منتديات تو زوو متخصصون في عالم الحيوان وتربية المخلوقات الجميلة ويضم منتدانا أكبر وأروع تجمع لهواة تربية الحيوانات والطيور والأسماك والأحياء المائية والزواحف والبرمائيات ولمتابعي تحركات الحشرات والمفصليات ولمحبي الزراعة والعناية بالنباتات كما نوفر لكم من خلال سوق تو زوو الالكتروني الكبير عرض سلعكم بالمجان وبعد ذلك كله تستريحون في استراحة الهواة متمنين لكم طيب الاقامة لدينا


تابعنا على تويتر تابعونا على فيسبوك العضو المميز
تحميل تطبيق توزوو على Ios تحميل تطبيق توزوو على Android

اشترك في نشرتنا البريدية ليصلك كل جديد


العودة   منتديات تو زوو > :::: منتدى الحشرات والمفصليات :::: > قسم هواة الحشرات والمفصليات

موضوع مغلق
 
أدوات الموضوع إبحث في الموضوع طرق مشاهدة الموضوع
قديم 06-09-2011, 03:45 AM   #1
|| PyTHoN ||
محترف
 
الصورة الرمزية || PyTHoN ||







68 ●|[ تَربِيةٌ عَنآكِبْ التَرآنتِولآ [ Tarantulas Care ] ]|●

[ بسم الله الرحمن الرحيم
السلام عليكم و رحمة الله و بركاته ]



نبذه بسيطة



تربية المفصليات ممكن ما تكون شائعه عندنا و غريبه ؟ لكنها بالفعل ممتعه و مسليه و سهله ماهي محتاجه لعنايه كبيره و كشكل تعتبر جميله ولو ان في ناس عندهم خوف منهم ، اكثر سؤال ينسأل للي وده يربي عناكب ، شنو أفضل نوع ؟ و هل سهل العنايه فيهم ؟ ، تربيتهم متشابهه جداً لكن تختلف من حيث سمية كل وحده ، لكن أفضل نوع ولي سمه ضعيف و ما يأثر بالأنسان السليم هو الـ Rose Hair Tarantula ، لكن تذكرو تعتمد على مناعة الجسم أيضاً =)



رعايتهم و التعامل معهم ؟



رعايتهم ماهي مثل الحيوانات الباقيه الي ممكن تعودتوا تربونها ، يحبون الهدوء ، يعني كثر ما يبقون بحوضهم بكون افضل ، و يحتاجون درجة حراره و رطوبه معينه ، و كم شغله للحوض .. ، هذا بإختصار ، التعامل معاهم سهل بعد ، و كأي حيوان تأذيه يأذيك ، فشوي شوي معاهم و للأطفال يفضل ما يشيلونهم و لو انك تكون وياهم ، و الشيل باليد خل إيدك جدامه و المسها من وره و اهي بتتحرك إلين تصعد ، و يفضل بين فتره و فتره تعرضونها للشمس..



مكونات الحوض



هذول صور لأحواض فوق ممتازه ، ببساطه الي تحتاجه حوض مناسب نظيف و تفرشونه بتربه زراعيه " الي لونها غامج نفس الي للنباتات الداخليه خاليه من الكيماويات " تنباع بالمشاتل ، بعدها ماعون للماء مو عميق ، و كهف و ممكن يكون شي بسيط ، مثلاً الي يبيعون الورود الي تحت مادري شسمه ، تقصونه نصين و تخلونه او كوب بلاستيك او كرتون او ممكن شي جاهز ^^ ، الشي راجعلك بحيث فكرة الكهف .



حجم و درجة الحراره و الرطوبه ؟



حجم الحوض صغير و ما يحتاج كبير مثل ما انتو شايفين الصوره ، و تتربى بالأحواض البلاستيكيه رخيصه و خفيفه ، و ممكن الزجاج بس تأكدو مسكر عدل ، درجة الحراره حافظو عليها تكون 25-30°C ، و الرطوبه يعتمد عالنوع ، بالنسبه للـ Rose Hair يفضل رطوبه منخفضه ، في بعض يحتاج رطوبه عاليه تكون 70% و فوق .



الأكل و الشرب



تتغذى العناكب عالكائنات الي اصغر منها ، لكن بالتربيه أفضل شي هم الكركت " صرصار الليل " و تقدرون تصيدونه بنفسكم و سهل تلقونه بس تسمعون ويص ويص و روحوله ، و ممكن الجراد و العث الي يفرفرون حول اللمبات بالحوش ، و ممكن دود " القبابي " اهم شي مو راشينها بفليت او شي && ، و ممكن تاكل السحالي الصغار مثل البريعصي او القوارض لكن يفضل ما يزيد عدد مره الي توكلونها قوارض بالسنه عن 3 - 5 مرات لأن ممكن يسبب مشاكل وقت تبديل القشره ، توكلونها مره كل اسبوع او اسبوعين مرات من نفسهم ما ياكلون لا تخافون يتحملون سنه بدون اكل مافي اي مشكله ، و حالهم حال اي حيوان يشربون ماي ، ماعون ماي لكن مو عميق .



الإمتناع عن الأكل



حبيت أذكرها كنقطه لأن اكيد احد بواجهه هالمشكله ، اول سبب انه ما تكون مرتاحه بالحوض ، مثلاً اضاءه او شي ، فتكون خايفه و ما تاكل ، و ممكن من كثر الحركه جدامها او انك تشيلها وايد او انها يديده عالحوض فما راح تاكل و هالشي طبيعي ، و الشي الثاني الي من هو من درجة الحراره ، لو ما كانت مناسبه بتمتنع عن الأكل او يكون وقت تبديل القشره الخارجيه او اخر شي ولي هو نادر انه يصير ولي هو انها مريضه .



تبديل القشره ؟



البعض ممكن ما يعرف هالمرحله من حياة الحشرات و المفصليات ، ولي هي بعد النمو تفصخ القشره القديمه ، بهالوقت و ممكن قبلها بأسابيع راح يمتنع العنكبوت عن الأكل ، و راح تلاحظون من ورا اللون بدى يصير أزرق غامج ، هالوقت لا تشيلها و يفضل انك ترفع الرطوبه لها و تخليها بحالها ، لما يقرب الوقت راح تبدي تحط شبك وايد و تلقونها منبطحه فوقه و البعض عباله ميته و يحذفها ، لا هي تقعد مده لا تمسكونها او شي ، و راح تفصخ القشره بروحها ، اتركوها لـ 4 - 5 ايام بعدها وكلوها =)




أول موضوع لي هني و اتمنى يحوز على رضاكم
الموضوع حصري على 2Zoo و ممنوع النقل
|| PyTHoN || ©
|| PyTHoN || غير متصل  
قديم 06-09-2011, 04:01 AM   #2
شاهستا
عضوية شرفية
 
الصورة الرمزية شاهستا







رد: ●|[ تَربِيةٌ عَنآكِبْ التَرآنتِولآ [ Tarantulas Care ] ]|●

وعليكم السلام ورحمه الله
الموضوع رائع ومتكامل تنسيق ومعلومات
طبعا الصور كنت بخبى عينى عشان اكتر حاجه بخاف منها العناكب
شكرا ليك وفى انتظار جديدك
__________________



شاهستا غير متصل  
قديم 07-09-2011, 12:01 AM   #3
العقرب الامبراطوري
نجم قسم هواة الحشرات والمفصليات
عضو ماسي
 
الصورة الرمزية العقرب الامبراطوري







رد: ●|[ تَربِيةٌ عَنآكِبْ التَرآنتِولآ [ Tarantulas Care ] ]|●

و عليكم السلام و رحمة الله و بركاته
ما شاء الله موضوع رائع من مواضيعك و هذا فقط اول موضوع
للاسف ما تكلمت عن كيف تدفي الحوض <~ لمبة لمبة لمبة

كهف و ممكن يكون شي بسيط ، مثلاً الي يبيعون الورود الي تحت مادري شسمه

كهف فخاري ؟
يعطيك الف عافية على الموضوع
و تقبل مروري اخي ~
__________________
لا اله إلا انت سبحانك اني كنت من الظالمين


العقرب الامبراطوري غير متصل  
قديم 07-09-2011, 03:15 AM   #4
|| PyTHoN ||
محترف
 
الصورة الرمزية || PyTHoN ||







رد: ●|[ تَربِيةٌ عَنآكِبْ التَرآنتِولآ [ Tarantulas Care ] ]|●

اقتباس:
المشاركة الأصلية كتبت بواسطة شاهستا مشاهدة المشاركة
وعليكم السلام ورحمه الله
الموضوع رائع ومتكامل تنسيق ومعلومات
طبعا الصور كنت بخبى عينى عشان اكتر حاجه بخاف منها العناكب
شكرا ليك وفى انتظار جديدك
و السبب الفكره الي الناس ماخذينها عنهم ^^"
العفو ..

اقتباس:
المشاركة الأصلية كتبت بواسطة العقرب الامبراطوري مشاهدة المشاركة
و عليكم السلام و رحمة الله و بركاته
ما شاء الله موضوع رائع من مواضيعك و هذا فقط اول موضوع
للاسف ما تكلمت عن كيف تدفي الحوض <~ لمبة لمبة لمبة

كهف و ممكن يكون شي بسيط ، مثلاً الي يبيعون الورود الي تحت مادري شسمه

كهف فخاري ؟
يعطيك الف عافية على الموضوع
و تقبل مروري اخي ~
ما انصح لمبه لهم بسهوله يصعدون عليها و ينشوون
هالشي راجع للي حاب يربي ممكن يغطي الحوض
بشي او يخليها بمكان دافي بالأساس او مسكر يكون
احسن ^^
قلنا كلمة " مثلاً " ، يعني ما راح اقول كل شي في اكثر
من 100 شي تقدر تستخدمهم لهالشي ^^

الله يعافيك ولو ان مرورك ثقيل



< اتغشمر ههههههههههههههههههههههههه
|| PyTHoN || غير متصل  
قديم 07-09-2011, 03:46 AM   #5
دلوعةقطوتي
عضوية شرفية







رد: ●|[ تَربِيةٌ عَنآكِبْ التَرآنتِولآ [ Tarantulas Care ] ]|●

ماشاءالله عليه اللي ماسكه بيده
تسلم يدك عالموضوع
__________________
حسبي الله لااله الاهو عليه توكلت
دلوعةقطوتي غير متصل  
قديم 07-09-2011, 11:54 AM   #6
الكلاسيكي
عضوية شرفية
 
الصورة الرمزية الكلاسيكي







رد: ●|[ تَربِيةٌ عَنآكِبْ التَرآنتِولآ [ Tarantulas Care ] ]|●

يامبدع يامتألق موضوع جدا جميل وقوي ومفيد

وبصراحة اعجبتني كثيرا هذي المعلومات والاعجب منا ترتيب الموضوع وتنسيقه وطريقة الصياغة للشرح

تقبل مروري وبالتوفيق

اخوك ابومحمد
__________________
الكلاسيكي غير متصل  
قديم 07-09-2011, 12:30 PM   #7
LiLi
عضوية شرفية
 
الصورة الرمزية LiLi







رد: ●|[ تَربِيةٌ عَنآكِبْ التَرآنتِولآ [ Tarantulas Care ] ]|●

ما شاء الله ما شاء الله

يعطيك ألف عافية ع المجهود
__________________
LiLi غير متصل  
قديم 07-09-2011, 01:48 PM   #8
صمت الأمل
عضوية شرفية
 
الصورة الرمزية صمت الأمل







رد: ●|[ تَربِيةٌ عَنآكِبْ التَرآنتِولآ [ Tarantulas Care ] ]|●

وعليكم السلام ورحمة اللهـ وبركاتهـ .


يانااااااس ايش هالموضوع الفظيع (( بحسن نيهـ ))


روووووعهـ وابداع ,, ماشاء اللهـ تباركـ اللهـ عليكـ ..


ياللهـ نفسي أجرررررب امسكـ واحد .. وآخذ المشط وأزبط لهـ الشعر والربطات ..


راح نخليهـ ترانشيلا ولا أحلى ..


المعلومات والتنسيق والصور أعطت جو خاص للموضوع .


تسلم ايديكـ اخي .


وكل التوفيق لكـ .
صمت الأمل غير متصل  
قديم 07-09-2011, 02:00 PM   #9
الآسطورهـ
نجم قسم هواة الزواحف والبرمائيات
عضو ذهبي
 
الصورة الرمزية الآسطورهـ







رد: ●|[ تَربِيةٌ عَنآكِبْ التَرآنتِولآ [ Tarantulas Care ] ]|●

يعطيك العافيه اخ بايثن ع الموضوع الجميل

تربية هذا النوع من العناكب جدا ممتعه

خصوصاً النظر إليها وهي تنقضّ على فريستها

والغريب كذلك ان للـ"ترانتيلا" انواع كثيره

يندرج منها السام المميت إلى الضعيف السميّه ,,

مثل التشيليان روز Chilean Rose

شاكر لك مرةً اخرى
__________________
.
.

....يآرب إن اصبحتُ بحزن فأمسني بـ فرح
........وإن نمت على ضيق فأيقضني على فرج
............وإن كنتُ بحاجه ,, فلآ تكلني لأحدٍ سواك
الآسطورهـ غير متصل  
قديم 07-09-2011, 09:30 PM   #10
أحبك توتو
عضو ماسي
 
الصورة الرمزية أحبك توتو







رد: ●|[ تَربِيةٌ عَنآكِبْ التَرآنتِولآ [ Tarantulas Care ] ]|●

الموضوع رووعه ، و هالعنكبوت من يوم عرفته ودي اشتريه و كذا مرة شايفته بموقع كويتي و سعره رخيص و ودي اربيه وواشيله بس ما راح يرضون امي او ابوي*
__________________
توقيع مخالف ويرجى عدم ادراج تواقيع مشابهة *
أحبك توتو غير متصل  
موضوع مغلق

Bookmarks

Tags
●|[, التِرآنُتِولآ, care, تُربِيةٌ, tarantulas, عَنآكِبْ, ]|●


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
طرق مشاهدة الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
كود [IMG] متاحة
كود HTML معطلة

الانتقال السريع إلى

 

جميع الأوقات بتوقيت GMT +3. الساعة الآن 12:23 PM.

الإدارة غير مسئولة عن أي اتفاق تجاري أو تعاوني بين الأعضاء
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
 
 
 

Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو