انا عندى مشششششششششكلة

[لو لوليتا]

انا عندى دلوقتى 7 قطط منهم 4 كيتز المشكلة فى الكيتز اشتغلت فترة ومعرفتش وهما صغيرين اوى اعلمهم على الليتر بوكس ودلوقتى مش عرفة اعلمهم وبهدلولى الشقة
عايزة حل ضرورى لانى نازلة الشغل تانى عايزة حل سريع بسرعة لو سماحتوا

[The Cat Whisperer]

هتعلميهم ان شاء الله بس في حاجة مهمة

4 كيتنز عمرهم ما هيستخدمو ليتر بوكس واحد

هاتي 2 أو 3 والمهم يكون في مكان هادي مفيهوش حركة

ومفيهوش أطفال ولا حد يزعجهم او حد رايح جاي معدي عليهم

هتملي الليتر بوكسز وتجيبي كل قطة منهم تقعديها في البوكس

وبعدين حركي قوائمها الأمامية عشان تتعلم تردم الرمل وتستخدمه

وكرري العملية 3 مرات ولو حد فيهم اخرج بره الصندوق هتمسكي الفضلات بجاروف

وتحطيها في الليتر بوكس قدام القط وبعدين هترميها وممنوع العنف بكل صوره نهائي

لأنه هيجيب نتيجة سلبية وحاولي تدلعيهم بعد كل خطوة وتأكليهم حاجة صغيرة بيحبوها

وان شاء الله هيتعلموا بسرعة لأن الكيتنز أذكيا وانتباههم حلو والمهم البوكس ميكونش عالي

يعني الليتر بوكس يكون منخفض عشان يعرفوا يطلعو يقعدو فيه ميكونش حرفه عالي للتسهيل عليهم

وبالتوفيق