ابرة الجرب قتلت ارنبي

[رامـــا]

اليوم الصباح اخدت ارنباتي للبيطري لأنهم يحكو اذانهم كتير و يهززو راسهم بقوة لهم كم يوم

و كمان صارو يحكو جسمهم كتير

بس كانو سليمين و ياكلو و يشربو و يلعبو عادي و نشيطين ماشاء الله

فحصهم الدكتور و قال سليمين ما فيهم شي و قللي الافضل نعطيهم ابره حقت الجرب

عشان لا يجيهم يعني يتحصنو ضد الجرب

و انا وافقت

و اعطى الابرة للأرنبتين


بعد ساعة تقريبا وحدة من الارانب صارت خاملة بالقوة ترفع راسها و اذا تبغى تتحرك

تمد يدينها لقدام بعدين تسحب باقي جسمها

حاولت اعطيها اكلها اللي تحبو ما رضيت تفتح فمها و لا رضيت تشرب موية و جسمها

مسترخي و عيونها كأنهما دبلانة او حزينة

ضميتها و قعدت امسح عليها و اكلمها بصوت هادي و رايق عشان ترتاح

و قلت بكرة ان شالله ارجع اخدها اللعيادة عشان الضهر قفلت العيادة خلاص

المهم حطيت منشفة في القفص و حطيتها عليها و نمت ساعة وحدة بس وقمت

لأني خفت يصير فيها شي و انا نايمة

بس لما صحيت لقيتها ميتة

و الله من الضهر و انا ابكي عيوني اتورمت و وجهي صار عجيب

و الله العظيم اليوم الصبح قبل ما نطلع للعيادة كانت سليمة ما فيها شي

و كانت تلحقني في الغرفة و تلحس رجولي و تنقز و تجري و من احسن ما يكون


حتى البيطري قللي انو هي و اختها ماشاء الله سليمين ما فيهم الا العافية




طيب ليش ماتت ليش ؟؟؟

حاتجنن يا جماعة و الله حاتجنن

قلبي يتقطع عليها

حاسة بالذنب

حاسة اني اخدتها لموتها

و الله العظيم و الله العظيم ربي شاهد عليا اني اخدتها البيطري

عشان يفحصها و يطمن عليها

و عشان اعالجها اذا كان فيها اي مرض و الله العظيم ما اخدتها عشان تموت و الله





لا حول و لا قوة الا بالله العلي العظيم



اختها لحد الان ان شاء الله ما فيها شي ماشاء الله عادية



و الله حاسة بالذنب و حاسة بحرقة بقلبي كنت احبها كتير و الله








ليش ماتت

معقولة الابرة قتلتها؟؟

[Bohamad_93]

الحمدلله على كل حال

لي تجارب مع كثيرة في الترية وأكثرها كانت الفشل

لكن مهما يكون هذي ارواح وتكون بذمتنا اا كنا غير مسؤولين , فما لازم نتملك كائن حي

لكن اذا مو بيدنا فهذا هو المكتوب , وان شاء الله تكون خيرة لك .

ودفع بلى والله يعوضك بالاحسن ان شاء الله

انا عندي ببغاء وبتربيته جاني هوس بتربية حيوانات ثانية

واشتريت فوق 9 طيور وكلهم ماتو , الا البغاء

هنا تعلمت وايقنت ان كائن واحد كافي ... على كل انا الحين مع القوارض الهامستر

واتضح ان الثديات لهم تحمل اكثر من الطيور

وحتى لو ماتو هي خيرة لك والله يعوضك بالاحسن .

[رامـــا]

شكرا يا بو حمد على حسن اختيارك للكلمات و الله كلامك صحيح الحمد لله على كل حال

و الخيرة فيما اختاره الله

جزاك الله خير

الله يحفظ لك ببغاءك من كل شر و سوء يا رب

[أبو محجوب]

الله يعوضك خير انشاء الله

[ارنوبي.]

الله يعوضك خير اختي

ابرة الجرب او مادة الافرمكتين لا تقتل ومعروف الشي هذا عند المربين

وانا احصن ضد الجرب اذا لاحظت بداياته ..

ولكن نفس الحكاية ضارة

انا لااحصن القطيع الا اذا لاحظت بديات الجرب اما في الاحوال العادية ماحصن

وواضح ان ارنبك اصلا اذا كان فيه جرب فهو حالة متأخرة ,

وايضا نواجه حالات نفوق والا سباب الظاهرية غامضة ,

انا اليوم نفق عندي احد ارانبي وحزنت عليه ولا اعرف سبب واضح .

وتربية الارانب صعبه على الخبراء فكيف بالاشخاص العاديين

على العموم الله يعوضنا وياك اختي

بالتوفيق

[رامـــا]

المشاركة الأصلية كتبت بواسطة ارنوبي.

الله يعوضك خير اختي

ابرة الجرب او مادة الافرمكتين لا تقتل ومعروف الشي هذا عند المربين

وانا احصن ضد الجرب اذا لاحظت بداياته ..

ولكن نفس الحكاية ضارة

انا لااحصن القطيع الا اذا لاحظت بديات الجرب اما في الاحوال العادية ماحصن

وواضح ان ارنبك اصلا اذا كان فيه جرب فهو حالة متأخرة ,

وايضا نواجه حالات نفوق والا سباب الظاهرية غامضة ,

انا اليوم نفق عندي احد ارانبي وحزنت عليه ولا اعرف سبب واضح .

وتربية الارانب صعبه على الخبراء فكيف بالاشخاص العاديين

على العموم الله يعوضنا وياك اختي

بالتوفيق

و الله العظيم انها كانت سليمة ماشاء الله ومافيها الا العافية تلعب و تاكل و تركض و تنقز

و مافيها شي ابدا طبيعية مية في المية

بس اخدتها هي و الارنبة الثانية عشان لاحظت انهم يحكو كتير و خاصة الاذن

و البيطري لما فحصهم قال انهم سليمين ماشاء الله و ما فيهم لا جرب و لا اي

مرض تاني

و قال راح اعطيهم ابره تحصنهم من الجرب عشان لا يجيهم هادا المرض و انا واقفت


و يا ريتني ما وافقت

و الله كنت ابغاهم يتحصنو من المرض احسب انو زي ابرة الحمى الشوكية اللي تاخدها

عشان ما نمرض

بس سبحان الله ما كملت ساعتين الارنبة الاساعة الاولى كانت خاملة تماما لا اكل و لا حركة

و تجر جسمها و الساعة التانية ربي اخدها






معقولة تكون ماتت من الخوف مثلا؟

يعني لما شالها البيطري خافت عشان كدا ماتت؟

[رامـــا]

المشاركة الأصلية كتبت بواسطة أبو محجوب

الله يعوضك خير انشاء الله

امين يا رب

مشكور يا اخ ابو محجوب

[ارنوبي.]

هذا اكبر غلط يعطيهم وهم مافيهم شي

لكن مع ذلك ليست مميته ..

قديكون جرعة زائدة او الدواء ليس للجرب الله اعلم

والمفروض ان طرحتي موضوع بخصوص المرض لان البيطريين فاشلين تخصصهم صيدلة ومعلوماتهم اكثر شي في الاغنام والدواجن..

واخيرا الله يعوض عليك اختي

[رامـــا]

هي غلطة ومستحيل تتكرر و مستحيل اخدهم لنفس البيطري مرة تانية

يا ريتني ما وافقت

لما قللي حاعطيهم ابرة الجرب عشان لا يجيهم المرض وافقت لاني ما كنت ابغاهم

يمرضو و يتعذبو و الله العظيم ما كنت ادري انهم راح يئذي وحدة منهم بدال ما يحميها


بس امر الله و الخيرة فيما اختاره الله

صح حيوان لكن ربي ما يفعل شئ الا لحكمة و خيرة للأنسان



بصراحة حتى انا شكيت انها ممكن تكون جرعة زايدة لاني عرضت نفس الموضوع في

منتدى تاني و اللي رد عليا جزاه الله خير قال ان احتمال اللي ماتت تكون اصغر من التانية و يكون

الدكتور اعطاها نفس الجرعة اللي اعطاها للكبيرة

و فعلا اللي ماتت هي الصغيرة و بدأ يبان عليها التعب و الخمول و ماتت بعد ساعة تقريبا من الابرة





الله يعوضني


الله يسامح الدكتور اذا غلط بدون قصد و اعطى جرعة زايدة للصغيرة لأن ما في انسان ما يغلط

لكن الله لا يسامحو و الله ما احللو لو كان عارف انو لازم يقدر عمر او حجم الارنب
قبل ما يعطيه الابرة بس اهمل الموضوع و خلاها على الخظ

[رامـــا]

الله يعوضني



مشكورين يا جماعة مشكورين على تفاعلكم مع مصيبتي و ردكم عليا


الله لا يوريكم مكروه في أي شخص او اي شي تحبوه يا رب