الــــصبر مفــــتاح الفرج وفي التأني السلامة وفي العجلة الندامة ادخل وراح تستفيد

[طير جديد]

الــــصبر مفــــتاح الفرج

في التأني السلامة وفي العجلة الندامة ادخل وراح تستفيد


إن الأمور إذا سُدت مطالبها *** فالصبر يفتق منها كل ما ارتتجا
لا تيأسن وإن طالت مطالبة **** إذا استعنت بصبرٍ أن ترى فرجاً
أخلق بذي الصبر أن تحظى بحاجتهِ *** ومُدمن القرع للأبواب أن يلجــا


هذا الموضوع مو عن تدريب الطيور لكنه اهم من تدريب الطير (( الصبر على الطير ))

الكثير منا يشتري طير مو اليف ويجلس عنده اسبوع. شهر . شهرين . 3شهور
ولا يحس في تجاوب من الطير فا ينفذ صبره ويهمله ويقرر انه يبيعه في اسرع وقت وباي سعر


وهذا ما حدث مع مو في طير واحد بل بكذا طير

توني هذي الايام افكر بالطيور الي فرطت فيهم فحبيت انكم تستفدون من خطائي

هذه الطيور الي شريتهم ثم بعتهم





هذا اول طيري شريته . شريته وكنت مغشوش فيه كان كبير شوي بالعمر وكان مضروب ابره يوم اشتريه
كنت امسح عليه عند راعيه وقبل لا نوصل البيت قام يجعر بجنون والى ان بعته وهو يجعر

سبب البيع : الاستعجال + عمره كبير شوي + الجعير المستمر ..الله يوفق الي شراه





هذا الطير شريته كان يمتاز بالحجم ومن ثاني يوم ركبته ع اليد وكان مايجعر لكن احد الاقارب خوف الطير وقام يجعر ويعض فا قررت اني ابيعه الله يوفق الي شراه



هذا الطير كان كثير الجعير وكان عندي طيرين يوم ابيعه فكنت بغنى عنه وبعته بسعر زهيد مره الله يوفق الي شراه



يالبى قلبه طير حجم + لون + استجابه + صفير لكن كان يجعر والاهل ضغطوي علي الى ان بعته
افضل طيري بعته كنت حاط في امل .. لكن اذا فات الفوت ماينفع الصوت الله يوفق الي شراه




اخر طير بعته كان حجم ويركب ع اليد ويحب التسميد لكنه اطرم نادر يصافر وكان عمره سنتين الله يوفق الي شراه


..............


لا تتسرع في عرض طيرك للبيع خلك صبور وانشاااء الله بتشووف طيرك قمة اسطوره


اتمنى الموضوع نال اعجابكم ....

طيري الي ما يزال هو الي بالتوقيع والله يوفقك والله الله بطيوركم .. تحياتي