البدايه الصعبه ^___^

[الهـوآووي]

السلام عليكم ورحمة الله وبركآته
شحآلكم كلن بحآلهَ يَ اهل الحمامَ

مآبطول عليكم لاني كتبت الموضوع 3 مرات من التلفون وبلغلط اطلعَ
انا من زمان متابع المنتدى والصراحه ماخليت موضوع ماتابعته واستفد كثير
وحبيت اشارك في المنتدى
............................................
المهم يآلربع انا شاري حمام من تقريباً شهر . .
5 ازواج والحمدالله امورهم طيبه وتقريباً الكل عنده بيض
بس جوز واحد مو بايض مدري ليشَ (شماسي امريكي) ^إ^
بس صارتلي مشكله مع ذكر شيرازي وصاير عنده زكام على ماأعتقد يعني لما اقرب منه اسمع صوت
يوم يتنفس مدري الصوت من حلقه او من خشمه الله اعلم . . . وهاذي من 3 ايام حاوللت اعزله لاكن
عنده بيض اعزله وارده الساعه 10 يحضن واعزله العصر لين بكره صارلي 3 ايام . .
وانا ماعرف الفيتمينات ولا المضادات ومن جبتهم ماعطيتهم شي وانا اربيهم في محاكر بس سؤالي
شو نوع المرض هل هو خطير او عاديَ صارله 3 ايام لاكن الحمدالله ياكل وافتح المحكر يطلع ويدور
واذا عزلته عن البيض الانثى بتسد ولا لازم ارجعه وطريقتي صح !!
وهم شكلهم اول انتاج لانه بيضو بيضه وحده وانا احس انها مابتفقس
السموحه على الكلام الطويل بس لازم اعطيكم العلوم لاني خايف على الحمام لا يمرض كله وهم مبيضين

[bird96]

يا هلا وغلا ويا هلا ومرحبا .. مرحبا بك معنا في 2zoo نورت يا اخوي اتمنى لك طيب الأقامة والمتعه والفائدة ان شاء الله يا عزيزي .

بالنسبة ل سؤالك عادي خليه مع الحمام هو معه مثل رشح او مرض في المجاري التنفسيه ولكن شكله ليس عميق اي خفيف يمكن معالجته اما ب شراء مضاد حيوي خاص للمجاري التنفسيه من البيطري وهو الأفضل وممكن تضع عصرة ليمون + 2 سن ثوم + لترين من الماء يتم دق الثوم وأضافة اليمون وتقديمه بعد تعطيش ساعتين كاملات .. هذا يعتبر مضاد حيوي رائع .

لا تقلق تصير كثير مع المربيين هذي حالة مرضيه ولكن عاديه يعني ما منها قلق ولكن عالجها افضلك يا عزيزي

بالتوفيق ان شاء الله .

[مطيرجي 5]

اظاهر مشرفنا كفى ووفى ...بس عندي ملاحظه امسك الطير وفتح فمه وشمة اذا شميت فيه رائحة كريهة ولاحظت تجبن او بياض في فمة معناتها ان الطير مصاب في مرض اسمه الكنكر وعلاجه متوفر عند الصيدلي

[رائد ملكاوي]

فعلا اذا لقيت تجبنات بالفم تشتري ترايكيور او تشيفي كول بلس (chevi col +, Tricure)

تعطي الطير حبة كل يوم لمدة ثلاث ايام

أو فلاجيل عيار 250 ملغم نص حبة باليوم لمدة 3 ايام

واذا ما في تجبنات فهاد رشح او انفلوزا وان شاء الله بسيطة

تشتري من الصيدلية البيطرية اموكسي او تايلوفت بودرة وتعطي للحمام كله الجرعة ملعقة صغيرة لكل لترين ماء

ويفضل اضافة 20 مل خل تفاح طبيعي وسنين ثوم مقطعين للماء

وتقدر تستخدم انروفلوكساسين او سيبروتريل وييجي بشكل سائل حط 1مل لكل لتر لجميع الحمام لمدة 5 ايام

والله يحفظهم

[محب الزيبرا 906]

هذا مرض عادي

عادي تحطه معا الحمام

وشكرا لكم معاكم محب الزيبرا 906

[الهـوآووي]

تسلمون على الرد . . . والسموحه على تأخري في الرد
اما بخصوص الحمآم بعتهم كلهم الصرآحه مآعجبتني تربيتهم لاني بآديَ في مشروع الدجآج
ان شاءالله بجرب مره آخرىَ يوم آتمرس الدجآج بشتري حمام مره آخررىَ
لأ خلآ ولأ عدمَ منكم . . . تحيآتيَ

[bird96]

يا هلا ومرحب اخوي ..

فيش اي مشكلة ..

نورت القسم والمنتدى وأي مساعده في الدجاج قسم الدجاج تحت امرك في اي وقت .

يغلق الموضوع لأنتهاء الغرض تماما .