الطرق المرسومه للطير الجديد&&& مهم ارجوا الدخول &&&

[يوفاوي الكويت]

السلام عليكم اخواني الاعضاء والمشرفين

بصراحه الموضوع مختلف عن جميع المواضيع السابقه للجعير

من زمان ما قابلت طير وروضته وقلت خلني اشتري كاسكو واسترجع الذكريات

شريط كاسكو هولندي بس فيه عيب وان شالله ينفع معاه وحده الطرق

الي حاطهم في بالي

الطير يجعر بسبب مثل ما راح اذكر بالسبب رقم 2

الخوف انواع لدي الكاسكو

1- الكاسكو المصيود يخاف من البشر ويجعر وهذا شي طبيعي

2- الكاسكو يجعر بسبب حادث حصل مثل ما حدث مع طيري الجديد

( سقوط القفص والكاسكو داخله وطبعا القفص متكسر ) والحوادث كثيره

هذا التحدي الي انا تحديت روحي فيه اني ارجع الطير مثل اول واحسن ان شاء الله

قولوا امين
الطرق المرسومه لوقف الجعير

1- دايم انا اقول اكرام الضيف واجب
يعني راح اخلي كم يوم معزز مكرم وبعدها اجرب طريقه اخوي سكر والطريقه مجربه ونتائجها ممتازه

2- اخلي الطير علي الاستاند كم يوم لما يهداء وابدا معاه الترويض (( هو يهداء من روحه وياكل من اليد ويخليني امسح عليه مثل طريقه اختي ام ماجد ))

3- اغطي الطير من 3 ايام الي 5 ايام ما يشوف شي بس احط له الاكل والماء وبعدها ابداء الترويض عن طريق التجويع (( ما افضل الطريقه هذي ))

والي عنده طريقه يضيفها بالموضوع اكون له شاكر انا ابي مشاركاتكم

بموضوع الجعير

[طووط]

مشكور على الموضوع

[ام ماجد]

اول شي مبروووووووك الطير الله يبارك لك فيه الكاسكو احلى شي يهبل

وثانيا كسر خاطري مسكين الله يرحم ضعفه
مب صعب عليك يااخوي يوفاوي انا متأكده بتروضه باسبوع

انا ماعندي طرق للترويض لكن ابتعد عن طرق التعذيب اللي هي التجويع والغصب وحتى الطريقه الاخيره اللي هي تغطيته احس تحرمه من ابسط حقوقه اللي هي النور

اعتبره طفل وشوف الشي اللي يخلي الطفل يحبك ؟؟
(الاكل اللي يحبه .. الهديه .. الدلع .. الحنان .. لو يغلط ماتصرخ عليه ولا تعاقبه)
هذي الاشياء تخلي الطفل يحبك اكيد

والطير طفل


وبالتوفيق اخوي وان شاء الله نسمع اخبار حلوه عنه

[يوفاوي الكويت]

المشاركة الأصلية كتبت بواسطة طووط

مشكور على الموضوع

العفو ولو اخوي يشرفني مروك

[قالا قولو]

هلا اخوي يوفاوي

مثل ماقالت لك اختي ام ماجد

لكن انت ودك تبعد الجعير في وقت قصير فقط ؟

الجعير = ردة فعل الطير للدفاع عن نفسه << يعني الطير خايف

لازم اول شي يرتاح الطير معاك ويولف

طيب اذا ولفته وباقي الجعير موجود

احاول اخليه مثلآ على يدي وين ماكنت فالبيت وانا بالحوش وانا بالمجلس

يعني يختلط مع الناس عشان يطمن وهو معاك

هذي طريقه مجربه معاي

.. واي خدمه اخوي حاضر ..

[يوفاوي الكويت]

المشاركة الأصلية كتبت بواسطة ام ماجد

اول شي مبروووووووك الطير الله يبارك لك فيه الكاسكو احلى شي يهبل

وثانيا كسر خاطري مسكين الله يرحم ضعفه
مب صعب عليك يااخوي يوفاوي انا متأكده بتروضه باسبوع

انا ماعندي طرق للترويض لكن ابتعد عن طرق التعذيب اللي هي التجويع والغصب وحتى الطريقه الاخيره اللي هي تغطيته احس تحرمه من ابسط حقوقه اللي هي النور

اعتبره طفل وشوف الشي اللي يخلي الطفل يحبك ؟؟
(الاكل اللي يحبه .. الهديه .. الدلع .. الحنان .. لو يغلط ماتصرخ عليه ولا تعاقبه)
هذي الاشياء تخلي الطفل يحبك اكيد

والطير طفل


وبالتوفيق اخوي وان شاء الله نسمع اخبار حلوه عنه

الله يبارك فيج يارب

بس الدبل يلو هد للحين موجود

انا كسر خاطري لما سمعت قصه الطير وقلت ابي اتحدا روحي

انا قلت طريتقج بالترويض انج تدلعين الطير مثل ما حصل مع طيرج

الطير للحين ضيف ما قربت له كلش بعد يومين راح ابدي معاه طريقه اخوي سكر

[ابو محمــد]

ابو مشعل مسيك بالخير عمي ان شاء الله بخير

اولا اسمح لي اقول لك الترويض السريع ما ينفع مع الكاسكو

اللي ما تعرض للخوف والشيل والحط كيف اذا طير طايح من قفص

والخوف مصيطر علية والثقة معدومة وبصراحة هذه تحدي اعتبره قاسي لهذا

الطائر الضعيف الذي لا يملك الدفاع عن نفسة الا عن طريق التجعير والعض

ابو مشعل اسمع مني واترك الكاسكو شهر كامل معزز وفي مكان مرتفع لتغييير الجو

وبعدها انا متاكد بدون تجويع وبدون ترويض بيكسب الثقة شوي وبيتعود عليك وعلى البيت

واللي ما يخلص اليوم يخلص بعد شهر هذا اذا كنت ناوي تقتني الطائر

وانا متاكد انك راح يتاقلم معك قبل الشهر وراح تشوف ايجابياته

وتغيره معك خاصة ان معك الدبل يلو هيد

راح يساعد كثييير في الترويض

اخوك/ ابو محمــــد

[fawzi]

اخوي افضل طريقه لترويض الافريقي هي تركه لمده شهر او اكثر كي يتعود على الوضع الي هو فيه الموضوع يحتاج صبر ولازم يكون التعامل معاه بكل هدوء ومعروف عن الافريقي انه بغبغاء حساس وخواف في نفس الوقت وانا مع الاخ ابو محمد

[يوفاوي الكويت]

المشاركة الأصلية كتبت بواسطة قالا قولو

هلا اخوي يوفاوي

مثل ماقالت لك اختي ام ماجد

لكن انت ودك تبعد الجعير في وقت قصير فقط ؟

الجعير = ردة فعل الطير للدفاع عن نفسه << يعني الطير خايف

لازم اول شي يرتاح الطير معاك ويولف

طيب اذا ولفته وباقي الجعير موجود

احاول اخليه مثلآ على يدي وين ماكنت فالبيت وانا بالحوش وانا بالمجلس

يعني يختلط مع الناس عشان يطمن وهو معاك

هذي طريقه مجربه معاي

.. واي خدمه اخوي حاضر ..

اشكرك علي المروو اخوي الكريم وبصراحه انا كان ودي ارد عليك بنفس الوقت بس

الاداره ما تسمح انك ترد علي الموضوع مرتين ورا بعض

هذا يمكن 8 طير اشتريه وعندي الخبره الكافيه للترويض والتعامل مع الطيور

بس انا اخذت هالطير بالذات للتحدي مع روحي ان اقدر اتعامل من الطير

بالظروف هذي انه خايف بسبب سقوط القفص

الطير صار له ثلاث ايام عندي والخوف مسيطر عليه بس قعدت مع الطير

وصرت اعطيه الفول السوداني من ايدي وحطيته بقفص كبير وفيه العاب

وان شالله راح تروح الجعره عنه باقرب وقت

[جااكو]

انا افضل انك تصبر اشوي عليه

يتعود على المكان وعليك

وان شاءالله خير

الصبرر اهم شي
وربي يوفقك

الف شكر لك...