تابع الــــدرس الثالث ( عمل شريط الـLoading بطريقتين ) مدعم بالصور

[Elham]

بســـــــــــم الله الرحمـــــــــن الرحيـــــــــم

الســـــــــــــلام عليكم ورحمة الله وبركــــــــاته

تابع الــــــــــدرس الثــــــــــالث

عمل شريط الـLoading بطريقتين

النتيجة النهائية بعد تنفيذ الدرس بالطريجة الاولى ..

النتيجة النهائية بعد تنفيد الدرس بالطريجة الثانية ..

في الموضوع السابق شرحت الطريجة الاولى وفي هالدرس

بشرح الطريجة الثانية ..

خطوات الطريجة الثانية

من قائمة ابـــدء --> Photoshop CS4 ..

نختــــــــار .. new<------- File بالعربي ملف -----> يديد

هني نختار الـ width ( العرض ), و الـ Height ( الارتفاع )

انا هني اخترت العرض 400 و الارتفاع 200

هذي اهي مساحة العمل ظهرت لنا بالمقاسات لي اخترناها

هني على اليمين مثل مانتم شايفين الادوات ..

نختار الاداة المحددة بالصورة ..الي اهي مال الاشكال التلقائية ..

احين لمن ضغظنا عليه شوفوا شنو طلع لنا فوق

مثل مانتم شايفين انا شنو محددة ..

المستطيل الاول لي عـ اليسار .. نختار منه الشكل الي عـ اليسار

والمستطيل الوسطي .. نختار واحد من الاشكال لي جدامكم ..

طبعا على حسب انتم شلون تبون الشريط ..

والمستطيل الاخير الي عـ اليمين نضغط على السهم الصغير .. والصورة لي بعدها بتوضح قصدي

لمن نضغط على السهم بتنسدل لنا قائمة بنختار منها الشكل لي انا محددته ..

وفايدة هالشكل لي انا اخترته انه بيخلي المستطيل لي ارسمه عبارة عن حدود فقط ..

ومن الداخل موب معبئ يعني فارغ ..

هذه مساحة العمل لي نشتغل عليها وفيها الشكل لي رسمناه من شوي

في شغلة مهمة حيل : احين بعد مانرسم الشكل التلقائي ..

طبعا رح يظهر في طبقة منفصلة .. ومجرد انه نشيل السهم من على الطبقة لي فيها الشكل

ونحدد طبقة غيرها رح يختفي الشكل

فعشان جذيه شنو رح نسوي عشان نحل ذي المشكلة ..

نروح عند الطبقة الي فيها الشكل لي رسمناه ( الي اهوا المستطيل ) ..

حتى لو اختفى موب مشكلة ..

والصورة موضحة اننا محددين الطبقة .

احين بنضغط على الطبقة نفسها دبل كليك .. رح تطلع لنا هالنافذة ..

رحح نحط صح عند الخيار لي انا محددته وبنضغط عليه ..

احين عقب ماضغطنا عليه فتحت لنا النافذة فيها خصائص ..

ممكن احين نغير اللون والحجم ..

انزين لون شنو وحجم شنو ..

حنا اتفقنا قبل انه الشكل لي بنرسمه فارغ من الداخل يعني بس حدوده اهي الي مبينه

بنختار هني لون حدوده .. وبنختار حجم الحدود نبيها عريضة لو رفيعة الخ ..

هني انا اخترت حجمه 1 ولونه اسود .

احين بعد مانخلص من ذي الخطوة في شغلة مهمة رح تتغير ..

لي اهي اننا لو حددنا طبقة غير الطبقة لي فيها المستطيل مارح يختفي..

موب مثل قبل لا ننفذ ذي الخطوة كان مجرد نحدد طبقة ثانية غير طبقة المستطيل

يختفي المستطيل ..

احين بنرد نختار الشكل الي شايفينه ..

احين لمن ضغظنا عليه شوفوا شنو طلع لنا فوق

المستطيلات لي بالاحمر الي انا محددتهم ..

المستطيل الاول لي عـ اليسار .. نختار منه الشكل الي عـ اليسار

والمستطيل الوسطي .. نختار الشكل الثاني من اليسار..

والمستطيل الاخير احين اقولكم شنو نختار منه

نختار مثل ما انا موضحة بالصورة .. لاننا احين نبي الشكل يكون معبى من الداخل مو مثل

اول كنا نبيه فارغ ..

احين انا رسمت ذا الشكل داخل المستطيل مثل مالصورة موضحة ..

احين نحدد الطبقة لي موجود فيها ذا الشكل الضغير الي تو راسمته داخل المستطيل ..

هني نسوي مضاعفة للطبقة .. نضاعف الطبقة الى مايصير المستطيل الكبير ممتلى بالمستطيلات الحمراء الصغار ..

بعدين بنحركهم وبنخليهم يم بعض ..

يعني لمن نضاعف الطبقة للمرة الاولى ,, بتصير عندنا طبقة يديدة بنروح عندها

وبنحرك الشكل وبنخليه يم الشكل الاساسي الي عندنا وباجي الطبقات نفس الطريجة بنضاعف

وبنحرك الشكل وبنخليه يمهم .. لين مايصير عندنا كل الاشكال الحمراء ومرتبين يم بعض

..]في شغلة احب انبه عليها انه لازم نحدد الطبقة بعدين نحرك الشكل

لانه ماكو شي بيتحرك الا اذا حددنا الطبقة الي اهوا فيها

+ مهم جدا انه تكون الطبقة لي فيها المستطيل الكبير فوق كل الطبقات

اذا كانت تحت حددوها وحركوها خلوها تصير فوق كل الطبقات الثانية

احين ذي الصورة توضح عقب مارتبنا الاشكال الصغيرة يم بعض ,,

نروح لقائمة Animation <--- Windows

ذا الصورة توضح شريط الانميشن وفيه فريم واحد ..

احين بنحدد الفريم لي في شريط الانميشن وبنروح

يم كل الطبقات لي فيها شكل احمر وبنشيل العين من يمها عشان تختفي ..

وبس بنترك الطبقة الاولى الي فيها الشكل الاحمر مابنشيل العين من يمها ..

يعني بيصير عندنا الفريم الاول ظاهرة فيه الطبقة الاولى مال الشكل الاحمر ..

عقب هالخطوة بنختار الشكل لي جدامكم وخبرتكم قبل انه لاضافة فريم يديد ..



احين بنكرر نفس الخطوة بمعنى انكم تتبعون الاتي وبالترتيب لازم بالترتيب ..

-اضافة فريم

- وضع العين امام الطبقة الي تحتوي على الشكل الاحمر ..

شلون يعني ..

يعني كل مرة بتضيفون فريم .. بتروحون عند الطبقات الي فيهم الاشكال الحمراء ..

لي شلنا من يمهم العين وبتردون العين امام طبقة واحدة فقط ..

يعني مع كل اضافة فريم نرد عين وحدة ..

ولازم نرد العين يم الشكل الاحمر الي بعد الطبقة الاولى ..

يعني تردون العيون بالترتيب ..

وهالصورة توضح الي الحجي لي قلته ..



وهني عقب ماردينا العيون يم الطبقات بالترتيب مع كل اضافة لفريم نرد عين



هني تحددون وقت التنقل بين الفريمات ولي متى تبونه يتنقل ..

طبعا هالخطوة وضحتها بالتفصيل بالدروس السابقة عشان جذيه مارح افصلها

وهني تحفظون الصورة من ..save for web and devices <-- File

تـــــــــــــم بحـــــــــــمدالله

المـــــــــوضــــــــوع من مجهـــــــودي الشخصي ..و اي ســـــــــــؤال انا حاضـــــــرة

فـــــــلا تنسوني من صالح دعــــائكم .

اختـــــكم في الله : الهـــــــــام

[soul2006]

طبقت وشوي معتفس


الهام الخلفية تكون بيضاء ليش ما نسوي خلفية شفافة ترانسبرنت



انتظر درس جديد بصورة متحركه



شكرا مرة اخرى
الى امام ثورة ثورة

[da7om]

ماشاء الله ...
معلومه جديده

يعطيك العافيه ع المجهود

دمتي بود

[da7om]

بآآآآك بالتطبيق

استخدمت خلفيه شفافه *_^



ان شاء الله يكون صح

فيه سؤال ..
هل اقدر اتحكم في المسافه بين كل مستطيل صغير بطريقه مختصره ودقيقه ؟؟

يعطيك العافيه
والله يسعدك ويجزاك خير
درس جديد عليه وان شاء الله تطبيقي صح

[Elham]

المشاركة الأصلية كتبت بواسطة soul2006

طبقت وشوي معتفس


الهام الخلفية تكون بيضاء ليش ما نسوي خلفية شفافة ترانسبرنت

انتظر درس جديد بصورة متحركه

شكرا مرة اخرى
الى امام ثورة ثورة

ماشاء الله انت الطالب المثابر عندي ..

تطبق الدروس اول باول ..

وبالنسبة للخلفية الشفافة ..

شيل العين من يم الطبقة الاساسية مال الخلفية

وتصير شفافة ..

موفق اخوي وتطبيقك رائع

[Elham]

المشاركة الأصلية كتبت بواسطة da7om

ماشاء الله ...
معلومه جديده

يعطيك العافيه ع المجهود

دمتي بود

ربي يعافيك اخوي

المشاركة الأصلية كتبت بواسطة da7om

بآآآآك بالتطبيق

استخدمت خلفيه شفافه *_^



ان شاء الله يكون صح

فيه سؤال ..
هل اقدر اتحكم في المسافه بين كل مستطيل صغير بطريقه مختصره ودقيقه ؟؟

يعطيك العافيه
والله يسعدك ويجزاك خير
درس جديد عليه وان شاء الله تطبيقي صح

تطبيقك جيد .. بس عندك خطأ مفروض مايكون في ظل للمستطيل الكبير ولا للمستطيلات الصغار

وهالشي اثر على شكل الشريط لمن صارت الخلفية موب نفس لون الظل ..

مثل ماهو واضح اهني بالاقتباس

وبالنسبة لسؤالك ..اي ممكن تتحكم في المسافة بطريجتين ..

الطريجة الاولى :

اختار من قائمة Grid <-- Show<--- View تحط صح عندها

رح تصير مساحة العمل جذيه فبيصير شغلك دقيق ..



وعقب ماتخلص تسوي نفس الطريجة عشان تشيل ذي الاخطوط ..

من قائمة Grid <-- Show<--- View تشيل الـ صح من عندها

الطريجة الثانية :

بعد ما ترسم اول مستطيل صغير الي بالاصفر ..

اضغط على الطبقة ماله .. بتطلعلك ذي القائمة ..

اختار منها Duplicate layer( مضاعفة الطبقة ) مرة وحدة ..



بعد ما تضعف الطبقة مرة وحدة بيصير عندك مستطيلين صفر ..

الاصلي والي من شوي طلع لمن سوينا مضاعفة للطبقة ..

احين روح عند المستطيل وحركه وحدد المساافة لي تبيها بينهم ..

وخلهم يم بعض ..

بعدين اضغط على CTRL وحدد الطبقتين الي فيهم المستطيلات ..

واضغط دبل اكليك رح تطلعلك نفس القائمة ..

اختار منها Duplicate layer( مضاعفة الطبقة ) مرة وحدة

طبعا رح يصير عندك 4 طبقات .. لانك سويت مضاعفة لطبقتين

فكل طبقة تضاعفت مرة فالمجموع النهائي 4 طبقات ..

احين رح تلاحظ انه الطبقتين لسه محددتين

فحرك بالاسهم لي بالكيبورد .. الطبقتين وجذيه بتصير المسافة نفسها ..

وممكن تكررها اكثر من مرة وتضاعف اكثر من طبقتين بنفس الوقت عشان

تطلع المسافة متساوية ..

وهم في طريجة ثالثة بس ماتنفع تستخدمها بهالدرس..

بالتوفيق

[أحبك توتو]

إلهآم أنا الإصدآر CS5 و هذي الأداة موجودة بس لما أضغط عليها


ما يطلعون هذول تطلع أشياء ثآنيه

[Elham]

المشاركة الأصلية كتبت بواسطة أحبك توتو

إلهآم أنا الإصدآر CS5 و هذي الأداة موجودة بس لما أضغط عليها


ما يطلعون هذول تطلع أشياء ثآنيه

حبيبتـــــي ذي اداة الشكل التلقائي ..

شنو يطلع لج لمن تضغطين عليها ..؟.

ياليــــت تحطين الصورة عشان اساعدج ..

[soul2006]

عندي cs5 وظاهرة الاداة

[صمت الأمل]

السلام عليكم ورحمة اللهـ وبركاتهـ .


انقطعت عن التعلم على الفوتو لمدة ليست بالقصيرهـ بسبب بعض الظروف الإجباريهـ .


لكن الحمدللهـ رجعت لهـ وبنفس الحماس السابق .


يعطيكـ ربي ألف عافيهـ الهام على مواصلتكـ للمجهود في دروسكـ .


وتم تطبيق الدرس بعد (( الكثير )) من المحاولات :





وراح أتدرب أكثر وأكثر عليهـ وعلى دروسكـ السابقهـ والقادمهـ .


على فكرهـ كل درس أطبقهـ منكـ يتم اضافتهـ فورا للمفضلهـ .


ألف شكر لكـ ,, وكل التوفيق لكـ .