الكاسكو مريض

[جهاد اللهيبي]

السلام عليكم ورحمه الله وبركاته
ي شباب انا عندي كاسكو عمره تقريبا 6 شهور وكان مافيه شي ويلعب ويتحرك وكل شي وفجئه جاله اسهال الله يكرمكم وشوفو فضلاته



وبعد كذا رحت للبيطري واعطاني هذا الدوا


ايش رايكم بالدواء وايش المرض الي ممكن يكون بالطير ؟

[جهاد اللهيبي]

ي جماعة الخير احد يفيدني

[tozo]

لا تستعجل يا اخوي بارك الله فيك
البراز انا اشوفه شبه طبيعي ممكن اعطيته فاكهه او خضار
او ممكن من الخوف .. الخ

اذا تأكدت انه فعلاً اسهال راجع البيطري
وبالنسبه للمضادات كثيره جداً

افضلها من خلال تجارب مني شخصياً هذي



واذا عنده ديدان هذي الكبسوله من نفس الشركه



وأخيراً هذا اسم الشركه المعروفه
سعر الشريط الواحد عشرة ريالات فقط




وفي علاجات أخرى جيده وانا جربت اغلب العلاجات وانا الان اعطيك الأفضل بإذن الله تعالى
طبعاً اول الصور افضلها من خلال تجارب المربيين وثناءهم للمنتج (الكبسولات)

وهذه أنواع أخرى جيده

- فيم راتين
- فارما فلور فينيكول
-كيدي لايت
وفي أنواع أخرى مثل سبكتين
وفي نوع ممتاز جداً لكنه للأسف غير متواجد بالسوق!!
اسمه / باي ترل 10%

الكيدي لايت يعتبر علاج ينفع لحالات الاسهال اكرمكم الله جميعاً
ويعتبر معوض للطير لان الطير اذا أصابه اسهال اكرمك الله يفقد عناصر مهمه
فبذلك يعتبر الكيدي لايت معوض له بمشيئة الله طبعاً







واذا تحسن الطير بإذن الله يفضل دعمه بالغذاء المنوع المفيد

خلطة البقوليات مفيده ومعوضه بإذن الله تعالى تجدها مشروحه على الرابط للاخ أبو ساري جزاه الله خير

https://www.youtube.com/watch?v=0VcmhP1ZMxs

وأيضاً راجع الربط اسفل أيضاً للاخ أبو ساري

http://www.2zoo.com/vb/showpost.php?...58&postcount=1

واذا انت بالرياض وتحتاج شي بسيط من البروبي زايم او تحتاج أي علاج تعال اعطيك لوجه الله تعالى ما احتاج الا دعواتك فقط

اسف على الاطاله
اسأل الله لنا ولكم التوفيق..

[tozo]

اعتذر //
نسيت اسألك كيف الطير من ناحية :
- الاكل
-الشرب
-الحركه

ولي رجعه لموضوعك ان شاء الله تعالى..

[جهاد اللهيبي]

الله يعطيك العافيه ي tozo الطير خامل واكله قليل وشربه مااشوفه يشرب لكن انا اغره سيريلاك حق الطيور وانا عندي الكبسولات الي لونها ابيض وموف واستخدمتها وما نفعت ولكن حالياً مع المضاد الي الان انا اشرف الفضلات اكرمك الله بدات تتماسك ولكن احس الطير تعبان مو قادر يشيل نفسو مع انو اشوف من ناحيه الفضلات فيه تغير ملحوض ويعطيك العافيه

[جهاد اللهيبي]

ومن ناحيه البقوليات احس لو احط له فيتمينات من البيطري افضل بس مااعرف ايش اشتري له من فتمينات عشان يعوض الي فقده

[جهاد اللهيبي]

وبسالك هل البروبي زايم مفيد له حاليا ؟؟

[tozo]

المشاركة الأصلية كتبت بواسطة جهاد اللهيبي

وبسالك هل البروبي زايم مفيد له حاليا ؟؟

حسب تجارب مريت بها

بعد إعطاء الطير العلاج لمدة محددة من 3-5-7 أيام
واذا لوحظ تحسن بالبراز اكرمك الله و لوحظ نشاط بالطير
يعطى فيتامين لمدة من 3-5 أيام او الى أسبوع كامل ما يضر ان شاء الله تعالى

وبالنسبه لنوع الفيتامين الأشهر عندنا اللي ذكرت لك ردي السابق
وسعرهم ب 25 ريال فقط تضع خمس نقاط مع الماء في المدة اللي ذكرت لك

والبروبي زايم حسب كلام الشركه المصنعه وحسب ما قاله الأخ أبو ساري في موضوعه
وانا قرأت النشره التابعه له انه مفيد للطير

وطريقة استخدامه حسب تجربه و قريت بالنشره ما ينفع خلطه مع الماء لانه مثل البودره
او بمعنى صعب خلطه مع الماء

تضع ملئ الملعقه اللي جات معه وتخلطها مع الاكل او مع السيرلاك

وبالنسبه لسعره شوي غالي يوصل الى 120 ريال بالمحلات

اذا انت بالرياض ارسل لي رقمك اعطيك قليل منه يكفيك لمدة أسبوع ما يحتاج تشتري
عندي العلبه شبه مليانه استخدمت منها قليل

واذا تحتاج عندي فيتامينات حالياً ما احتاجها او بمعني استخدمت منها القليل
ومافي مشكله اذا احتجت مثلها اشتريه لاحقاً ان شاء الله

اسف على الاطاله والله يشفي طيرك..

[جهاد اللهيبي]

الله يسعدك ي الغالي لكن الطير مات صحيت اليوم لقيته مقفل عيونه ومن تحت منقاره انتفخ جيت بوديه للبيطري مالحقت عليه الحمد لله بس

[tozo]

المشاركة الأصلية كتبت بواسطة جهاد اللهيبي

الله يسعدك ي الغالي لكن الطير مات صحيت اليوم لقيته مقفل عيونه ومن تحت منقاره انتفخ جيت بوديه للبيطري مالحقت عليه الحمد لله بس

الله يعوضك خير منه

وانصحك بما انك مبتدئ بتربية الطيور
المره الجايه خذ لك صيد تلقاه وبكثره أعمارهم حول التسعة اشهر
و الأسعار الى 1500 ريال واذا بحثت جيداً تلقى اقل بقليل

بالبداية بتتعب شوي من ناحية الجعير و من ناحية التدريب .. الخ
لكن ان شاء الله اذا راقبته واهتميت فيه يعمر معك والاعمار بيد الله سبحانه

اسأل الله لك التوفيق..