ابى اسوي مشروع صغير عن الدجاج البلدي

[عاشق الانكوندا]

السلام عليكم

انا باذن الله بسوي مشروع عن الدجاج البلدي مشروع صغير

وعندي كم سؤال

1-كم سعر الدجاج البلدي

2-كم سعر الديك البلدي

3-كم بيضة تبيض الدجاجة وهل تبيض بشكل يومي

4-كم ياخذ البيض حتى يفقس

وشكرا مقدما

ادعولي بالتوفيق في مشروعي

[ﮭاﯠﯥ ﻄﺒﻴﻊﯥ]

و عليكم السلام ورحمة الله

الله يوفقك وأن شاء الله تصير من كبار التجار

هذي الأسعار في سوق الحمام في الرياض

الدجاجة من 30 الى 40 ريال لو تأخذ عمر البشاير أفضل شي

الديك من 25 الى 35 ريال خذ لك واحد المهماز حقه صغير

و فيه أسعار أغلى من كذا ,فيه ديوك بلديه يتعدى سعرها الـ 100 ريال

الدجاجة تبيض كل يوم بيضه لكن قد يختلف من دجاجة الى دجاجة

الفترة لفقس البيض 21 يوم لكن قد تزيد أو تنقص

لا تتوقع أفضل النتائج في بداية المشروع

و أهم شي تكون حظيرة الدجاج مناسبة و مريحة نفسيا لهم وركز على نفسيا

الله ييسر أمرك و يوفقك في مشاريعك

[mustaf]

مثل ما قال الاخ ولكن انا عندي الدجاجة تبيض كل يوم بعد يوم مو كل يوم

[عاشق الانكوندا]

مشكورين كثر الله خيركم وجزاكم الله كل خير

[مصيري]

طيب ممكن سؤال ><><> دخلت عرض

كم مساحه تكفي ديك ودجاجه

وانا عندي محكر هل يكفي

مساحته
45 ........50

[abo abdulaziz]

اخوي انا اقريب بسوي مشروع انشالله

ج1-والله انا اشتري بـ 25 بشاير و احيانا بعمر 2 شهر او 3 شهور 15 ريال
ج2-الديك من 20 الى 25
ج3-انا عندي الاغلبيه يبيضون يوميا لدرجة وحده عمرها 4 سنين مدري 5 خمس وللحين تبيض كل يوم او كل يومين
ج4-22 او 21

[الخبراء]

المشاركة الأصلية كتبت بواسطة عاشق الانكوندا

[COLOR="RoyalBlue"

1-كم سعر الدجاج البلدي

يختلف لكن من 15 ريال الى 25 ريال
15 ريال يكون منتف بس بياض ( وانت تبيه مشروع يعني اهم شي عندك البياض ولا عليك من الشكل )

2-كم سعر الديك البلدي

يحسب حسبه الدجاجه اذا اخذتهم جمله

3-كم بيضة تبيض الدجاجة وهل تبيض بشكل يومي

يفرق و احسب حسبك يوم وراى يوم

4-كم ياخذ البيض حتى يفقس

18 يوم و 7 ايام بعد ما يفقس اذا تبي تبيع صوص


[/COLOR]

عندي نقطتين ابي اضيفه
1 - الاكل بحكم ان الاسعار با ارتفاع مستمر
2 - التصريف وهو اهم شي با المشروع لزم تعرف احد ياخذ منك الانتاج على طول لا تتوهق مثلي و تبلشلك با اعداد كبيره ولا تلاقاء احد يشتريهم

[سميح]

بخصوص عدد البيض بما انه دجاج بلدي انتاجه يكون بين 150 الى170 بيضة بالسنة اما اذا كان اجنبي فقد يصل الى 260 بيضة بالسنة ومنها اللينج هورن الابيض والاسود والدقي والبليموث روك والسايكس وهناك انواع اخرى لا يسعني ذكرها اما بخصوص السعر اتمنى من الاخوان افادتك

[مملكة الدواجن]

اخوي والله انا ساكنفي محافظة ينبع منطقة المدينه سعر الدجاجه في محلات الطيور 25 وسعر الديك 30


وفي سوق الجمعه سعر الدجاجه 10 وانت طالع وسعر الديك 10 وانت طالع الدجاج يبيض يوميا وان شاء الله تتوفق في مشروعك

[MR.MAJED]

الله يوفقك .. لكن كيف راح يكون مشروعك ؟

هل بتبيع البيض ؟ , ولا بنتظره إلى ان يفقس ؟

إذا كنت بتنتظره إلى ان يفقس فما اتوقع ان المشروع ناجح لان الدجاجه على حد علمي ما ترجن على البيض الا مره أو مرتين في السنة !

لكن فيه فقاسة يوضع فيها البيض حتى يفقس لكن سعرها يكون غالي نوعاً ما .

بالتوفيق . .