مشكلة في الكاسكو

[نـــوّيــــر]

السلام عليكم ..

شلونكم ، شخباركم ؟

انا عندي كاسكو عمره تقريبا 5 أشهر ، ومن اسبوع تقريبا شاريه ، أليف يركب على إيدي وياكل من إيدي وكل شي تمام ، إلاّ انا حاس إن في مشكلتين :

الأولى / ماياكل إلاّ الحب الشمسي ( دوار الشمس ) ، معني حاطله أكثر من نوع من الحبوب ، وقبل شوي بعطيه برتقال بس يرفض ماياكلها .

الثانيه / إني اليوم حاطه يمي وقاعد أوكله من إيدي وكل شي تمام ، المهم طلعت وحطيته بالقفص وبعد 3 ساعات تقريبا رديت ، يوم سمع صوتي قام يصفر بطريقة مزعجه وعاليه جدا ، طلعته من القفص وعطيته الأكل ( الحبوب ) المهم قام ياكل مثل ما الجوعان اللي صارله سنه ما أكل ، ياكل بسرعه وبشراهه ، قلت خل أوكله من إيدي ، كل مااعطيه حب شمسي ياكلها بسرعه ويجيني يبي زوود .... المهم عقب هالقصه ( أدري طولت عليكم وغثيتكم بس تحملوني ، هل هذه مشكله ولاّ بس إني خايف وأول مره أشتري كاسكو

وشكرا على كل حال

[أبو ريـــــــــــــان]

ماشاءالله أخوي طيرك زي العسل ويحبك ولا تخاف علية ومسألت التنويع بالأكل هذي راح يقبلها مع الأيام

[مزون]

أولا ناحية الفواكة الرطبه ماياكلها كثير يعني حبة عنب بالاسبوع دافيه مو من الثلاجه عطول يزكم

لكن ان كان شره باكل الحب وهزيييييييييييييييييييييييييييييييييييييل يباله فحص احتمال يكون به دود

لازم يكون سمين من كثر الحببببببببببببببببببببببب ؟؟ هو كيف؟؟؟؟؟؟؟؟؟؟؟؟ وده ليفحصونه افضلك لكن مو اي حد حتى مايخسروك اياه

[المري1]

نوير بيفيدك كثير هالرابط

http://www.2zoo.com/vb/showthread.php?t=78893

[زيزو10]

هلا اخوي العزيز بنسبه لي الاكل لا زم تشيل عنه حب تباع الشمس وتضع امامه الاكل اللي تريد ان ياكله من دون تباع الشمس مثل الذره الصفراء والتفاح والخس عندما يجوع ياكله غصب بعدين يتعود مع الوقت وبنسبه لي الاكل بشراسه انا اشوفها عاديه ملم تتكرر مرار والله ولي التوفيق

[طير حر]

طيري حاولت انوع له بالاكل والحين الحمد لله في تقدم بسيط
بس
ياخي لو تجوفه اليوم تيود بطنك من الضحك ,, حاطين الغدا حق واحد من الاهل
الا اسمعه يووودوه شيلوووه عني ذي انا مادري ان الطير رايح له وهو يتغدي هههههههه
وهو يبي يبعد الطير والطير معاند يبي يجوف شنو الغدا اخر شي الريال استسلم وخلاه يقرب للصحن
اثرى الطير قاعد يراقبه وهو ياكل فعرف انه اكل وبس ما جذب خبر قعد ياكل مجبوس لحم هههههههههههه
يقولي مو مشكله اخليه ياكل قلتله عادي وعقب ما خلص يبت له ماي للسفره عشان يشرب هههههه

المهم
-طير الكاسكو بطبعه وايد فضولي ويحب يستكشف الي حواليه-
واذا حبيت تنوع له اكل جدامه وخله يراقب واكيد انه بياكل خخخ

تمنياتي لك بالتوفيق

[نـــوّيــــر]

لكم مني جزيل الشكر على التفاعل الطيب .. والسموحه عالتأخير ..

الحمدلله الطير بتحسن الحين .. وكلته عنب وأناناس .. ومع الأيام إن شاء الله بسويله مندي لحم وعالعشا بحطله مشاوي

وبالأخير شكرا لكم ..