اريد الحل او النصيحه..

[Love kasko]

السلام عليكم ورحمة الله وبركاته

شحالكم؟؟وشخباركم.؟؟ ان شاء الله الكل بخير وسهاله

سؤالي اليوم يتبع هالموضوع واللي ما قراء الموضوع يقدر يدخل على هالرابط


http://www.2zoo.com/vb/showthread.php?t=276000

المهم يا الغالين لولو باضت تاريخ 30 -6-2012 مثل ما قلت في الموضوع اللى طاف

المهم انا رحت في اليوم الثاني وجبت لها عش ونقلة البيضه وكان العش مغطي من فوق انا اليوم بما انه الجو حاااااااااااااار موت ورطوبه قلت خلني افتح العش من فوق منها اشوف الحلوه اللى اشتقت لها لانه ما تطلع من العش وبالمره اشوف البيض تفاجاة انه ما في غير بيضه وحده اللى كانت من قبل قلت ما عليه يمكن هي بس تنتج بيضه ورجعته ونظفت القفص ورجعت كل شي مثل ما كان بس العش تم مفتوح وهي الطير لحظة انها ثقيله مو مثل قبل مسكتها وشوف شو شفت





هل هذا طبيعي ولا باقي فيها بيض ومب قادره تطلعه ولا شو بالضبط؟؟ تنصحوني اعالجها بروحي طبعا بعد ما تعطوني العلاج ولا اوديها على البيطري؟؟

ومن قبل شوي كنت رايحه اريد اصور لكم العش لقيت البيضه مكسوره شوفوا والله اني صحت مع انها كانت نايمه عليها الظهر شو اسوي لها خبروني؟؟





في انتظاركم

ودي وشكر واحترامي للجميع

اختكم

قمر

[مـحـمـاس الـمـنـحـاس]

اختي قمر

اتمنى تكونين بأتم الصحه والعافيه

ومعوضه خير ان شاء الله بدال البيضه اللي انكسرت

اختي بالنسبه للصوره الاولى
الصوره غير واضحه اذا استطعتي تصورينها صوره اقرب واوضح يكون افضل

مع اني اكاد اجزم انه احتباس بيض ويحتاج الى تدخل سريع ومساعده
ولكن لو تجيبي صوره اوضح عشان نتأكد

وكمان المسي بيدك برفق المكان المنتفخ هل تحسينه قاسي او لا

واحتباس البيض يصاحبه اعراض ثانيه منها خمول شديد للطير وضعف

هل الانثى تحسينها خامله وضعفانه

بعد ما تحضرين الصوره اللي طلبتها وتجاوبين اسألتي ان شاء الله نعرف السبب ونعطيك الحل

والشيء الثاني
سبب كسر البيضه ممكن بسبب تطفلك على العش ويمكن بسبب تعب الانثى ماعاد تركز وكسرت البيضه
من غير قصد

مع ان العش اللي فيه البيضه غير مناسب ابدااااااا والخيوط اللي تحت البيضه ايضااا

تفضلي هالرابط لموضوعي الموجود في القسم
راح يفيدج عن العش المناسب والاساليب المهمه وغيرها

http://www.2zoo.com/vb/showthread.php?t=259533

[ذكريات بادجي]

الاخ محماس ما قصر

بس اضيف انوا وديها بيطري احسن لك

عشــان هذي امانه برقبتنا عشان لو طلع عندها احتباس يساعدهـ ـا

[مـحـمـاس الـمـنـحـاس]

المشاركة الأصلية كتبت بواسطة ذكريات بادجي

الاخ محماس ما قصر

بس اضيف انوا وديها بيطري احسن لك

عشــان هذي امانه برقبتنا عشان لو طلع عندها احتباس يساعدهـ ـا

حل الاحتباس سهل ان شاء الله

لكن انا في انتظار الصور والاجابات عشان نتأكد من الموضوع واعلم الاخت الخطوات باالتفصيل

[Love kasko]

الحمدالله على كل حال يا اخوي محماس انت شحالك ان شاء الله وما تملك باحسن حال..

وآمين يارب ويعوض كل من فقد شي غالي خير..

بالنسبه لطير اللى اهي لولو احسها متغيره بس مو خامله تتحرك بس حركتها مش مثل قبل وعلى فكره صايره عدوانيه وتعض ما كنت كذا وصح اهي ضعفانه ما كنت كذا

وهذي الصوره وما قدرت اصور اوضح تتحرك بسرعه لما حد يجي عندها وحاولت امسكها يا دوب لمست المنطقه وعضتني عضت كفر وطارت



وبالنسبه للمنطقه مو قاسيه تحسها كانوا ماي محبوس زي البلونه لما يكون فيها ماي

وصح كلامك يا اخوي بس انا ما كنت حاطه في بالي انهم للانتاج مجرد طيور زينه ومن بكره ان شاء الله اغير القفص واجيب بياضه زي اللى في الموضوع اللى حطيته بس هل بتنفعهم في هالوقت

وشاكره لك ردك وجهدك يا اخوي ويعطيك العافيه وعساك على القوه

[Love kasko]

مشكور يا اخوي ذكريات بادجي على تواجدك والله بديت اخاف عليها موت انا ما همني تجيب بيض ولا تنتج بس صار المقدر والمكتوب الحمدالله اهي عندي اهم من اي شي هالطير بذات غير عن كل اللى عندي لو جاها شي بستخف

[Love kasko]

ومشكور على اهتمامك يا اخوي محماس واسمحلي على التاخير انشغلت شوي

[مـحـمـاس الـمـنـحـاس]

اختي قمر

طيور الحب بالعاده عند وضع البيض تحط يوم بيضه واليوم اللي بعده ماتحط وثالث يوم تحط البيضه الثانيه
يعني بين كل بيضه والثانيه تريح يوم

واللي مريحني بعض الشيء من ناحيه طيورك انها وضعت اول بيضه قبل اسبوع تقريبا

وعاده احتباس البيضه مايطول مع الطيور اكثر من ثلاث ايام

يعني بالعربي اذا احتبست البيضه في انثى طيور الحب صعب جدا تكمل ثلاث ايام بدون حل او موت الطير

وطيورك لها تقريببا اسبوع وهذا يخليني استبعد موضوع الاحتباس بعض الشيء

خصوصا ان الطير نشيط شوي ومو خامل كلياا

ولأنك تقولي الانتفاخ مو قاسي كمان هذا يخليني استبعد الاحتباس

ربما يكون معها امساك لأنو معروف الطيور لما تحضن بيضها تحبس فضلاتها الى ان تغادر العش

ومن الطبيعي جداا ان يحصل الامساك

من وجهت نظري انا انصحك تعطين الطيور اليوم قطعه خيار او قطعه تفاح

وتتابعين الوضع من اليوم الى بكره ان شاء الله يكون الوضع بكره افضل

وانصحك تشيلي عنها العش حالااا عشان ترتاح ولا تروح تدور البيضه في العش

وضروووري تتابعين الانثى بأهتمام واي تغير تحسينه منها تبلغينا اول بأول

اهم شي الان ان لولو تتعلق في القفص وتوقف على المجثم وتتحرك بصوره طبيعيه والحمد لله

لأنو لو كان احتباس وله اكثر من يوم كان المفروض انها طايحه في ارضيه القفص وقواها خايره مره وحركتها قليله


اتمنى اكون افدتك ولو ببعض الشيء

واحرصي اختي الغاليه على رابط الموضوع اللي اعطيتك وطبقيه بحذافيره وراح يعوضك ربي ان شاء الله بالانتاج القادم

[Love kasko]

ان شاء الله يا اخوي والله ريحتني .. وانا اليوم كان وجبة الموز لكل طيور بس للاسف ما كلت منه ولا جت صوبه كلت بس حب والحين اروح اشل العش واحط لها تفاح وانتظر وش يصير عندها وانا متابعتنها اول باول ومن بكره اغير القفص والبياضه وكل شي لها

ومشكور ما قصرت يا اخوي واي تغير او اي شي اجي هنا واكتبه لك يعطيك العافيه وعساك على القوه..

[Love kasko]

ابشرك يا اخوي محماس باركلي

طلعت العش وكنت بحطه برع قال اخوي بفتش فيه يمكن يكون في شي تحت وطلعت بيضه آخر شي تحت بالمره رجعت العش وخليتهم انت شو تنصحني اسوي في هالحاله؟؟