استشارة في ترويض

[malit]

اشتريت ببغاء أمازوني بلوفرونت صغير بالعمر تقريباً من 3 الى 4 شهور مع أنه صغير لكن عليه عضه قوية ومحتاج من ذوي الخبر في هذا النوع من الببغوات كيفية ترويضه وتعليمه الطلوع على اليد

علماً أن الببغاء توه بادي ياكل لوحده وينقر بالإبرة وجبتين

http://uploadingit.com/view/full/1080766_prrye

[سكر]

يا أهلا في malit وألف مبروك الأمازوني البلو

وأفضل ما اخترت ربي يبارك لك فيه

انا عندي مثل اللي عندك,,, وأخذته بنفس عمر اللي عندك يا قمر, وكان ما ياكل لوحده نهائياً.

هذا الكلام قبل شهر تقريباً,, وكان يعض وعضته شوي قوية.

الحين الحمد لله لا يعض ولا شي,,,

كل مافي الموضوع انك تحاول تمسك منقاره من فوق الخشم باصبعين, كأنك تمسح خشمه,,,

وتركز على تأكيله بالابرة بالطريقة التالية: تخليه في الأرض في مكان بعيد شوي ’’’ آخر الغرفة.

وانت تروح للطرف الثاني وتناديه وتوريه الابره عشان يجي.

وترفع صوتك بقوة (كأنك في حراج),,, حتى يجي من الحماس والجوع ,,, وحط يدك الثانية في الأرض وانت جالس قدامه,, والابرة في الجهة الثانية من يدك, عشان ما يبقى له طريق للإبرة الا بالطلوع على يدك الثانية.

أما العض خليه يعضك ولا تسحب يدك,, وكل ما قواها انهره شوي,, وفي كل الأحوال مع زود الألفة والمحبة بينكم بيبطل يعض لانه ذكي ويفهم ان العض يعورك.


تحياتي لك يا قمر