ابغى اعرف الفرق بين الاسهال والامساك

[loody dody]

ابغى اعرف الفرق بين الامساك والاسهال
لانو البسس اللي عندي نصهم عندهم اسهال والنص الثاني امساك ,,
حاسة اني مخربطة منجد مو عارفة ايش اعطيهم من اكل سوا كان اسهال او امساك
ابغى اعرف اعراض الامساك واعراض الاسهال ؟
مع انو الاغلبية فيهم شهيتهم للاكل مفتوحة بس عندهم اسهال والعكس صحيح
منجد ماعندي عندي عقل ساعدوني يجزيكم كل خير

[فاتـــو]

اهلين اختي
الاسهال يكون البراز لونه فاتح وشبه سائل
وبتلاحظين ان القط يسويها في كل مكان
ورائحه البراز نتنه وغير مقبوله
اما الامساك
بيكون البراز متحجر وعلى شكل كرات
او بتلاحظين اللتر بوكس فاضي لعده ايام لان القط مو قادر يقضي حاجنه
واذا جا يقضيها بينونو ويتألم لانه مو قادر يخرج
شوفي من عنده اسهال ومين امساك
وعطيني اعمارهم علشان اعطيكي العلاج

[loody dody]

المشاركة الأصلية كتبت بواسطة فاتو.

اهلين اختي
الاسهال يكون البراز لونه فاتح وشبه سائل
وبتلاحظين ان القط يسويها في كل مكان
ورائحه البراز نتنه وغير مقبوله
اما الامساك
بيكون البراز متحجر وعلى شكل كرات
او بتلاحظين اللتر بوكس فاضي لعده ايام لان القط مو قادر يقضي حاجنه
واذا جا يقضيها بينونو ويتألم لانه مو قادر يخرج
شوفي من عنده اسهال ومين امساك
وعطيني اعمارهم علشان اعطيكي العلاج

عندي 17 بسه من ذكور واناث في بعضهم البراز عادي انا اشوفه ,, وبعض شبه سائل بس ثقيل اذا فهمتي قصدي .. بس اكثر شي هذولي .
3 اخوان اعمارهم 8 شهور وكم يوم ورائحته كريهه زي الصديد
ميسون برازها لونه غامق بني وشبه سائل ,, هل من الممكن يكون من نوع الاكل
نعمان يحاول انو يتبرز بس مو قادر ويطلع صوت اللي يشوفه يقولو عندو امساك بس لما اشوف منطقة الاخراج الاحظ شي بسيط سائل .. احترت معه مو عارفة اذا عندو امساك او اسهال
وعندي برعي عندو اسهال لي يومين اعطيه كابتين بس مايرضي ياكل الا بالقوة ,, ودحين راح اعطيه العلاج ,, ملاحظتي هي انو اليوم يحاول انو يتبزر بس مافي شي ؟ هل هذا شي عادي
وابغى وصفات لاكل اقدر اعطيهم للي عندو اسهال وامساك ..
اذا ماقدر انو يتبرز القط واستفرغ هذا شي عادي صح ؟؟
واقدر اعطي للي عندو اسهال علاج ؟
وهذي اعمارهم
4 بسس 3 شهور
بسه 5 او 6 شهور
4 بسس 8 شهور
3 بسس سنة
2 سنة وكم شهر
بسة3 سنين
بسه 4 سنين
بسة اكبر وحدة بس مو عارفة عمرها ..
وكم سؤال اخير 1 مل كم يساوي بـ سم ,, لانو ماعندي شي قياسه بالمل بس بـ سم

[loody dody]

معقول مافي احد يرد عليا ,, نعمان مو قادر يتبرز

[فاتـــو]

اهلين اختي معليش على التأخير
ماشاء الله 17 قط! الله يحفظهم لك
شوفي الواضح من مشاكلهم في الاخراج سببه الاكل
اقطعي عنهم المعلبات تماما في الفتره الجايه كله لازم يكون اكل بيت
وبالنسبه للعلاج
للقطط اللي عندهم اسهال
اقطعي عنهم الالبان
جيبي انتينال من الصيدليه البشريه وكم سرنجه
طبعا السم هو المل نفس الشي في السرنجه
انتي ماشاء الله عاطيتني اعمارهم بدون ماتميزين بين الامساك والاسهال
المهم اللي من 3شهور الى سنه >نص مل
من سنه وفوق >مل واحد مره في اليوم لمده خمس ايام

الامساك
البسي قفازات ونظفي مكان اخراج القطط اللي عندها امساك بقطنه مبلله
وبعدين جيبي زيت زيتون ومسحي المنطقه بقطنه
وعطيهم على الريق كل يوم نقطتين زيت خروع او زيت زيتون على الريق
وتابعي برازهم يوميا اول مايتحسنون وقفي الزيت

سوي اللي قلتلك عليه وطمنيني

[loody dody]

اهلين اختي معليش على التأخير
ماشاء الله 17 قط! الله يحفظهم لك
امين يارب
شوفي الواضح من مشاكلهم في الاخراج سببه الاكل
اقطعي عنهم المعلبات تماما في الفتره الجايه كله لازم يكون اكل بيت
لي فترة ما اشتري لهم معلبات ولما بدات المشكلة هذي اعطيتهم معلبات نوعه بس ما كنت ادري انو مو كويس لهم لما شفت استفراغ ع الارض بس ماعرفت لمين فيهم واكل البيت هو دجاج مسلوق مع الخضار وشوي عيش مع انهم ياكلو اي شي مع انو زمان كانو ياكلو منه
وهذي صورته


وبالنسبه للعلاج
للقطط اللي عندهم اسهال
اقطعي عنهم الالبان
ان شاء الله .. بس الحين برعي مايقدر يتبرز مع انو كان عندو اسهال
جيبي انتينال من الصيدليه البشريه وكم سرنجه
للاسف مو موجودة قاللي الصيدلي واشتريت لهم كابتين
طبعا السم هو المل نفس الشي في السرنجه
تيب كويس انو طلع نفس المعيار
انتي ماشاء الله عاطيتني اعمارهم بدون ماتميزين بين الامساك والاسهال
موهذي المشكلة لانو عددهم كثير مو قادر اميز مين فيه الاسهال ومين فيه الامساك ..
بس زي ماقلت لك اكثر شي هو نعمان وبرعي اخراجهم صعب
المهم اللي من 3شهور الى سنه >نص مل
من سنه وفوق >مل واحد مره في اليوم لمده خمس ايام
ان شاء الله اعطيهم وربي يعيينني
الامساك
البسي قفازات ونظفي مكان اخراج القطط اللي عندها امساك بقطنه مبلله
وبعدين جيبي زيت زيتون ومسحي المنطقه بقطنه
وعطيهم على الريق كل يوم نقطتين زيت خروع او زيت زيتون على الريق
وتابعي برازهم يوميا اول مايتحسنون وقفي الزيت
انا اسوي كذا اغسل المنطقة وانشفها لهم ,, امس سويت لنعمان بس للاسف ما لحس المنطقة واعطيته هو وبرعي خروع بس مع السيريلاك عشان يقدر يبلعه بس والله تعبني ع مااخذه ..
امس لاحظت انو يتبرز بس زي المخاط وماايرضى ياكل او يشرب شي .. ولما يحاول انو يتبرز يتوجع وبعدين ينام ع الارض شفت البسة الحامل لما تبغى تولد زي كذا يسوي .. راح اسوي اللي قلتي لي عليه وربنا يسهل ويقومو بسلامة ..
سوي اللي قلتلك عليه وطمنيني
ان شاء الله راح اطمنك واذا في اي استفسار راح اخبرك

[فاتـــو]

ماشي دواء كابتين كويس بعد
اللي تحت السنه عطه ربع مل
واللي فوق السنه عطه نص مل
مره باليوم لمده اربع ايام
اعملي له مهلبيه بدون سكر واكليه طول اليوم مهلبيه
او سيريلاك بالقمح او الرز وبيوقف الاسهال ان شاءالله
بعدين اكليه دجاج مسلوق ومخلوط مع مرقته نشا او رز مصري كلها بتوقف الاسهال

وزيت الخروع لااازم على الريق مو مع الاكل
حطي نقطتين في السرنجه وعطيه زي ماتعطينه الدواء
ولازم تابعينهم افضي لهم يومين شوفي كل قط لما يقض حاجته وش مشكلته وسجليها بورقه علشان
ماتتلخبطين ماشاء الله العدد اللي عندك مو هين ولازم لهم دفتر او شي تتابعين فيه حاله كل واحد
وبالنسبه للبرعي امسحي له منطقه الاخراج بالزيت ممكن تكون مسدوده او شي

طمنيني

[loody dody]

المشاركة الأصلية كتبت بواسطة فاتو.

ماشي دواء كابتين كويس بعد
اللي تحت السنه عطه ربع مل
واللي فوق السنه عطه نص مل
مره باليوم لمده اربع ايام
اعملي له مهلبيه بدون سكر واكليه طول اليوم مهلبيه
او سيريلاك بالقمح او الرز وبيوقف الاسهال ان شاءالله
بعدين اكليه دجاج مسلوق ومخلوط مع مرقته نشا او رز مصري كلها بتوقف الاسهال

وزيت الخروع لااازم على الريق مو مع الاكل
حطي نقطتين في السرنجه وعطيه زي ماتعطينه الدواء
ولازم تابعينهم افضي لهم يومين شوفي كل قط لما يقض حاجته وش مشكلته وسجليها بورقه علشان
ماتتلخبطين ماشاء الله العدد اللي عندك مو هين ولازم لهم دفتر او شي تتابعين فيه حاله كل واحد
وبالنسبه للبرعي امسحي له منطقه الاخراج بالزيت ممكن تكون مسدوده او شي

طمنيني

صباح الخير
احب ابشرك انو برعي ونعمان رجعت شهيتهم للاكل ,, واحسهم صارو احسن بكثير من اول ,, والحمدلله .. يسلمووو خيتو ع المساعدة ,, واسفة ع الرد المتاخر ..

[فاتـــو]

الحمد لله على سلامتهم وما يشوفون شر
واي استفسار احنا حاضرين