استفسار عن فرخ كوكاتو

[خيماوية]

السلام عليكم اخواني

عندي فرخ كوكاتو عمره تقريبا 4 شهور .. كل مرة يعطس من يحاول يرمس ويخربط ف الكلام

توقعت هالشي طبيعي بس الحينه مب بس يعطس .. الطير يكح بعد

الفرخ بعده ع السيريلاك .. انا توقع ان السيريلاك او الماي دخل ف قصبته الهوائية

بس مادري شو الحل وياه


اصحاب الخبرة افيدوني

[سمسم746]

اهم شي لا يكون تحت المكيف او التيارات الهوائيه
انصحك تودينه للطبيب البيطري

[خيماوية]

اللطير موجود ف مكان دافىء بعيد عن المكيف او اي تيارات هوائية ..

والمشكلة مابا اوديه العيادة لانه ماعندهم خبرة وعادي يجتلونه شرات طيري الاولي

[خيماوية]

الطير الحمدلله نشيط ومافيه اي خمول
وبرازه وانتو ب كرامة اوكيه طبيعي

بس مادري شو سالفة العطاس والكحة احسه مثل الاختناق

[سمسم746]

ما عندك مقطع طيب نشوفه
ايش اكل وايش عنده بالقفص من اغراض و الا على استاند هو والا ايش الغير طبيعي من اخر مره كان وياك

[خيماوية]

بعده فرخ صغير ياكل بس سيريلاك وماعنده شي ف القفص ولا الاستاند

اعتقد مزكم ! لان عطيته مضاد حيوي وصار احسن شوي

[بلاك بيري]

اختي الفاضله ننصحك بغر الطير مع وضع كميه من مضاد التايلان بمقدار 2 سيسي من ابره الأنسولين تكون جدا ممتازة لكي يتعافى الطير ويتحسن وايضا يمكنك ان تخلطي السيريلاك مع قليل من خلطه الثوم بالليمون


موفقه

[خيماوية]

وديته للبيطري وقالي بيعطيه ابرة لمدة 3 ايام :s بس انا مارضيت لان بعده فرخ مااعتقد يتحمل الابر

وقالي بيعطيني دوا شروب ولمدة 3 ايام واليوم ثالث يوم اعطيه الدوا بس بعده الطير مزكم وشهيته قلت مب شرات قبل

يستوي اعطيه اليوم مضاد التايلان وخلطة الثوم والليمون ؟! وكيف الجرعات والمدة ؟!

[بوناصر91]

ان شاء الله يتعافى الطير
اختي اقدر اسالج من وين خذتيه
حاولت ارسل لج رساله بس للاسف مشاركاتي اقل من ٥٠
لانه دورت كوكاتو بس للاسف نار سعرره

[خيماوية]

ان شاء الله ربي يسمع منك بو ناصر ..

ب خصوص الكوكاتو ربيع اخوي يايبنه حقه من ريال كان عنده حبتين