطير تشميسه بشمس الصباح الباكر او العصر لمده 5 الى 10 دقايق بالكثير ويكون الطير يتروش موب فقط يتشمس وبس

والحركه الي يسويها ماهي الا احساسه بالحر

[Rio.N]

مشكورين يا الغالين
ما كنت اعرف انه بس 5 او 10 دقايق لانه كل ما سألت واحدقالي ساعه بس ما دام انه خمس دقايق خلاص
وطيري ما شاء الله يعشق الترويش بس انا اروشه مرتين في الاسبوع بس ما كنت اطلعه يتشمس بعد الترويش بس خلاص من اليوم راح اروشه واشمسه
والله يعطيكم الف الف الف الف عافيه على مساعدتكم لي
وشكرا