الغيني : خمول + استفراغ الماء + استفراغ الأكل ( الفول السوداني )+ أكل طبيعي = ؟؟

[شغوف]

أخواني :
ببغائي الغيني ( التمنة ) عمره قريب من السنة، ما كان فيه إلا العافية
سافرت وتركته عند أهلي الخميس والجمعة .
وطبعا تعرفون برد الرياض ، يوم رجعت قالي أخوي :
ليش يحرك راسه ويطلع اللي في بطنه ؟
شكيت أنا في الأمر ، واليوم لاحظت التالي :
- خمول ونفش ريش لكنه يأكل بشكل طبيعي .
- إذا شرب ماء يخرج منه بعد فترة بشكل لزج .
- يحرك رأسه ورقبته حتى يخرج الأكل من فمه .
- لاحظت كأن عنده إمساك !! يعني الفضلات تتعلق بالريش !!
---
أشك إنه داخله برد ، لكن من يقدر يفيدني ؟
وكيف طريقة العلاج ؟
والبيت عندي بارد جدا ، هل أغطيه طوال اليوم ؟

[مس^^مس]

ماينفع تغطيه طول اليوم .. جاله اكتئاب ع هالحاله ..

عليك ب الدفايات .. حط له دفايه ف الغرفه اللي هو فيها ..

ومن ناحية الاستفراغ والله ماعندي خبره فيه .. اترك هالسالفه للخبراء ..

والله يشفيه لك ..

[ابو محمــد]

نفش الريش اعتقد من بروده المكان ومستبعد المرض والاستفراغ اذا كان بسيط دليل محبه

والطير بأذن الله سليم وما عليه شر واذا المكان بارد حاول تغطي الطير من بعد المغرب

وتترك الربع الاخير من القفص مجال لكي يرى النور ويتنفس ولا انصح تكون الدفاية قريبة منه

بالتوفيق لك.

[شغوف]

مس مس : جزاك الله خير على الرد ما قصرت .
أبو محمد : جزاك الله خير على التجاوب والرد والله ما توقعت أن أبو محمد يبي يرد علي وكنت أقول إن شاء الله يرد على سؤالي اعذرني فرحت والله ..
أنا أعرف إن نفش الريش دليل استرخاء لكن ليس بشكل دائم ويصاحبه خمول !!!
إلى درجة إني أحاول أنشطه فيبقى الريش ما رجع لطبيعته بشكل كامل من طول النفشة .
أسأل الله أن يكون كما قلت ، لكني استغربت استفراغ الماء !! ونفش الريش الدائم مع أني مشغل مكيف الغرفة على الدافي .
أنا لاحظت أن حركة استفراغ الأكل ما يسويها إلا بعد الترويش وهالمرة ، فقلت يمكن البرد له سبب في الاستفراغ .
لكن الحمدلله أكله تمام ويتحرك ما عنده مشكلة .

[*الكاسكو*]

مدري سمعت ان الببغاء اذا اخرج الطعام من فمه وهو مستوي يعني وصل لأعلا درجات الحب ..يحبك ..

[شغوف]

هذا في الأحوال الطبيعية

لكن في حالة اللي عندي لا يخرج أكل فقط وإنما ماء أيضا .

حتى علبة الأكل صارت رطبة تحت .

هو طبيعي ، لكن إذا كثر يحتاج تفكر وش السبب ..

وما زلت رابط بين الشعور بالبرد عند الببغاء وبين الاستفراغ ..

لأن الحالة تكررت عند الترويش وفي هذه المرة وقت برودة الجو ..

مشكور على ردك .

[ابو محمــد]

المشاركة الأصلية كتبت بواسطة شغوف

هذا في الأحوال الطبيعية

لكن في حالة اللي عندي لا يخرج أكل فقط وإنما ماء أيضا .

حتى علبة الأكل صارت رطبة تحت .

هو طبيعي ، لكن إذا كثر يحتاج تفكر وش السبب ..

وما زلت رابط بين الشعور بالبرد عند الببغاء وبين الاستفراغ ..

لأن الحالة تكررت عند الترويش وفي هذه المرة وقت برودة الجو ..

مشكور على ردك .

اذا الموضوع وصل الى علبه الاكل اعتقد الموضوع فيه انا

عموما لا تستعجل والترويش في جو بارد اكبر غلط والمفروض من يوم يدخل فصل الشتاء

تمتنع عن الاستحمام وتكتفي بالتشميس .

بكره الصباح ضع شرائح فص ثوم واااحد مع الماء لمده ثلاث ساعات مع قطرات ليمون

بالتوفيق لك.

[شغوف]

هلا أبو محمد ..
بالنسبة للترويش أنا أقصد أيام الصيف لكن الحين أنا ممتنع .

ولعلي غدا إن شاء الله أضع الثوم والليمون ..

لكن اللي يخليني مطمئن أن حركته طبيعية إلى حد كبير .

[ندفيد]

السلام عليكم مع زخات المطر
نفس المشكله مره علي مع الببغاء بعد عشر ايام مااات تلاحق عليه قبل لايروووح عليك

[شغوف]

أبشركم ..

زانت أمور التمنة وصار من أحسن ما يكون ..

حطيت له فص ثوم مقطع لمدة يومين ..

واليوم ما شاء الله راح نفش الريش وما غير يأكل

أشكر كل من ساهم بكلمة . والله يعوض عليك يا ( ندفيد ) .

جزاكم الله خير