ماذا بعد الاخصاء

[TSUBAKI]

صباح الخير جميعا

اخصيت قطي الحمدالله
عندي كم سؤال
1- متى اروشه لان ريحتة كريهة اعزكم الله وقت الخدير تبول على نفسه
2- عادي يلعق المنطقه امس كان تعبان و بس نايم و اليوم بدا يلعق و خفت عليه مدري يمكن يحصل شي حاولت امنعه بس يرجع يلعق
3- وش اعطيه اكل .. امس اكل دراي فود و رجع اكرمك الله يمكن اثر البنج ما زال

[TSUBAKI]

٤- متى ابدا اشمسه
٥- قريت انهم يقولون وقفو دراي فود مدة اسبوع صحيح الكلام والا لا

[artos]

وعليكم السلام

لالاتروشيه الان انتضري لك فتره لان مضره له مو نافعه الان امسحي المنطقه الي
فيها الريحه وخليه يلعقها وحطيله بودره
انتبهي يلعق المنطقه لان يمكن يفك الخيوط بالغلط
الدراي فورد عباره عن مكمل غذائي لاتعتمدين عليه كثير
اعطيه دجاج مسلوق مع مرق وحاولي تعطيه اطعمه طريه الان هو محتاج عنايه
وممكن لاصعب عليه الهضم بيرجع
اي الدراي فود وقفيه شوي مايتحمل الهضم القوي تقدي تعطينه بكميه بسيطه موجره وحده باليوم
ركبي له مثبت العنق عشان مايلعق المنطقه وعقميها في اليوم مرتتين ب بيتاموكس
وانتبهي يلعقه التعقيم راح ي يجنب حدوث التهابات للقط
ايوه عرضيه لشمس بس مو كثير وحاولي تعرضيه لشمس بعد الشروق
او عند الغروب عشان تكون دافيه مو حاره
وانتبهي عليه من الاماكن المرتفعه شيلي الطاولات الي عنده عشان ماينفك الجرح من القفز

[TSUBAKI]

كلمت الدكتور قالي عادي يلعق المنطقه و انا اشوف مافيها خيوط مدري خفت لايكون انفك
و عطيته دجاج الدراي فود للحين ما عطيته
مسحته بفوطه مبلوله و نقطة شامبو و نشفته بس لازالت ريحته بكيفها عادي اهم شي صحته
انا حاطته بغرفه لحاله مافيها شي ينطط عليه
ماعطاني مطهر قالي مايحتاج اهم شي خليه في مكان نضيف وش اسوي

[TSUBAKI]

طيب عادي احط له (( مره )) تعرفون المره تستخدم لتعقيم الجروح و كذا
و مضاد حيوي واسع

[بسبس مياو]

مبرووك
مايحتاج تروشه والبلل هذا مش تبول ابدا هذا من المعقم عادي
بس جيب مضاد حيوي بيتاموكس وعطيه 1 مل لمدة خمس ايام فقط
واتركه براحته ماعليه خطر
والدراي فود ياليت تمنعه لمدة اسبوعين وبعد الاسبوعين اذ بتعطيه تكون كمية قليلة يعني ملعقة طعام
او ملعقتين لأنه مش كويس للقطط المعقمة وياليت يكون رويال كانن
عطيه دجاج مسلوق وجبن وماء..الماء مهم
والف مبروك لك وله

[TSUBAKI]

الله يبارك فيك بسبس
موب مبلول انا مسحته و جففته بس ريحته مدري كيف بس يتحسن مره و اروشه
ماعطيته دراي فود ابد .. حاطه له مويه و عطيته دجاج مسلوق
طيب عادي يلعق خوفوني مع اني احسه متحسن صح طول الوقت نايم بس مدري
طيب البيتاموكس ضروري اجيبه من بكره و الا عادي
شي ثاني .. محلقينه من ور مررره و نص ذيله محلوق صاير ينرحم شكله كم يبي له و يطلع شعره

[TSUBAKI]

شي ثاني المنطقه لونها احمر مرره بتخف والا تبتل كذا

[fatemah]

عادي يلعق لأن ما فيها خيوط بس ما يلعق كثير مرة، الجرح جدا صغير في إخصاء الذكور فغالباً ما يستخدمون خيوط، لا تخافين من شيء الا اذا التهب الجرح ذيك الساعه اتصلي على البيطري

بالنسبة للأكل اهم شيء يصير متكامل غذائياً، الاكل المطبوخ تتدمر بعض عناصره الغذائية مما يخلي القط يصير فيه نقص في بعض العناصر وهذا خطر، اذا بتعطينه أكل منزلي (سواء ني ولا مطبوخ) لازم يكون مدروس

اما الأكل الجاف فضرره لأنه أولاً جاف والقطط تحتاج الرطوبة مع أكلها لأنهم ما يدفعهم العطش لشرب كميات كبيرة من الموية زينا مما يسبب ضرر خصوصاً في الجهاز البولي، ثانياً لأنه يحتوي على نسبة كبيرة من الكاربوهيدرات وهذا مضر للقطط لأنهم حيوانات لاحمة 100٪ وجسمهم مو مصمم انه يهضم كاربوهيدرات، ثالثاً لأن فيه مواد كثيرة مضرة مثل مواد حافظة والوان صناعية هذا غير ان مصدر اللحوم غير معروف، مثلاً يكتبون بالمكونات "بقر" لكن ما يحددون أي جزء من البقر أو من وين جابوا البقرة، ممكن يكون جلد بقره ميته بمرض أو من الابقار اللي يتخلصون منها المزارع لأنها غير صالحة للأكل،

عشان كذا انصحك بالطعام الني raw food diet ابحثي عنه وامشي على وصفة معروفة ومتكاملة شوفي هذي المواقع

http://www.rawfedcats.org
http://catinfo.org

[TSUBAKI]

الله يعافيك اختي فاطمه .. طيب انا اخاف اعطيهم شي نيء غير انه ما تعود عليه .. هل من الممكن انه يجيب له ميكروبات