شو الحل لولو باضت في علبة الحب؟؟

[Love kasko]

السلام عليكم ورحمة الله وبركاته

شحالكم ان شاء الله الكل بخير

انا عندي زوج لف بيرد بس ما توقعت انهم ينتجون انا جابتنهم للزينه فقط وكل يوم انضف القفص واحط لهم الاكل وبعض الاحيان كنت اطلعهم برع القفص ويرجعون ومن كم يوم كنت مشغوله حييييييييييييييل عنهم المهم اليوم وانا راجعه من برع قلت حرام بطلعهم برع شوي وبروح اسبحهم يعني اروشهم تفاجات انه لولو جابت بيضه بس ما عندها عش لقيتها حاطه البيضه مكان الحب وقاعده عليها ولما جيت صوبها جي الذكر وقعد على الانثى عشان ما اشوف البيضه بس فتحت باب القفص عرفت السبب وسكرت القفص وجيت اخبرك

وهذي صورتها



شو الحل؟؟ اجيب قفص واشل البيضه واحطها في العش لا اخليها على حالها؟؟

انتظر ردكم

ولكم جزيل الشكر

اختكم

قمر

[برنس المملكة]

غرييييييييييييبة اول مرة تمر على حالة مثل هذه

ان شاء الله يفيدوك الاعضاء

[Love kasko]

ان شاء الله

ومشكور يا اخوي^^

وانتظر باقي رد من باقي الاعضاء يارب يعطوني حل..

[Love kasko]

وصح توه جاني سؤال في بالي

هيه من كم يوم عندها اسهال عطيتها ماء الرز والحمدالله خف عنها بس اليوم احسه رجع لها مره ثانيه

وصح اخلي اكلها مثل ما هو

انا يوم اعطيها ذره مسلوقه .. ويوم رز مسلوق.. ويوم بازلاء مسلوقه..ويوم تفاح..ويوم موز..يعني انوع لها غير الحب اللى احه لهم 24 ساعه..

[جورجي]

وعليكم السلام ورحمة الله وبركاته
اختي هل الجوز - الذكر والانثى اليفين ؟
بما انها باضت بعلبة الحبوب من الافضل تركهم براحتهم وعدم ازعاجهم مع توفير الهدوء لهم
شوفي هذا مقطع لجوز باضوا بعلبة بلاستيك .. لكن الطيور استخدمت قصاصات ورقية لترتيب العش
http://www.youtube.com/watch?v=ot9QYVaTw5A
وهنا بعد فقس اول فرخ لهم ..
http://www.youtube.com/watch?v=kFV98...feature=relmfu
يمكن لو تبدلي القفص او تركبي العش انه الانثى تهجر البيضة وبقية البيض تضعه بارضية القفص .. لذا اتركيهم على حالهم افضل لهم .
اختي كثرة اعطاء الطيور خضار او فواكه يسبب لهم الاسهال
لذا من الافضل اعطاهم الحبوب المعتادة بشكل دائم .. والفواكه او الخضار 3 مرات بالاسبوع .. وكذلك وجبة البيض بالبقصماء مرتين او ثلاث .. لكن لاينصح باعطائهم الان وجبة البيض بالبقصماء حتى لاتصاب الانثى بالتشحيم او السمنة

[Love kasko]

ان شاء الله اخليها على حالها وانا اخاف انقلها وافقدها الصراحه بس انا اشوف انه الحب خشن على البيضه

مب احس احط علبه ثانيه وفيها اعزكم الله تبن واتوكل على الله وانقل البيضه بواسطة ملقط واخليها قبل ما تجيب البيضه الثانيه واشل علبة الاكل واحط الاكل في علبته القديمه اللي نفس علبة الماي المبينه في الصوره

انتظر ردكم؟؟

[الهاشم]

انا ما عندي علم خخخخ بس هذا شي ممتاز يعني الزوج اللي عندك بياض
يعني ما عليك المرة الجاية الا تركب ليهم البياضة وتنتظر انتاجهم
ونصيحة لا تسوي شي الا اذا الانثى قامت من مكانها مو تجبرها تقوم ع البيضة

[Love kasko]

انا فكرت باجر الصبح اجيب نفس العلبه واحط فيها تبن واغير مكان الحب اخليه في علبه زي اللي فيها الماي اللى في الصوره واضحه واحاول اطلعهم كالعاده برع بس يارب يرضون ولما يطلعون اجيب ملقط بلاستيك واغير مكان البيضه على التبن عزكم الله واخليهم يرجعون واخليهم في مكان هادي محد يجيهم غيري للاكل والشرب بس

انتظر نصيحتكم وردودكم؟؟

[هههاوي]

اذا كانت الانثى كبيرة في العمر وسبق وفرخت في صندوق البياضة
فأتوقع مافي مشكلة لو تضعين بياضة وتنقلين البيضة إليها وإن شاءالله تضع بقية البيض فيها
وحاولي أن تستبدلين هذا الماعون بآخر مختلف حتى لاتعود إليه وتبيض فيه البيضة الثانية

انقلي البيضة بيدك افضل من الملقط لأن الملقط خطر قد يكسر البيضة او تفلت البيضة وتنكسر
وما يشاع بأن لمس البيض قد يفسده فهذا غير صحيح فنحن المربين نلمس البيض ونفحصه
ونستبدل بيضة مكان بيضة بعض الاحيان .. ماكو مشكلة

أما الانتاج داخل الماعون فنسبته ضئيلة جدا ً

هذا والله أعلى وأعلم

[Love kasko]

والله يا اخوي ما اعرف اذا سبق لها الانتاج ولا لا واصلن ما اعرف عمرها هم صارلهم عندي بس 7 شهور

الانثى لقيتها في الزراعه كانت حيل تعبانه شليتها البيطري عالجها وقالي هيه طايره من مكان بعيد وتعبانه وظلت عندي شهرين بروحها بعدين جبت لها الذكر والحمدالله على رغم انها اول شي كانت دايم تضارب معاه الا انها تاقلمت واليوم الحمدالله جابت اول بيضه

وان شاء الله اول ما اقوم الصبح اروح اجيب لها عش واعزك الله تبن واحطه لها وانقل البيضه

ومشكور وجزاك الله الف خير يا اخوي