سؤال ثاني لاهل البحرين واهل الخبره :)

[M a Y e D]

السلام عليكم ورحمة الله وبركاته

شباب وانا اتجول بين محلات الطيور ما شاء الله لقيت ببغاوات مش موجوده عندنا في الامارات وما شاء الله الاسعال رخيصه مب مثل اسعارنا ... يعني

سعر فرخ الكاسكو في البحرين 1400 درهم (140 دينار) وفي الامارات 3000 او 2500 درهم

وسعر الامازون في البحرين يبدا 3500 درهم (350 دينار) وعندنا يوصل 10000 درهم،

وطبعا الدره الصفرا والزرقاء والرصاصيه نادره عدنا واسعارها نار بس هني موجوده والزوج بـ 80 دينار يعني 800 درهم يعني يا بلاش

صرت افتر على المحلات واطالع بس يعني على قولة المثل " شوف وحراق يوف "

شباب بغيت اشتري كم طير من البحرين بس مب عارف كيف اوصلهم للامارات لاني ياي بالطياره ... حد عنده طريقة لتوصيل الطير للامارات تكفون خبروني

[كاسكوكيه]

و عليكم السلام و الرحمه
أخوي انا من الإمارات.. و اشتريت ببغاء أفريقي فرخ عمره 5 شهور من شهر بس بـ 1500 ما عرف انته من وين استمته في الامارات بس هذا السعر الي انا خضته به..
و غيري بعد .. ^^
بس لو حطيت عينك على شي من طيور البحرين.. ترا خليجنا واحد
و لا تخليه يكون شوف و حراق يوف

موفق خير و ترجع بالسلامه

[M a Y e D]

هلا اختي كاسكوكيه

الطير اللي عندج عليه حلق ؟؟؟

لان اختي اسعار الكاسكو اللي عليه حلق ويكون صغير على 2500 او 3000 درهم وروحي السوق وسالي ، صح بتلقين اللي ما عليهم حلق ينباعون في سوق الشارجه على 1500 بس مب جامبو .

وصح كلامج ان خليجنا واحد وشعبنا واحد يعيش يعيش .... احم اندمجت مع الاغنيه

بس المشكله ان الامارات مسويه حضر على استيراد الطيور من برع.

وبصراحه تعالي شوفي الطيور هني في البحرين كيف تينن، بتقولين اي سوق شارجه واي سوق بوظبي.

[كاسكوكيه]

^^

صح طيري مش محيّل.. و تراه مستورد وصل من المطار ع طول استلمه اخوي

و هوه جامبو.. و عمره 5 شهور و بـ 1500

و هاي صورته

http://www.2zoo.com/vb/showthread.php?t=78353

المشكله اخوي ما طاع يقول اسم ربيعه وهو الريال اللي مسوي مزرعه و يستورد ..

سمعتهم يمدحون مزرعة بن غليطه.. تقدر تشيك عندهم بعد

[طير حر]

الاجابه في كلمة وحده

تهريب

[كاسكوكيه]

=$


الله أعلم!!

[M a Y e D]

المشاركة الأصلية كتبت بواسطة كاسكوكيه

^^

صح طيري مش محيّل.. و تراه مستورد وصل من المطار ع طول استلمه اخوي

و هوه جامبو.. و عمره 5 شهور و بـ 1500

و هاي صورته

http://www.2zoo.com/vb/showthread.php?t=78353

المشكله اخوي ما طاع يقول اسم ربيعه وهو الريال اللي مسوي مزرعه و يستورد ..

سمعتهم يمدحون مزرعة بن غليطه.. تقدر تشيك عندهم بعد

هلا اختي كاسكوكيه

ما شاء الله ما شاء الله على طيرج وايد حلو تف تف تف عن احسده

الظاهر الموضوع داخله في الواسطه مدام انه اخوج مب راضي يقول اسم ربيعه.

واذا تقدرين تقنعينه انا ابا اثنين والدفع كاش.

وبالنسبه لابن غليطه انا كلمته في رمضان وقال ما عنده حاليا وبعدين هو يبيعهم على 3500 درهم للفرخ.

حاولي في اخوج ولج مني الحلاوه قصدي الدلاله

[M a Y e D]

المشاركة الأصلية كتبت بواسطة طير حر

الاجابه في كلمة وحده

تهريب

اخوي طير حر ادري انه ماشي غير تهريب بس كيف وانا ياي بطياره

الا يوجد سليوشن (حل) ثاني

[كاسكوكيه]

بس على فكره طير حر

انته شككتني و خليتني ادور القفص اللي واصل من الطياره ع طول و فيه الطيور.. موجودع عليه ختم و ملصقات و سالفه =$

كيف بعد تهريب لو جيه السالفه؟؟؟

[طير حر]

ما لك الا تجي خط !