سؤالي عن ترويض الببغاء النيبالي ( الكاحوووول )

[امزوني جميل]

احبابي أعضاء وزوار منتدي تو زوو الغالين عندي استفسار بخصوص ترويض الببغاء النيبالي فأرجو ثم أرجو من أصحاب الخبره و مجربين ترويض هذا النوع انه يفيدني

وآسف على الاطاله

[محمد الحوري1]

بسم الله الرحمن الرحيم
السلام عليكم ورحمة الله وبركاته
الســـــــــــــــــــــــــــلام عليـــــــــــــكم
كيفيت ترويض ببغاء نيبالي -المزاج والفاقه:
شوف أول شي لازم تتفيقله قدر الإمكان....تجلس معه أقل شي 3 أو 4 مرات في اليوم
الصباح (ولو نص ساعه) - الظهر ساعه -العصر ساعه - المساء ساعه
أذا ما فيك بارض حاله لا تعب نفسك (بيعه حالي)

2-الأكل:
- عطيه الأكل بيدك ولا تخليه في كوب أو على الأرض (كل شي بيدك) ولا تخليله أكل ياكله وحده لبرررررر.
- عطيه الفواكه وخضار بيدك (مثل الخس والخيار والتفاح والكمثره يموت عليه).
- الحب عطيه حبه حبه بيدك (أهم شي بيدك)
-الفول السوداني (غير مقشر) يجن يوم يشوفه تقول حشيش ولا هروين


وأستمر كذا كم يوم إلين الرجال يحس أنه ما حد بيعطيه أكل غيرك أو الأشخص إلي تريدهم يتعودو عليه
-بعدين بتحصله يفرح يوم يشوفك......يعرفك بتعطيه أكل

-كيف تخليه يجي على يدك؟
حاول تحط يدك اليسار قدامه عشان يجي فوقها
وباليمين تعطيه أكل وأنت تبعدها عشان يجي على يدك اليسار (إذا ما فهمت بشرحه أكثر)
بس لا تروح بعيد عن الإستاند أو القفص عشان إذا بغى يرجع يقدر.....(يمكن يعضك إذا رحت بعيد)

-كيف تمسح على رأسه:
حاول شوي شوي شوي شوي تقرب يدك من راسه بحركه بطيئه جدا جدا جدا (دهديه دهديه)
وحاول تلمس راسه (بس تحذر اول ما تشوفه فتح منقاره شويه... تبعد يدك برفق ) عن تذوق شي من ذاك الغاوي وجلس على ذي الحاله (ربع ساعه/ نص ساعه عادي)
لازم تصبر عليه كم يوم على ذي الحاله (يمكن ما يخليك تمسه 3 أيام أو سبوع أو أكثر )
بعد ما يسمحلك حضرته تمسح راسه ....تبدأ نفس الحاله مع ظهره (شوي شوي تنزل ...وتبعد إذا حسيته بيعضك)

إذا نجحت في هذي المرحله تكون روضته ......بعدين عاد تقدر تعلمه حركات واجد (يدور على نفسه -يقلب نفسه) بشرحها بعد ما تنجح


3-لا تخليه حال الصغيرين :
- إذا حد سوى حركة سريعه قدامه وخاف منها بتغيبو عنده!!!
- إذا حد ضربه بيروح فيها ملح!!!
- إذا قاموا الصغيرين يصرخوله (أو خليته قريب التلفزيون).....بيستوي مزعج (صدعان)

[امزوني جميل]

مشكور أخوى وما قصرت وننتظر المزيد من التجارب التي انتهت بالنجاح مع هذا النوع من الببغاوات (( الكاحوووول ))