لماذا ببغاء الهولندي يموت ؟

[vipvip]

بسم اللة الرحمن الرحيم


السلام عليكم ورحمة اللة و بركاتة وبعد


عندي موضع مفتوح لنقاش لاهل الخبرة و مربي الطيور وخاصة الرمادي


قبل اربع ايام اشتريت ببغاء فرخ هولندي عيون سود ياكل بنفسة حجل ذهبي

حجمة سوبر جامبو مرررة ريشة نظيف صارلي اكثر من شهر ادور على ببغاء المهم

ما اطول عليكم الطير اول يوم يصفر و يطع على اليد و تنادية يجي مافية شي

ثاني يوم صار يسهل و سهال مره اصفر مرة ابيض مرة شي تقول ماء لونة ينزل منة مدري وش جاه

قلت لازم اودية لطبيب البيطري لاكن ما امداني لان في النفس اليوم البغيت اودية لدكتور كان

المغرب وكل المحلات مقفلة تخبر عندنا المحلات يفتحون ويسكرون على كيفهم و انا رايح اودية بعد

العشاء مات وهو على يدي بغيت انهبل من القهر حبيتة مررة ولما وصلت للبيطري قالي مات قلت

عارف انت جبت شي جديد بس حبيت اعرف سبب الوفاة قالي الهولندي مشكلة وعناية مشكلتين و نفس المشكلة صارت

قبل اسبوعين عند صديقي مات يوم انهم يموتن بسرعه ليش يبعون عليهم هذة النوعية

ارجو من الاخوان الرد على الموضوع لمعرفة حقائق موت كثير من الطيور الهولندية وشكرا

[كاسكـــو]

ماعنده مناعه هذا السبب

هم يربونه على هرمونات واشياء صناعيه وكيماويه

عشان كذا مناعته معدومه

[The - Hard]

كييييييييف اعرف اذا عنده مناعه علموووووني


وربي يعوضك بأحسن منه

[g.s.990]

زي ما قال الاخل "كاسكـــو"

مناعتها ضعيفة

اما كيف تعرف مناعتها والله مدري

بس الطير السليم الي صحته كويسة

يوقف على رجل وحدة وينضف ريشة كل يوم وينام طبيعي ويقعد دايم فوق(يعني اعلى مكان يقدر يروح له)

اتمنا اني افتك


تحياتي

g.s.990

[vipvip]

شكرا اخوي كاسكو و اخوي The - Hard و اخوي #4
g.s.990


بس الموضوع مفتوح وياليت كل الناس تعرف قبل ما يضحكون عليهم بياعين الطيور الي ما يخفون اللة

[كاسكووووو]

لو تخيرني بين الهولندي والأفريقي اختار الأفريقي لو كان السعر اغلى

[hasony]

لاحول ولا قوة الا بالله

تصدق عاد انا اليوم ناوي اشتري هولندي وتوي منزل موضوع استفسر عنه
ربي يعوضك ياخوي والله لايحلل من يغش الناس

[أبو عبدالعزيز]

أخي vipvip

السلام عليكم و رحمة الله و بركاته

عشر مابركه على الجميع

الله يعوض عليك خير إن شاء الله تعالى

أما بخصوص الببغاء الهولندي فعلاٍ مناعتة ضعيفة و أكثر شئ تقلبات الجو من غرفة لغرفة و التيارات مرررررررررة تأير عليه . . كان عندي واحد قبل فترة عيون سود عاش عندي شهر و شوي و في هذي الفترة كان كل شوي يتعب و أعطيه أدوية و خموله كثير أي تعب بسيط يأثر عليه إلى درجة إنه آخر مرة تعب فجأة و لا أعطاني فرصة خلال يوم واحد أنهار ( جاه تعب شديد ) أنشلت رجوله الثنتين و مات الفجر مباشرة , بعدها بفترة أخوي شراله واحد فرخ هولندي لدرجة كل ما شافوه بزراني انهبلوا عيه و يقالوا كوكو حقنا هاتوه لأاني ما قلتلهم إنه مات خفت إنهم يتأثروا . . ألمهم مالكم بالطويلة أخوي أحرص مني و مهتم فيه جداً جداً . فجأة بدون سابق إنذار جاه خمول شديد و اسهال و على طول مات . . لذلك لا أنصح أبداً بإقتناء هذا النوع إلا إذا كان ذو خبرة طويله فيهم . . و قبل أربعة أيام شريتلي و احد كاسكو أفريقي عيون رمادي فاتح يا جاني منه عض على كيف كيفك بس الشهادة لله مرتاح له مررة و إذا روق قام يصفر على شوية جعره تدخل غلط في التصفيرة توه يتعلم . . وتوبه توبه من الهولندي . . . أتمنا أني ما طولت عليكم . . دمتم بود , , ,

[fawzi]

المشاركة الأصلية كتبت بواسطة vipvip

بسم اللة الرحمن الرحيم


السلام عليكم ورحمة اللة و بركاتة وبعد


عندي موضع مفتوح لنقاش لاهل الخبرة و مربي الطيور وخاصة الرمادي


قبل اربع ايام اشتريت ببغاء فرخ هولندي عيون سود ياكل بنفسة حجل ذهبي

حجمة سوبر جامبو مرررة ريشة نظيف صارلي اكثر من شهر ادور على ببغاء المهم

ما اطول عليكم الطير اول يوم يصفر و يطع على اليد و تنادية يجي مافية شي

ثاني يوم صار يسهل و سهال مره اصفر مرة ابيض مرة شي تقول ماء لونة ينزل منة مدري وش جاه

قلت لازم اودية لطبيب البيطري لاكن ما امداني لان في النفس اليوم البغيت اودية لدكتور كان

المغرب وكل المحلات مقفلة تخبر عندنا المحلات يفتحون ويسكرون على كيفهم و انا رايح اودية بعد

العشاء مات وهو على يدي بغيت انهبل من القهر حبيتة مررة ولما وصلت للبيطري قالي مات قلت

عارف انت جبت شي جديد بس حبيت اعرف سبب الوفاة قالي الهولندي مشكلة وعناية مشكلتين و نفس المشكلة صارت

قبل اسبوعين عند صديقي مات يوم انهم يموتن بسرعه ليش يبعون عليهم هذة النوعية

ارجو من الاخوان الرد على الموضوع لمعرفة حقائق موت كثير من الطيور الهولندية وشكرا

اخوي مشكله البغبغاوات الي تنتج في المزارع تكون المناعه عندها ضعيفه مررررررررره ليش لانه طريقه تفريخ البغبغاء ليست طبيعيه يفرخونهم بحاضنات اصتناعيه يعني الفرخ مايتربى عند ابوه وامه كل التربيه صناعيه ومكان الانتاج مكتوم يعني الطير مايشوف الشمس وبرضو التغذيه تكون مو طبيعيه شغلات ابر وتغذيه غير صحيه شغل بره كل بزنس في بزنس من يوم الانثى تبيض ياخذون البيض وخلونه في حاضنات صناعيه يعني بدل الانثى ماتضع ثلاث بيضات وتحضنهم تضطر انها تبض مره ثانيه وفي شغله ثانيه الان صارت العمليه اكبر في بعض المزارع يقمون بتلقيح الانثى تلقيح صناعي هم ماراح يفكرون لانه الطلب على الافريقي مستمر وفي البلادان الاروبيه الكاسكو الافريقي اغلى من الامزوني وبرضو في شغله ثانيه وهي ضروريه طريقه الاهتمام بطير المزرعه تحتاج الي عنايه فائقه يعني اقل تغير في الجو تسبب له مرض والمعروف عن الافريقي انه حساس مرررررررررره لاي شيء حتى الاناره تؤثر عليه ريشه البروده تسبب له تقلصات وتسبب له الامراض الحراره نفس الشيء والاكل برضو نفس الشيء يعودون الطير على اكل معين في المزرعه من يوم يفقس من البيضه الي ان يكون عمره تقريبا من اربع الي خمس شهور وفوق خلاص الطير تقالم على اكل معين والشلري مسكين ماعنده خبر يروح يعطيه الاكل الخاص للبغبغاء ولاكن الطير لايتقبله لانه ماتعود عليه وقليل من بغبغاوات المزارع الي تنجح وتتكيف مع جونا في الخليج المشكله ان الطلب صار متزياد عليها لاكن انا عندي الافريقي المصيود احسن بالف مليون مرررررررره من افريقي المزارع .

[vipvip]

يعطيكم الللللف عافية يا خوان على مشاركتكم هذا الموضوع وشكرا اخوي ابو عبدالعزيز و قصتك برضة تعاني نفس المشكلة واللة يعينك على العض انا لو تشوف ايدي كلها اثار عض المصيود و علية جعرة تقول صوت ضحية العيد لدى الهولندي وشكرا اخوي fawzi على كلامك و شرحك بس الي ابي اعرفة كيف نفهم الهاوين الي يقتنون مثل هذة الانواع من الرمادي انهم ماشيترون لازم يكون فية موضوع مثبت في كل منتدى خاص في

الطيور عشان محد يشتري و يكون ضحية نصب المنتجين ......................

الشي الثاني الي ابي الكل يرد علية الرمادي المصيد هل يقدر يعيش في جو الخليج الي كلة مكيفات و غبار و برد جاف الحمدللة على كل شي بس القصد يتحمل ولا يموت ولا يقدر يتأقلم

و الشي الثالث انا قريت كثير و سمعت كثير ان الامزواني بكل انواعة يقدر يعيش في مكيفات باردة ولا لفحه هواة تجي عادي عندة مناعة قوية وقليل مايزور عيادة البيطري