بعض الأسئلة بخصوص الكاسكو

[Souls]

مرحباً شباب .....

طبعا هذي مش اول مشاركة لي لكن عندي بعض الأسئلة بخصوص طيري الحبيب (ابوووووووه) وهذا اسمه.

طبعا الطير عينه رمادية وصار له عندي ثلاث شهور ونصف وكان متوحش لكن بفضل الله ثم فضل المنتدى استطعنا ترويضه وصار يحب يجلس على كتفي والحمد لله يميز الكل في البيت وممكن يحاول يعض اي حد الا انا وحتى اذا كان مزاجه تعبان ما يحاول يعضني بس في إشارة افهمها معناها خليني بروحي شوي هههههههههه .....

طبعا أبشركم انه بدا الكلام من أسبوع وطبعا اول كلمه كانت اسمه وبنبرة صوتي هههههههه ابوووووووووه وجاري تلقينه اسم أطفالي وبعدها ان شاء الله نبدأ تلقين القران.

أسئلتي هي .... بخصوص الريش... طبعا اول ما أخذت الطير كان مقصوص جناحه وتاركين ريشتين من جهة وثلاث من جهة ثانيه، لاحظت اول الامر بدا الريش الطويل يتكسر ثم يطيح ما ادري اذا هو اللي نتفه ولا لا لكن على الأرجح لا لان لو كان هو اللي نتف كان نتف الجهة الثانية !!!! عموما ثم لاحظت تكسر أطراف الريش اللي على نفس الجناح .......سؤالي هل بيطلع الريش مرة ثانيه ؟ وإذا لا هل انتف الريش المتبقي ؟ صراحه بودي الطير يكون ريشه كامل من غير اي قص.

الطعام : انا أعطيه الحبوب مع الفول ثلاث حبات في اليوم طول الأسبوع ...... وآخر الأسبوع فواكه وخضار او عظام دجاج زائد فيتامين في الماء .... جيد ام لا ؟ شو رأيكم ؟

الأظافر : اليوم وديته عيادة بيطرية عشان الأظافر وأثناء القص طلع شوي دم وقال لي الطبيب هذا طبيعي لان الطير صغير بالعمر ..... طبعا انا تضايقت لكن تفهمت الموقف ... هل هذا الكلام صحيح ؟

وشكرا

بو تميم

[أسيــــر]

حياك الله
اخوي بوتميم
بنسبه لريش ان امكن تظيف صور لطير
ممكن تكون مرحلة تبديل ريش واكيد راح يطلع مكانها
بنسبه للغذاء
شغلك مظبوط بس الفيتامينات خلها كل شهر 3 الى 5 ايام
ولاهي ظروريه طالما الطير يتمتع بصحه كويسه وتدعمه بالفواكه
الاظافرعند القص تحصل اخطاء او قص زايد شوي بس مياثر على الطير
بتوفيق ان شاء الله

[شرارة]

ماشاءالله عليك دخلت عالم الاحتراف في ترويض وتلقين الطيور بكل هدوء وحكمة اهنيك اخوي على هل تقدم الاكثر من رائع

انت ماشي مضبوط مع الطير وتغذيتك ممتازه الفتانينات ضروريه لريش ولصحة الطير

مره في الاسبوع يوم كامل ممكن تغير الماء وتجدد الفتامين كل 12 ساعة يوم في الاسبوع

قص البيطري كان عشوائي وعشان كذا انصحك معاد تروح لهل بيطري اللي يتعلم على طيور الناس

لانه بيطري كيف مايعرف ابسط شي وهو قص الاظفر بدون ما يوصل لشعيرات الدمويه ؟

وبخصوص الريش تقدر بعدين توديه بيطري كويس او واحد عنده خبره في الطيور ينتف لك الريش المتكسر عشان يطلع اذا انت تبي الطير هدد

مع اني ما انصح ب الهدد لان ممكن يروح عليك الطير ويضيع وتقعد بحسرتك والطير عزيز عليك

وبنسبة للكلام لا تبدا معاه على طول بسور من القران صعب عليه الان

لقنه الله اكبر سبحان الله يا الله بسم الله

اذا كبر تعلمه سور من القران مثل الاخلاص والمعوذات اذا صارت عيونه بيض ابد معاه في الجمل الطويله وسور القران


بتوفيق اخوي


تحياتي للجميع

[Souls]

شكرًا اخواني الله يجزيكم الخير .... بالنسبه للأظافر البيطري أصلا ما قص الظفر مجرد حف الأطراف ملي او اثنين وحصل نزيف وقال لانه الطير صغير !! عموما معقول الطير يطير اذا كان هدد ومتعود على صاحبه ؟ بحاول ارفق الصور ....

بوتميم

[Souls]

أرفقت الصور في البوم في الموقع ....

بو تميم

[أسيــــر]

وضحة لك بنسبه لقص الاظافر مافي اي ظرر على الطير
وعارف توضيحك وان البيطري لايقصد بلاشك ايذاء الطير
بنسبه للهدد اكيد اخوي الطير صيد حتى لو الفته وزانت اموره
مجرد مايشم ريحة الجو مراح تحصله
الطير تفكيره في الجناح والطيران
بنسبه لريش الطير باذن الله مافي اي شي
وانما هي بعض التكسرات في الريش سابقا بسبب الشحن والقص الخاطئ
معه تبديل الريش راح تزول تدريجي تلاحظ الطير يحاول مزعها
ماشاء الله

[Souls]

شكرًا اخوي أسير ... الله يطمنك. سؤال اخير ... بعض النظر عن فحص الدي ان آيه شو رأيك ذكر ولا أنثى ؟ انا أشوفه ذكر !!

بو تميم

[the_gostman]

اخي الكريم

هناك دلالات ممكن تساعدك في تحديد الجنس..اتوقع لون اسفل الذيل وتدريج لون منطقة الصدر
واحيانا هذه الدلالات لا تكون واضحه.

لذا الافضل اضافة العديد من الصور عشان يفيدوك الاخوه.


بالتوفيق
اخوك رمزي

[أسيــــر]

بنسبه لتحديد الجنس
الطير مزال فرخ ويصعب التخمين فيه
وان كان شخصية الطير وملامحه ذكر فهذا لايعطي معنا
المشوار قدامه طويل على مايجهز
بتوفيق ان شاء الله