هل دورة الشبق تتاخر اكثر من شهر

[رذاذ المطر]

المشاركة الأصلية كتبت بواسطة الخبيرة ناديا

ابره الديدان ابعد عنها نهائي لانها تؤدي للموت في اغلب القطط ( الايفرمكتين)

وعلاج ampex five هو برضو لمعالجه الديدان وماله دخل بتساقط الشعر!

لان تساقط شعر القطه يعالج بجرعات من الفيتامينات وتكون ابر مقويه لها فقط...

ampex five هي خاصه لعلاج ديدان القطط والكلاب وهي تستعمل كل ثلاث شهور مره.

اما لو احتمال انها حامل لازم تبعد عن اي علاج وخاصه الابر ..

والديدان عالجها بعد ولادتها افضل..واحسن علاج هو الدرونتال على شكل حبوب على حسب وزن القطه

ويعطي مناعه للكيتنز من حليب امهم..

ودائما القطه المصابه بالديدان يتساقط شعرها وتكون هزيله شويه وشهيتها للاكل قليله. فممكن البيطري

بيعالج الديدان عندها حتى تتحسن ويبداء شعرها بالظهور طبيعي..

لاكن الاحسن من وجهت نظري انك تعطيها فيتامينات داعمه لها وماتظرها بالعكس تحسن من شهيتها

وشعرها ..

واذا تاكدت انها ماهي حامل لابد انك تعالجها من الديدان حتى لو مافيهاا ..فقط كوقايه لك ولها.

وبالنسبه لابره الهرمون لابد انها تؤخذ بالعضل ..لان لو عطاها في الجلد راح ينتفخ مكانها وتتالم القطه منه.

ودوره الشبق دائما وابدا تجي للقطه مره واحده كل شهر في اي نوع من القطط..

وتختلف ممكن يكون مع القطه التهابات في المبايظ فتتاخر عندها دوره الشبق شهر او شهرين..وتعاودها مره

اخرى..

عشان كذا انا اقولك لابد من الكشف على القطه وعمل سونار لها حتى يشوف اذا الرحم سليم والمبايض

كذلك ..كلاص تكون تاكدت ان مافيها لاالتهابات او اجنه في رحمها ووقتها تقدر تعطيها ابره الهرمون ..

لاكن نصيحه لاتكثر من اعطكائها ابر الهرمون ..فقط مره واحده حتى تنظم عندها عمليه دوره الشبق..

وابره الهرمون تشوه الاجنه داخل رحم القطه انتبه لازم تتاكد من خلوها من كل شي مثل ماقلتلك.

وانا تحت امرك باي سؤال..

الله يجزاك كل خير

ويوفقك بدنيا وبالاخره

ولا يامر عليك ضالم

لا ابشرك مافيها ديدان الحمد الله بس ان شاااء الله اعطيها الحبوب بعد الولاده زي ماقلتي

جاء بالي سؤال يوم عرفة ان الدوره كل شهر هل اعراض دورة الشبق الي قلتي لي فيها سابقا تجيها والذكر عندها يعني اشوفها ولا ماتجيها والذكر عندها ع طول يتزوجون لان الذكر له شهر وشوي وهو ويها بغرفه وحده

والله لا يحرمنا منك
ويرحم الله اثنين خلفووووووك

[الخبيرة ناديا]

ايوه دوره الشبق راح تلاحضها عليها حتى لو الذكر موجود لاكن بتكون على خفيف

والاهم انك راح تلاحظها تدودد له كثير وماتلقيك بال..

وعلى حسب فيه انواع من الاناث يكون دوره الشبق عندها قويه جدا لدرجه الجنون ..بحيث حركتها

المستمره وصياحها ودورانها في البيت..

وبعض الاناث ترش بول وبراز اكرمكم الله اذا مالقت الذكر ..

وبعض الاناث يكون دوره الشبق خفيفه عندها مجرد ونات تصدرها في اليوم الاول وينتهي كل شي..

الله يسعدك على الدعوه الطيبه من شخص محترم ..

تحياتي لك

[رذاذ المطر]

الله يجزاك كل خير
وربي نورتيني بمعلومااااتك
الله ينور لك دربك وقبرك
ويعطيك كل ماتمنينه
والله مدري وش اقلك
خيرك مغطينا بالمنتدى
مالك مني الا اوفر الدعااااء
سؤائن بالسر او بالعلن
الله يحفظك من كل شر