رد: تقليم الاظافر و دخول الاذن في الماء؟
السلام عليكم ورحمة الله وبركاته ..
وعليكم السلام ورحمه الله وبركاته
عندي مشكله مع الذكر والنتفه الصغيرة ..
1) هل فيها اي ضرر اذا قصيت اظافرهم الخلفيه لانهم يؤذون ويجرحون مره ؟
مايستعملوا اظافرهم الخلفيه دايما اظافر اليدين
ماجربت اقص مادري اذا يضر اولا بس انتبهي قصي الابيض لاتقربي للوردي
2) هل في ضرر لو يدخل ماء بشكل بسيط الى الاذن ؟ بالغلط دخل اليوم بأذن الصغيره لانها ماتقعد جننتني ؟
حاولي قد ماتقدري انه مايدخل
حمميها بالشور اسهل لك والوجه امسحيه بمنشفه مبلوله
3) كل قططي تخاف من الاصوات العاليه . .وخاصه المكنسة الكهربائية والسشوار ؟ اذا سبحتهم لااااازم استشوار ولا لانهم ينصرعون من الصوت ويؤذوني من الخوف .. بصراحة اليوم نشفت الصغيرة عند الدفايه وفوطه ؟
عندي نفس الحاله وماصرت استعمل الاستشوار انشفها بمنشفتين واتركها بالمكان دافي واغطيها لحد ماتنشف
بس لو تقدرين خليهم داخل قفص واستشوريهم
4) الصغيرة .. ماتعرف تنظف نفسها بعد الحمام ( ألله يكرمكم ) مع اني انظف لها بعد ماتخلص وماترضى ؟ وبعد لما تخلص حمامها ماتدفنه مع اني جبتها ودفنته قدامها وكذا مره امسكها وادفنه باطرافها بس عنيدة تواووووي وتعض وتنحااااش ؟
قصي شعر المؤخره وارجعي كل مره امسكيها تدفن وكافئيها ولاتصارخي عليها طول بالك
5) عندي ايميلي .. حامل يمكن باقي لها 3 اسابيع وتولد بس الاحظ عليها هالفترة تنام في اماكن عاليه وادور عليها واشوفها يتنزل اهاوشها وتوقف واروح انزلها من فوق .. بس احيان مالحق عليها وخاصه اذا مو موجودة ,, وماكانت تروح قبل فوق الثلاجة بس مررره شافت الذكر فوق الثلاجة ومن يومها وهي كذا .. في حل اخليها تعاف المكان هذا؟
ان شاءالله مايضرها اللي عندي ينطوا من فوق الجدار
المهم هي من نفسها ماحد يدفها او يمسك بطنها بالقوه
ولو تبيها تكره المكان افركيه بليمون او رشي معطر بالبرتقال او حطي فلفل اسود هالاشياء القطاوه تكرهم
__________________
حسبي الله لااله الاهو عليه توكلت
|