الذكر يحتضر ...

[هنا وهناك]

السلام عليكم


ذكر البادجي اتوقع انه بيموت لأنه خلاص ماعاد يقدر يوقف ويتحرك .. طايح بالارض

لكن مشكلتي الان الانثى

هل ضروري اجيب لها ذكر ؟ او عادي بتعيش وحيده بدون ماتتعب لأني ااخاف انها بتموت بعده

السؤال الثاني
للاسف في مدينتي حاليا مايوجد طيور بادجي
مدري وشفيها منقرضه او مدري وش القصه بالضبط
لكن يقول صاحب المحل انه عنده طيور حب

عادي اجيب ذكر طير حب مع انثى البادجي؟
يتوالفون؟ او بتصير مشاكل؟


ثالثا : اذا فيه احد عنده ذكر بادجي معروض للبيع في ابها او خميس مشيط وصحته سليمه ومافيه امراض ياليت يفزع لي ويبيعه علي
خصوصا اني راح اسافر ومستحيل اترك الانثى وحيده بالبيت ...

[الجوهرة هنادي]

1)هي ما راح يصير لها شيء ان شاء الله لكن الافضل لو تجيب ذكر

2)لا لا ابدا ما تحط طيور الحب مع بادجي ، ما احد يضمن لك النتائج

موفق

[الكادي هواها]

الله يعوضك بس ليش ماحولت تعالج مو شرط
من صيدليه بيطريه اذا مو متوفره استعمل مضاد حيوي خاص للاطفال
مقدار 1سم بسرنجه في الفم مباشره وان شاء يتحسن وماتفقده
بنسبه للانثى ممكن تعيش لوحده بس فتره لان البادجي اجتماعي ومايحب الوحده
ماعدا المدربه والموالفه صاحبها
طيور الحب شرسه وماتنفع ابدا في التوالف مع طيور اخرى وخاصه الاصغر منها
ثالثا ان شاء الله احد يقدر يساعدك وتلاقي ذكر
ويكون عن طريق الخاص
موفق

[هنا وهناك]

سؤال:
هل فيه دواء بشري يقوي مناعته؟
لأن مافيه صيدليات بيطريه عندي


وابشركم تحسن شوي.. وطلع من غيبوبته وصار ينتبه للي حوله
انا طول الشتا اذا شفتهم تعبانين احط لهم مضاد بالمويه " نقطتين " بس هالمره احسه جدا جدا تعب مع اني حريصه ان مكانهم دافي
لكن مناعته ضعيفه من زمان بعكس الانثى مناعتها قويه وماتعبت بالشتا كثير
الحمد لله احسه فاق من الغيبوبه اللي كان فيها والله كان شكله واضح انه بيموت مو قادر يوقف ولايفتح عينه
بس سبحان الله باقي له عمر.
ان شاء الله مايموت

[الكادي هواها]

يوجد مضادات حيويه في الصيدليه البشريه
وتختلف ممكن اكتب اسم علاج وماتلاقيه فالافضل
تروح للصيدليه وتطلب مضاد حيوي اطفال وتستخدمه
بعد ان يشفى ان شاء الله فتره راحه يومين بعده 3 ايام فيتامين
واهم حاجه دفه زين والمويا الماء تغيره انتبه ماتكون بارده خلها دافيه احسن