كاسكو جديد علي

[hobani3]

السلام عليكم ورحمة الله وبركاته
اخواني و خواتي
حاب اخذ استشاره منكم
انتو اخبر مني في الكاسكو
امس شريت كاسكو افريقي
الطير يتكلم ما شاء الله
بس لديه افعال تقلقني
الطير يطلع على اليد
ولاكن فيه عض قوي
ثاني مشكلة الطير ينفش ريشه بكثره
ثالث شي الطير يحك جسمه كثيرا و يطلع بعض الريش
ولاكن لا ينتفه متعمد
اتمنا المساعد اول مرة اشتري كاسكو

[روجيادا]

وعليكم السلام ورحمة الله وبركاته
مبروك عليك الطير اخوي
جرب تحط عسل ع اصبعك ولما يعضها بيذوق العسل وينسى العض ان شاءالله
روش الطير ممكن يكون فيه فاش
وبالنسبة للريش اللي يطلع منه يمكن تبديل ريش اهم شي انتبه للريش اللي يطلع منه انه كامل ومش مقطع لان لو مقطع يعني الطير ينتف ريشه وهذا له سببين اما الفاش او مشاكل جلديه او حاله نفسيه

[hobani3]

الله يبارك فيك
و يعطيك العافية على النصائح
بس المشكلة عضه قوي) :
بجرب العسل و بشوف حظي

[شبه محترف طيور]

اول مبروك الطير عليك بالعافية فيه الله يطرح لك فيه البركة
بالنسبة لعضة الببغاء بعد فتره تروح لان الببغاء ما يعرفك متعود على اصحابة اول
بالنسبة لحكة الجسم عادي
بالنسبة نتف الريش اذا كان عمر الطائر في حدود السنة فهذا تبديل للريش ولكن انت لحظ هل جسم الببغاء في ريش متنتف لان الببغاء اذا كان يبدل يبدل الريشة ويكون وحدة موجودة جديدة

ثاني شي بما انك اول مره تشتري كاسكو
لا تخليه يتغير عليه الجو اي بمعنى انك كل شوي تحطة في مكان ويتعرض الى مكيف او مروحة حطه في مكان درجة حرارته مناسبة
بما انى الطير اليف لا تطلعه دائما في هذه الفتره خليه يستقر شوي حول انت بنفسك تغير له الماي والاكل
انا من وجهة نظري احط للببغاء حقي ماي صحة( ماي نفس الي انا اشربه الي هو ماء محلاه ) كل يوم احط له علبه ماء ( هنا) وانت براحتك اهتم بنظافة القفص حاول تقرا مواضيع اكثر عن الافريقي
ايضا نوع له من الاكل من التفاح البطاطس المسلوق لكن بدون ملح
ايضا معلومة مهمة ( الحب الشمسي للبغاء بدون ملح )
شوف لك وين عيادة بيطرية عشان الله لا يقدر اذا مرض الببغاء تعرف وين توديه وسلامتك يا طويل العمر

[أبو فارس]

روش الطير بخل التفاح أو المرة خل التفاح تطرد الفاش و تضيف لمعة على ريش الطير و طلعة في الشمس أفضل