-------رأيكم في هذه الوصفة الخلطة هل تنفع للفرخ---------

[t999]

اليوم فقص البيض وانا ناوي اسحبه من العشة بعد 3 اسابيع ان شاء الله

وفكرت في اني اطحن الحب واخلطه بسريلاك مخفف جدا بالماء لكن اريد رايكم

هل سحب الفرخ بعد 3 اسابيع في هذا الجو خطير ؟

وهل الخلطة مضرة للفرخ ؟

[طير المملكة]

الف مبرووك عليك الفرخ والله يبارك لك فيه ويكبره وتشوف انتاجه يارب

بالنسبة عن ال3 اسابيع فترة مناسبة جدا
وطبعا بيكون طلع له شوية ريش وقادر يشيل عمره

المهم انت بتشيله وبتخليه في البيت طبعا فمافي اي ضرر بأذن الله

اهم شيء ما تخليه عند باب يفتح وينسكر يجيه هوا او تتركه في مكان

المراوح مشغلة

بالنسبة عن الخلطة من رايي الشخصي انا ابعد عن الحبوب حاليا
لان الطير صغير في العمر
واكتف بالسيريلاك لانه فيه مواد غذائية وفيتامينات تساعد على النمو

والاهم انه سهل الهضم

وان شاء الله بعد الفطام عطه حبوب

وطبعا هذا رأيي الشخصي
ولك اجمل وارق تحية

[t999]

الف شكر

طبعا انا اللي خلاني اسأل عن طحن الحبوب هو تجربة سابقة مع السريلاك مات فيها الفرخ وشكيت انه سوء تغذية

[ولييد1122]

اخي الكريم السريلاك ليس غذاء كافي لطير السريلاك مكمل غذااائي وليس غذاء يعني لازم تشوف لك خلطه ثانيه انا بالنسبه لطيوري مسوي لها خلطه شعير مع عدس مع ذره ومطحونه زي الدقيق واغره فيها وبفضل الله لم يمت عندي اي فرخ بعكس يوم كنت استخدم السريلاك ودايما اي طير يعيش ويتعدا هذه المرحله وكان قبل ينغر سرلاك يطلع هزيل (نحيف)
هذه من واقع تجربه

اما اذا بتخليه عند اهله انا انصحك يوميا بيض بالبقسماط وبعد ماينفطم تقدر تلحقه في التربيه بس بشرط يوميا لازم تطلعه من العش وتمسح عليه عشان يتعود عليك
ايضا من واقع تجربه

وخلها دايم في بالك لازم توفر لطيور الغذاء اللين حتى تعتمد الفروخ على نفسها وبشكل يومي لان الازواج اذا ماحصلت الاكل اللين تقوم بتعبئة حوصلة الفروخ بالماء مما يتسبب في موته

تقبل مروري

[t999]

ياليت الطريقة بالتفصيل الممل اخوي وليد

هل تطحن جميعها مع بعض وبماذا تخلط هل بالماء وهل الماء كثير ام قليل

[ابو ريمان]

اخوووي الله يسعدك انا اختصر لك على كلام الغالي ( ولييد )
اذا كنت تعرف حبوب اسمها ( الاراسكو ) حق الحمام
جدا جدا جدا مفيده وانا استخدمها وتخلي الطير دجاجه يالغالي

تاخذ هذه الحبوب وتطحنها مثل البودره وتحط عليها مويه ( مثل السيريلاك )
وابدء غر يالغالي ,,^_^,,

وحاجه ثانيه الله يعافيك
البيض بالقسماط مره ممتازه للفروخ
وتوست بالحليب او عيش او صامولي ماعندك اي مشكله

مثل ماقالك الاخ ( ولييد ) لا تعتمد على السيريلاك فقط حاول انك تنوع من الاكلات اللينه

وان شاء الله غيري يفيدك اكثر بخصوص الاكلات اللينه المجربه من قبله

[عاشق الكوكتيييل]

كمـ ــآ قــآلـوآ لـك آلــآخـوآن آلــكرآم

لك
أجمل تحية

[t999]

بالنسبة للبيض بالبقسماط كيف يوضع في السرنجة يعني حتى لو رهسته ما اعتقد بانه سيكون سائل؟؟؟؟؟؟؟؟

[t999]

المشاركة الأصلية كتبت بواسطة t999

بالنسبة للبيض بالبقسماط كيف يوضع في السرنجة يعني حتى لو رهسته ما اعتقد بانه سيكون سائل؟؟؟؟؟؟؟؟

مازلت في انتظار الاجابة

[ابو ريمان]

اخوووي الغالي الله يسعدك المعذره والسموحه على التأخير في الرد ,,^_^,,

اخوووي بخصوص البيض بالقسماط عن طريق الابره
انت تسوي البيض بالقسماط وتطحنه مزبوووط في الخلاط وبعدين تجيب شوية مويه
وتجلس تلخبط كمان راح يسير معاك بيض بالقسماط على شكل سائل
لكن المويه ماتضعه بكثره يالغالي شوي شوي تتضع مويه انت راح تلاحظ من نفسك

وللمعلوميه ماراح تسحب بالإبره مثل السيريلاك
يعني افتح الابره من فوق ونزل انبوب الظغط واجلس عبي من فوق وبعدين تقفل الانبوب الضغط
وتجلس تغر ,,^_^,,

وثاني حاجه للمعلوميه من الافضل تاخذ لك ابره 20 ملم جدا ممتازه

وان شاء الله الطريقه والشرح وضحو معاك يالغالي ,,^_^,,