السلام عليكم في عندي سؤال لخبراء الجيرمن شبرد فقط الخبراء رجائا بخصوص سن اليأس !!!

[rakon]

السلام عليكم مابي أطول عليكم بس انا في عندي سؤال عن الجيرمن شبرد وأرجوا الجواب من الجادين والمتأكدين فقط لأنه الموضوع في غاااايه الأهميه يعني لمايعرف عادي يقول لا أعلم فأنها تنقذ الموقف.

انا في عندي كلب عمره خمس سنوات وأنثى عمرها سنتين تقريبا
هل الكلب الذكر قادر على التزاوج والأنجاب في هذا العمر ؟؟؟ خمس سنوات !!!؟؟؟

وهل من الممكن تزاوجهم مع فارق العمر بينهم ؟؟؟!!!


ولو كان الجواب على الذكر أنه قادر على الزواج فهل يجب أن أخذه للطبيب البيطري قبل أي شيء

أرجوكم أعطوني جميع النصائح بنسبه للعمر لأنه بزوج كلبي وأخيرا

مع العلم أن كلبي الذكر الى الأن يشتهي الأناث ويركبها ولكن لا أعلم لو كنت أقصد التزاوج هل هو قادر على الانجاب؟؟؟
حتى أي عمر هو قادر على الأنجاب يعني متى يكون سن اليأس عند الذكور والإناث ؟؟؟؟


وكيف أجعل الكلب الذي نساني يعني لم يعد يذكرني ان يتذكرني و شلون اخلي الكلب يتعلق فيني ويحبني بسرعه فائقه

[BHR]

سلام عليكم
في عمر الخمس سنوات الكلب عادي ينجب بس يمكن جلبك ماينتج فيه عقم ولا مخصي
ف يعني لا تقول كل جلب عمره 5 سنوت ماينجب
وهل شغله تختلف من كلب لاخر نفس البني ادم
في جلاب 8 سنوات ماينجبون وفي جلاب ينجبون

ومايحتاي توديه عند البيطري ولا شي

جلبك نساك جم كان عمره وماهيه الفتره الي كنت وياها لو الجلب ربيته من صغرته وصار عمره سنتين وغبت عنه كم شهر وبترجع بيذكر ف ارجوا انك تحدد عمره كم كان وكم المده الي ربيته فيها وكم المده الي ماجافك فيها

وشلون تخليه يحبك عطه اشياء يحبها لعبه .......

[boobee]

ج 1 : نعم الذكر قادر على الانجاب بهذا العمر ولكن يجب قبل التركيب بفتره تخليه يمشي باليوم اقل شي ربع ساعه
ج 2: لايهم فارق العمر بينهم
ج 3:لا توديه عند البيطري ما يحتاج بس مثل ما قتلك حاول تمشيه كل يوم ربع ساعه
ج 4:اي قادر على الانتاج وما في عمر معين بس للاناث تقل انتاجهم يعني عند صاحبي كلبه
عمرها 8 سنوات انجبت بس 2

[rakon]

أخوي الكلب عمره الحين 3 سنوات ونص وانا ربيته من ال 3 سنوات وغبت عنه فتره شهر فقط مع العلم أنه قبل الشهر كان يحبني عادي أما الحين كنت امشيه وفجئه هجم علي وصار يبي يعضني بطريقه شرسه جدا يعني انا لو تاخرت بتصرف كان عضني بركبتي وسوالي سوالف بس الله ستر

[الكلاسيكي]

المشاركة الأصلية كتبت بواسطة boobee

ج 1 : نعم الذكر قادر على الانجاب بهذا العمر ولكن يجب قبل التركيب بفتره تخليه يمشي باليوم اقل شي ربع ساعه
ج 2: لايهم فارق العمر بينهم
ج 3:لا توديه عند البيطري ما يحتاج بس مثل ما قتلك حاول تمشيه كل يوم ربع ساعه
ج 4:اي قادر على الانتاج وما في عمر معين بس للاناث تقل انتاجهم يعني عند صاحبي كلبه
عمرها 8 سنوات انجبت بس 2

كـلام سليـم
واهم شي المشي لأنه مفيد له وبعطيه طاقـه حلوه
لس اخـوي لا تمشـي الكلب وبعدين تجيبه تبي يركب لان بيكون تعبان خل وقت فارق
بينهم عشان الكلب يستعيد طاقته وبعدين اذا تعب وقت التركيب وتعبك معه لا تخليه يحاول واجد كل
شوي وخره لمدهة دقيقه ونص ولا اثنين وقبل ماترده للنثية خله يلف لفه صغيره وبعدين يبه
للنثية عشان يكون مركز اكثر عليها وانت بتفهم بعدين قصدي ،،،

[BHR]

مش معقوله ربيته لمدة 3 سنوات وغبت عنه لمده شهر
ورجعت له ويبي يعضك؟؟
اتوقع حتى لو واحد دربه على الحراسه لمدة شهر ودشيت له ماراح يعضك
واتمنى يفيدونك الاعضاء

[rakon]

b h r


يا خوي لو سمحت ركز معاي أقولك انا شريته 3 سنوات وبريته لغايه ال3 ونص يعني قعدت معاه نص سنه يعني تقريبا 6 شهور يا خوي أنتا تأقرأ غلط وتي تشكك بكلامي

[BHR]

سوري اخوي
6شهور كان عند مدرب يدربه على الشراسه ولا حاطه عند واحد لانه
دامه كان عندك ومايعضك عادي
حاول تاكله وان شاءالله بيصير معاك اوكي
و اهم شي لا تخاف منه

[rakon]

لا عادي أخوي وحبيب أنتا :

بس انا ماكنت حاطه عند أحد انا كنت أخلي عمي يعطي أكل كل يوم بس

صار اخر أيام أعطي الأكل انا وحاول بيوم يهجم علي مع العلم أنه نطر وانا قاعد أمشي معاه

مكان مافي ناس وهدء وبدون لا ينبح ولا شي حاول يعض ريلي من تحت وبعدين حاول أنه

يعض ركبتي وانا أكون جذاب لو قتلك ما اخاف منه الحين لأنه أهو من النوع لو سكر حلجه على شي

خلاص والله ما يبطله والكلب مو مترب على على الشراسه ولا على الهجوم ولا طاعه ولا شي كل شي بروحه و عيزت معاه لأنه كل يوم كل ما اروح أحطله أكل يستنفر علي انا بذات !!!!!!!!!!!!

وهل برأيك لو انا دربته على أوامر الطاعه بتنحل هذي العقده لأنه انا بدربه طاعه ولو صار معاي اوكي

بدربه هجوم وهل للتزاوج أمر فلموضوع يعني ممكن يكون عشان يبي يتزوج مادري ؟؟؟؟؟؟؟

[BHR]

اهم شي لا تخاف منه ترى لازم تنعض لين تبي تربي جلاب
وانت تجوف العضه مشكله بس لين انعضيت بتجوف هل شي عادي
انا مب مدرب ولا احب ادرب الاجلاب بس رايي انه من ينخر عليك ولا يحاول يعضك طقه
ترى لو جلبك وانت مهتم فيه حتى لو اطقه ما راح يخاف منك يعني من ترفع يدك ماراح ينزل راسه
والتزاوج ماله خص ودربه والله يوفقك
ومعلومه اي جلب يعض وشرس خله عندك فل بيت واكله كل يوم وماراح يعضك بعد فتره سبوع او اكثر على حسب الجلب
وبعدين طلعه ماراح يعضك ولا شي بس خل شي عندك احتياط
(الجلب مايعض اليد الي تاكله)

وانت فل كويت والحمدالله الخليج ماعندنا مرض السعار يعني لا تخاف من شي لين عضاك
بس يعطونك الابره احتياط