بالأول اخوها والحين هي!!!! حالة استفراغ

[بسبس مياو]

السلام عليكم ...
قبل خمس ايام قطي (دنكوك) سنة وخمس شهور بدأ يستفرغ وجبة العشاء
قلت يمكن لأنه ياكل بسرعة....وعالغداء كمان استفرغ
صومته 15 ساعة وبعدين عطيته موتيليوم 2 مل وبعد نص ساعة اكلته والحمدلله ما استفرغ وكمان عطيته بيتاموكس لمدة ثلاث ايام احتياط ...والحي تمام
اليوم اخته (غشوبة) سنة وخمس شهور كمان بدأت تستفرغ بعد الغدا
استفرغت بس الوجبة.....وبعدها بخمس ساعات استفرغت سايل وفيه بقايا اكل
المغرب عطيتها اكل كمان استفرغته....فمنعتها من الاكل وقبل شوي عطيتها موتيليوم
بس رجعت استفرغت الدوا والمويه اللي شربتها ولونه مايل للأصفر..
مش عارفة ارجع اعطيها الدوا على طول ولا اتركها الين بكره بدون اكل
صحيح..عطيتها بيتاموكس العصر....
محتارة ومش عارفة شسوي

[بببي]

يا هلا والله بسبس مياو كنت اتساءل وين اختفيتي ^_^

انا ما حبيت اخليج بدون اجابه .. بس يمكن بسبب البرد

اعطيه لبن زبادي قليل الدسم واخلطيه مع العسل مفيد وبينظف معدته (ممكن ماي مع عسل )

يارب يرد عليج الي اكثر خبره مني في هالامور

[بسبس مياو]

هلا بببي مشكورة حبيبتي على سؤالك ..لهيت مع قطاوتي وكمان كنت اتضايق لما اشوف موضوعات
عن القطاوة التعبانة والمريضة (وبعضهم ماتوا ) فتعمدت ابعد لأني ماقدرت اساعدهم واتنرفز من الاهمال

زي ماقلتي انا بعد اتوقع برد مع اني مدفيتهم ولي شهر انام بدون مكيف علشانهم
عطيتها زبادي زي ماقلتي والى الحين ما استفرغت ان شالله تكمل
انا خفت ارجع اعطيها الدوا اللي استفرغته لايصير جرعة زايدة بعدين , عشان كذا سألتكم
تتوقعي لو اعطي باقي اخوانهم مضاد حيوي احتياط يضرهم؟

[بببي]

لو ان اخوانه اصحاااء بلاه المضاد حافظي على الغدا الدافي بس

ان شااءالله يارب مايستفرغ .. وتصير صحته 100% ياااااااارب

استني على الجرعه الثانيه

[بسبس مياو]

ما استفرغت الحمد لله بس كمان بنتظر لحد وجبةو الغدا واشوف
مشكورة بببي (F)

[بببي]

العفووو الله يشفيها يارب

[فاتـــو]

اهلين ياقمر

تاكدي ان مافيهم حراره وشوفي اذا في اسهال

هل يرتجفون احيانا ؟

قدمي لهم اكل مسلوق ودافي وزبادي دافي بالعسل بدايه كل يوم لاراحة المعده

استمري على علاج الاستفراغ

والمضاد لازم نتأكد بالاول اذا عندهم برد او لا ..

[بسبس مياو]

اهلا ياعسل....
لا ماافي اسهال ونشاطهم هو هو المعتاد ومايرتجفون ,بس ساعات المس اذونهم باردة بس مش طول
الوقت..تدفا وتبرد حسب الجو واكلهم طبيعي ومافي زكام
صراحة انا ماعندي ميزان حرارة بس اللي اعرفه لما ترتفع الحرارة يكون واضح عالقطة خمول وماتاكل
بس هذول مررره طبيعيين ويجرون ويلعبون....بس الاستفراغ اللي ينتقل بيهم
بالاول الولد وخف
وامس البنت وخفت
واليوم الأم
بس الحمدلله يستجيبون للدوا....انا شكلي بعطيهم كلهم بيتاموكس احتياط وش رايك؟ مع اني ما احب كثر الأدوية

[MR.coOol]

انتي مثل اعراض قطتي

كان فيها استفراغ

قطتي ماكان فيها صخونه وكانت تستفرغ

وديتها بيطري عطاها ابره مضاد وودواء للاستفراغ والمعده

والحمدلله صارت كويسه

،،،

انشالله راح يشفون قريب ورح يصيدهم مناعه

[بسبس مياو]

المشاركة الأصلية كتبت بواسطة MR.coOol

انتي مثل اعراض قطتي

كان فيها استفراغ

قطتي ماكان فيها صخونه وكانت تستفرغ

وديتها بيطري عطاها ابره مضاد وودواء للاستفراغ والمعده

والحمدلله صارت كويسه

،،،

انشالله راح يشفون قريب ورح يصيدهم مناعه

حمدالله على سلامتها ماتشوف شر
انا اخاف من البيطريين شوي واخاف من الإبر علشان كذا تلاقيني اعالجهم في البيت
خصوصا لو الحالة خفيفة....البيتاموكس و موتيليوم بصراحة ادوية جبارة وممتازة
والحمدلله من اول استعمال لدواء الاستفراغ وقف وتغدوا اليوم كلهم بدون استفراغ
مشكور على الرد