قطي يخاف مني

[Dazy]

السلآم عليكم ..
امممم انا عندي قط مهجن شيرازي - امريكي ، لما اقرب منو او ابغى اشيله يهرب مني بسرعة ويماوي بصوت يحززن مررة كأنو ما يبغاني اشيله واحسه زعلان مني
بصراحة حآسة بالذنب ، لأنو من يوم ما اشتريته وانا في الليل لما اجي انام بابا يقولي احبسيه جوا غرفة ومعاه مويته واكله ، بابا يقولي دآ الكلآم عشان خايف انو يمشي على الكنب او ينزل المطبخ والمجلس ، ومن المحظورات عليه انو يدخل غرفتي اللي انام فيها انا واختي لأن اختي تخآف من البسس بشكل مو طبيعي .
اسئلتي ..
هل الحبس في الغرفة هو سبب كرهـ Cloud ليآ ؟ مع اني بخرجه اول ما اصحي من النوم ؟
كيف اخليه يحبني من جديد ويرجع يوثق فيآ ؟
عندكم حلول ممكن تساعدني على اقناع بآبآ انو يخلي كلآود يتمشى بكيفه في البيت ؟
مع ملآحظة انو عمر كلآود 4 شهور ونص تقريباً .
سؤآل اخر مالو علآقة بالموضوع .. لآحظت قبل كم يوم حشرآت صغيييييييييييييرة مررررآآ لونها اسود تمشي بين فروه ، ايش ممكن تكون ؟
واليوم اكتشفت زي الحبة الصغيرة في بطنه منتفخه شويآ ولونهآ من الخآرج زي لون الصديد احسهآ مليآنة صديد وخفت افقئها عشآن مآ تتجرثم او يسير لهآ شي .. هل من الممكن انو تكون الحشرآت الصغيرة لهآ دور بظهور هدي الحبة ..؟ وايش الحل اتركها تروح من حالها ولا افقئها ؟

كمان لآحظت انو فروهـ يتسآقط بكثرة زي الخصل تطير في الهوآ .. كيف ممكن اخفف التساقط بأسرع الطرق ؟
بموت من الخوف بليز ردو بسرعة