مشكلة تساقط ريش الكاسكو + مشكلة آخرى ( ارجوا المساعده )

[أمجـاد]

المشاركة الأصلية كتبت بواسطة ٌابوعمر

طيرك غريب ماقدر اقول الا الله يشفيه واتوقع نتف ماهو تبديل وبنسبه للعبه ترا ماهي كويسه اشتري خشب من غير صبغه

آمين يارب

بإذن الله اجيب له لعبه بالمواصفات اللي قلتها

[أمجـاد]

المشاركة الأصلية كتبت بواسطة monybat

هذا اكيد نتف واتحدى فيها مثل ما قلت هو يتسلى على جسمه وتلاحظون يا شباب ان الريش اصبح يآخذ شكل رقم ٧ من لعب المنقار فيه
النتف اسبابه نفسيه يعني زهقان ملان يبدآ يلعب بريشه وهذا الفرق بينه وبين الامازون ان الكاسكو حنون وما يقدر يتحمل الوحده والعزله حتى لو حطيتي لعب يمل بسرعه يبي صاحبه يقعد يدور عليه اما الامازون فهو يسلي نفسه و لو مهمل جدا من صاحبه يبدآ يدش في هذه المراحل المهم الله يعافي كل الطيور
اختي الفاضله الان لما تيجي تروشيه اشتري الزجاجه الرشاش مالة الكوي ضعي فيها ماء فاتر وضيفي مقدار ربع كآس او فنجان قهوه من الخل وابدئي بالرش عليه وتجنبي منطقة الوجه والعيون او ممكن تبللي يدك بالمخلوط وتمسحي عليه وهذا افضل لآنك راح تصلي بالتمسيح لكل المناطق و والى الجلد وهكذا
الخل يخلص الطير من القشره و لو في حشرات راح تروح منه وعلى فكره الخل ليس فقط للطيور بل ايضا للانسان لفروة رآسه لمن يعاني من القشره والشعر الدهني وللعلم كل ما اقوله مجرب و لله الحمد
اما خلطة الصبار موجوده بالمنتدى وطريقه الشرح والعمل واذا ما عرفتي فمن الممكن استخدام زيت الصبار الخالص ودهن جسم الطير وبعدها تروشيه ويفضل هذا رآي الشخصي اذا دهنتي اتركيه فتره ينشف عليه وبعدها روشيه
الموضوع كل سواء اي من الطرق هو اننا نعمل الكاسكو كالطفل عندما يضع يده بآسنانه فنقوم بوضع اي شئ مر لكي لا يتقبل اصابعه او يده وكذلك في الكاسكو هذا بالاضافه الا فوائد كل من الصبار والخل
وهناك طريقة عمل طوق حول الرقبه لكي تمنعه من نتف الريش وايضا هناك ملابس كانت معروضه بالقسم من اسبوع وهي لهذه الحالات يلبسها اثناء ما هو صاحي ونخلعها وقت النوم
وبالتوفيق

يعطيك ألف عافية على الإفاده الكافية

بالنسبة للخل في نوع معين ؟؟؟ والا الخل الأبيض اللي نستخدمه حنا الأوادم !!

وإذا رشيت خلطة الخل على الكاسكو اقدر اخليه في الشمس يتشمس والا لا ؟؟


بصراحة أنا علاقتي مع الكاسكو وهو في القفص إذا طلعته أخاف منه وبقووه وبصعوبه

اخليه يدخل القفص يعني نقدر نقول أنه مو إليف ولا يطلع على اليد

ولكن يعرفني وإذا شافني مقبله على القفص يسوي فوضى بالقفص ويصفر ويطلع اصوات معينة يعني اتوقع انه مبسوط

وإذا كنت عند القفص ينزل ويعطيني راسه ويقولي حك راسك واحك راسه وقدرت اوصل للمنطقة البيضاء حول العيون اللي لها دور في ترويض الببغاء حسب ما قريت هنا والاحظ أنه يرتاح ويروق وينبسط

بس ما اقدر اسوي هالشيء وهو برا القفص أكيد راح يعضني ويقطع أصابعي


وآسفة قلت قصة حياتي

ووين الاقي طوق الرقبه قريت عنه موضوع وانه مفيد لمثل هالحالات عشان اوديه لمحل طيور الزينه يركبونه له

[أمجـاد]

المشاركة الأصلية كتبت بواسطة monybat

بالنسبه للعب يا ابو عمر اشتري الالعاب الخشبيه من غير الوان واذا فيها الوان انقعيها بالميه الساخن وبعدها قومي بتنظيفها من غير صابون طبعا
ضعي عظمة الخثاق او الحبار له في القفص
ملاحظة تجنبي الالعاب زات الجرس والكرات الصغيره وبالتوفيق

عظمة الخثاق والحبار وين الأقيهم ؟؟

مره احد نصحني احط له هذا الحجر الاسود



وما امداني مشيت والا الكاسكو استخف الا يبي يكسرها

خفت على منقاره يتأذى وطلعتها برا القفص ولا عاد حطيتها له


واشكرك أخي على الإفاده

[أمجـاد]

المشاركة الأصلية كتبت بواسطة هذا حظي

كلام سليم 100% اخوي monybat

سواء فطريات او مشكلة نفسية بالطريقة اللي ذكرت بأذن الله بيتخلص الطير من ها العااادة

مرة كنت بمحل طيور وكان في ببغاء كاسكو بدون ريش نفس اللي بالصورة سئلته الطير اش فيه
قال انو كان معاه ببغاء ثاني ومن شلته عنه قام ينتف ريشة

لا حول ولا قوة الا بالله العظيم

الله يحفظ ببغائي من كل شر يارب


اشكرك على الإفادة

[monybat]

عظمة الخثاق تلقينها بمحلات السمك والسماكين وعند محلات لوازم بيع الطيور لونها ابيض

الحجر الاسود ما ينفع

ممكن تروشيه بالخلطة وتحطيه بالشمس الدافيه و ديري بالكط من تيارات الهوا

انت لازم تكسري حاجز الخوف بينك وبين الكاسكو اي انك تطلعيه وتروضيه وتمسحي عليه وهذا كثير راح يفرق بنفسيتة

السبب الان واضح اظاهر الكاسكو طول عمرة بالقفص صح ؟

حاولي تغيري نمط حياته افتحي له القفص وخله يطلع اذا ريشه طويل وديه عند احد من المحلات او طبيب يقصه وابدئي معاه ولا يشوف وهو ينقص جناحه عشان لا يكرهك

الطيور هذه اجتماعيه وتعيش بحريه ولمده طويلة تصل ل 90 سنة هل من الممكن ان يستمر في المعيشة معك وهو على طول بالقفص ؟؟

وبالتوفيق

[أمجـاد]

المشاركة الأصلية كتبت بواسطة monybat

عظمة الخثاق تلقينها بمحلات السمك والسماكين وعند محلات لوازم بيع الطيور لونها ابيض

الحجر الاسود ما ينفع

ممكن تروشيه بالخلطة وتحطيه بالشمس الدافيه و ديري بالكط من تيارات الهوا

انت لازم تكسري حاجز الخوف بينك وبين الكاسكو اي انك تطلعيه وتروضيه وتمسحي عليه وهذا كثير راح يفرق بنفسيتة

السبب الان واضح اظاهر الكاسكو طول عمرة بالقفص صح ؟

حاولي تغيري نمط حياته افتحي له القفص وخله يطلع اذا ريشه طويل وديه عند احد من المحلات او طبيب يقصه وابدئي معاه ولا يشوف وهو ينقص جناحه عشان لا يكرهك

الطيور هذه اجتماعيه وتعيش بحريه ولمده طويلة تصل ل 90 سنة هل من الممكن ان يستمر في المعيشة معك وهو على طول بالقفص ؟؟

وبالتوفيق

بالنسبة لسؤالك ( السبب الان واضح اظاهر الكاسكو طول عمرة بالقفص صح ؟ ) ايه صح

يعطيك ربي ألف عافية على الإفاده

واتمنى أن قص الجنحان ما يأثر على تساقط الريش

وإياك

[monybat]

بالعكس عند قص الجناح افتحي له باب القفص وهو راح يطلع ويدش و يكون القفص على الارض عشان لو حاول يطير ما يتعور وما يكون المكان اللي تفتحي له القفص فيه ملئ بالكبتات وذلك حتى لا يدش تحت يستخبى او شئ من هذا القبيل وراح تفرق نفسيه الكاسكو جدا اعطيه وقت لحاله وهو خارج القفص وبعدها ابدآي التقرب منه بالاكل وهكذا تظبط الامور
وان شاء الله تبشرينا بالخير

[أمجـاد]

المشاركة الأصلية كتبت بواسطة monybat

بالعكس عند قص الجناح افتحي له باب القفص وهو راح يطلع ويدش و يكون القفص على الارض عشان لو حاول يطير ما يتعور وما يكون المكان اللي تفتحي له القفص فيه ملئ بالكبتات وذلك حتى لا يدش تحت يستخبى او شئ من هذا القبيل وراح تفرق نفسيه الكاسكو جدا اعطيه وقت لحاله وهو خارج القفص وبعدها ابدآي التقرب منه بالاكل وهكذا تظبط الامور
وان شاء الله تبشرينا بالخير

إن شاء الله

[hayder 26]

الله يكون بعونك ويصبرج عليه ويرجع لحالته الطبيعية

[أمجـاد]

المشاركة الأصلية كتبت بواسطة hayder 26

الله يكون بعونك ويصبرج عليه ويرجع لحالته الطبيعية

آمين يارب العالمين

فرحت أنو الحمدلله الكاسكو ترك النتف ما قمت اشوف ريش رمادي بالقفص

ولكني تفاجأت قبل يومين بريش رمادي فشكله رجع ينتف

سؤال :

أنا اشوف زغب بحوض القفص وشيء يطير بالهواء ؟؟؟ هل هالشيء طبيعي

انا كنت اعتبره طبيعي بس الحين وسوست هل هو زغب والا هذا الريش تحت الريش المنتوف

وهذي صور جديده للكاسكو ربي يحفظه من العين

( قبل الترويش )

وهنا بعد ما روشته عشان كذا الريش لاصق وواضح أن منطقة الصدر وجزء من الرقبه منتوف

وهنا بعد الترويش وواضح النتف بالجناح عنيف لدرجة باين الجلد

دعواتكم يا أعضاء أن ببغائي يرجع لطبيعته ويطلع ريشه من جديد