القطط تهرب من البيت وهذي المره الثانيه عشر !

[abdulla1101]

السلام عليكم

هذي المره 12 الي اطلع واطاردهم في المنطقه لين ما امسكهم

عندي 3 قطط جننوني نفسي احطهم في التبني من كثره مشاكلهم وكل حياتي تكون اني امسكهم كل مايهربون من البيت

1 انثى

2 ذكور

الذكور غير مخصيين واعمارهم فوق 8 شهور وعندهم موعد اخصاء مع الطبيب في 27 من هذا الشهر واخيرا راح انتقهم منهم قصدي اخصيهم

الانثى تقريبا 7 او 8 شهور من العمر وهي ماتهرب عشان التزاوج وانما عشان الفضول وفي نفس الوقت هي حقيره وجبانه وتخاف من السيارات والناس الغرباء

والله العظيم اليوم من 8 الى 9:40 عشان امسكهم واحد واحد وهذي مو الاولى من قبل صارت كثير حوالي 12 مره بس هذي ثالث مره انا امسكهم فيها

من قبل كانوا اخوالي يستدرجون القطط الى بيوتهم لانهم يسكنون جنبنا وبعدين يتصلون ي يقولون لأمي وهي تجيبهم مع اختي وناخذهم

يأست مرضت من شغبهم وحقارتهم وكثره هروبهم

طبعا طرق الهروب يا اما انهم يحاولون ينطون من فوق الجدار وينجحون مع انه عالي

او لما يشوفون الباب مفتوح او اول ما احد يدخل هم يهربون بسرررررررررررررررررعه قبل لاينغلق الباب ,

الانثى هذي اول مره تهرب فيها

اما الذكور يروحون بدون مانعرف ويختفون وبعدين بعد كم ساعه يصيحون عند الباب الخارجي ولما نفتحه يدخلون مثل الحقراء البغضاء !

والله بسببهم كرهت القطط

وندمت اني اشتريتهم

مع اني اعاملهم احسن معامله انا واهلي

والي يقهر بعد اني لما احاول امسكهم في الشارع يهربون مني ولما استدرجهم يطنشون ونفس الشي مع الاهل

وطبعا الناس يكونوا هكذا .....

انا اكون هكذا :

والقطط

...

الى متى ,

اخاف حتى بعد الاخصاء ودفع تكاليف عملياتهم يهربون واحزن على كل فلس دفعته لهم قصدي على فراقهم هع



في انتظار ردودكم

[شاهستا]

ههههههههه
اول حاجه انا بحييك على اسلوبك كانك كاتب قص مضحكهه هههههههههه

اهلا بيك
طبعا الذكور بتهرب عشأن التزأوج ولكا تخصيهم الموضوع هيقل تدريجى لحد ماينتهى الهروب
اما القطه ف هى بتقلدهم
لانهم بيرجعوا يحكو ليها مغأمراتهم
ف هى كمان نفسها تعيش المغأمره
واتمنى تعقم القطه كمان مع الذكور
من كلامك ان القطط ف الجنينه
الافضل انها تكون جوه البيت
بعيد عن الاسوار والحاجأت الى ممكن تهرب منها

[الماسيــــــــــه]

ههههههه قصتك وايد حلوه
اخوي لاتسويي العمليه
خلهم عندك و يتكاثرون ()
احسن من ان قعدتهم بدون انتاج ولا نسل جديد
حافظ عليهم و خلهم بالبيت داخل و انتبه لهم
ههههههه ياحلاتهم حط الصور خل نشوف الحقاره ههه

[abdulla1101]

المشاركة الأصلية كتبت بواسطة جولي حبيبتي

ههههههه قصتك وايد حلوه
اخوي لاتسويي العمليه
خلهم عندك و يتكاثرون ()
احسن من ان قعدتهم بدون انتاج ولا نسل جديد
حافظ عليهم و خلهم بالبيت داخل و انتبه لهم
ههههههه ياحلاتهم حط الصور خل نشوف الحقاره ههه

هههههه راح ارفع الصور بس للأسف قطي تظهر عليه اعراض الاحتضار ويرتجف

عنده جرح في يده وكان ينزف وحاليا يرتجف بشكل مخيف ..

كتبت موضوع مفصل عنه في القسم الرجاء الرد لانه ماحد رد علي للحين
----

احس اني ظلمته لما قلت عليه حقير
--

بالنسبه للأخصاء راح اخصيه لاني ما اقدر اخليهم 24ساعه داخل البيت فهم على الاقل يحبون يلعبون تحت الشمس 3 او 4 ساعات وبعدين يدخلون البيت

والمشكله لو طلعوا في الحوش يهربون بدون ما احس انهم هربوا !
وتبدا سلسله العذاب والعصبيه والبحث , انا واهلي نطلع في المنطقه كأننا من الاستخبارات ولا الشرطه الفيدراليه ونمسكهم ونرجعهم البيت صح انه وناسه لكنه بعد متعب

وسبب اخر لأخصاءهم هو اني اكره الكيتنز لانهم متعبين شوي ويحتاجون اهتمام كبييييير واحس انهم يموتون بشكل اسرع وكذلك انا ما اقدر اتحمل تكاليف قطط اخرى من ناحيه العلاج والاكل وخصوصا انهم كيتنز يحتاجون اهتمام من ناحيه الاكل وعلاجات مستمره وتطعيمات وبالنسبه لي 3 قطط عدد كبير بالنسبه لي وانا مكتفي بهم

[Acacia]

السلام عليكم
بالنسبه للقط اللي انجرحت يده لازم توديه للبيطري لأن الجرح ملتهب مره
و بالنسبه لهروب القطط حالتنا ألعن منك 5 قطاوة ويحبون الشارع واكثر من 20 مره يهربون لا بعد و واحد هرب واختفى يومين وبعدين رجع يرجف من البرد وتعبان وعقبها صار مايحب الشارع
و نصيحه مني لا تخصي الذكور لأن الاخصاء ماراح يفيدك وراح يرجعون يهربون وانت قلت ان الذكور اكبر من 8 شهور معناته بالغين يعني يا توديهم لمحل يتزاوجون كم يوم ويرتاحون وترتاح او تجيب انثى بالغه غمرها سنه
وانا واختي سوينا طريقه تخلي القطاو تكره الشارع وهي كالتالي :
اطلع للشارع و معك رشاش ماء او بخاخ المهم واترك الباب مفتوح بس شوي بحيث تجي القطوه وتطل من فتحة الباب و رش عليها الماء يدون ما تشوف وجهك لأنها لو شافت وجهك راح تكرهك وتعرف انه انت اللي ترش الماء

[Acacia]

لازم تسوي هالحركه اكثر من مره و تنبه اهلك انهم مايتركون الباب وراهم واذا تبي تشمسهم من دون ما يهربون حطهم بالاقفاص الكبيرة المفتوحة
اتمني اكون افتدك بكلامي وتجربتي
تقبل مروري