عقدني هالافريقي يالربع والحل

[بوسارة]

السلام عليكم

يالربع كما هو واضح عندكم هالطير جبته صارلي 3 اسابيع

اوكله بيدي يوم يتقبلني ويوم يجاعر وبصوت عالي مع العلم انه قفصه

جنب سريري ودوم انا لازق فيه الا انه مابطل تجعير ولا راضي يهدى

وانا بيني وبينكم خايف ادخل ايدي عليه ومسكه

علما بأن الطير عمره 10 شهور تغريبا شالحل يالربع

[n-b-n-b]

اخوي ابو سااره
اذا هو مو اليف اكيد بيجعر لين يتعود عليك

واذا كان اليف ويجعر بيتعوود عليك وبيسكت
واتمنى اني افدتك

..........................................................................................................

[بوسارة]

طيب صارله 3 اسابيع وانا لازق فيه علما بأنه ياكل من ايدي وجعرته موراضيه تخف يعني كم يبيله حتى ياخذ علي

عالعموم انا اشكرك على مرورك عزيزي

[الحارثي99]

حبيبي حاول تعطيه الامان يعني حاول ترفع القفص مسافه اقل شي مترين

الشي الثاني عوده الاكل من يدك وعليك بالعسل تعطيه بااسبعك السبابه بس لا تكثر له العسل هذا من واقع تجربتي

ومع الايام راح تدعيلي

اهم شي لا تيأس

تقبل مروري

اخوك ومحبك ابو شاكر

[n-b-n-b]

اخوووي يبيله 1شهر او زي ماقلك الرجال الحارثي99 ..

اتبع طريقته..

اتمنى اني افدتك..

......................................................................................

[بوسارة]

الله يعطيكم العافيه لاخلا ولا عدم يالربع

تحياتي

[سيدالعشق]

لازم يتروض من قبل خبير وتنتهي السالفه

[مجنون فلته]

السلام عليكم

اخوي راجع المواضيع المثبته الخاصه بالتدريب

[اكون او لا اكون]

باختصار اذا كل ما جعر تبعد عنه تاكد ما راح يترك الجعره ابد

يعني لما يجعر يعني خايف منك ويبيك تبعد ويستخدم صوته المزعج لابعادك

فانت لا تبعد بالعكس قرب وخله يجعر لين يسكت عندما يتاكد انك لا تريد ايذائه

ايضا مسالة التذبذب مره توكله وما يجعر ومره يجعر يعتمد على مدى جوعه وايضا على لبسك انت

يعني لما يتعود عليك بلبس معين وتجيه بلس مختلف تاكد انه راح تخاف مثلا الشماغ وهو متعود عليك بدونه

وقس على ذلك .

اهم شي مثل ما قلت لك اذا جعر لا تبعد لانه راح يظن انه سلاح مفيد له ويبعد عنه الاعداء

[ميدو 5]

كلام الاخ اكون او لا اكون صحيح مية في المية عندما يبدأ بالجعير لاتبعد علشان يحس انك انت المسيطر ومع الوقت ستنتهي الجعرة وفقك الله