ببغائي لموش مريض :(

[jenanart]

السلام عليكم

قبل 3 اسابيع رحت الدكتور لانه فاجاه صار مايتكلم لمدة 3 ايام وعينه صارت حمراء عند الجفن وشوية دموع

اخذته لدكتور وقال هاذي حساسيه وصار يحط له مرهم لمدة اسبوعين كل يوم ورا يوم وخفت ورجع الببغاء يتكلم مثل الناس

بعد باسبوع رجعت مره ثانيه باكثر من اول

رجعت له مره ثانيه واعاد المرهم وقال غيري مكانه احتمال برد

المهم رجع تمام
يوم الخميس اللي فات رجع مره ثانيه والعينين الاثنين

اخذته لدكتور وكان واحد ثاني بالمحل المهم قال هذا النهاب وكان جايته زكمه مع انه مازكم!! وخشمه ماعمره نزل حتى واكله واخراجه كويس المشكلة بس عيونه ومايتكلم صار

المهم قال هذا التهاب ولازم تنتبهين وتحطين المرهم يوميا واعطاني دواء احط 2 ميلي بالمويه كل يوم اغير المويه لان لو ماراح الالتهاب ممكن يجتمع عند العين ونضطر نعمل عمليه او يعمى

حاليا احط له بالبيت بعد صراع بالعض وكانه اشوف عيونه افضل

رايكم؟

[jenanart]

من كم يوم ولا رد!!!!!
ماكان العشم

[كاسيكو جديد]

وده عند بيطري زي العالم والناس انا قبل كم شهر جا ببغائي اسهال الله يكرمكم وديته سوداني وعطاني دوا والحمدالله طاب وبعد كم شهر جا لببغائي الثاني إسهال وما عرفت انه فيه شي بس حسيت انه خامل وديته لمصري نصاب وعطاني دوا قال هذا للخمول وقعد اسبوعين واكتشفت انه فيه سهال قبل لا يموت بيوم

[redbull-basil]

كفو السوداني هههههههههه بس احسن شئ طبيب له خبره ويكون مشهور شوي

[jenanart]

ياخي وديته 3 دكاتر وكلهم نفس الشيء

اخر شيء امس اخذته لعيدة الرياض البيطريه وقال نفس الشيء التهاب

اي دكتور برايك مثل العالم والناس؟ عطني رقمه

ماعتقد الجنسيه لها دور بموضوع الاسهال ابدا لوووووووووووووووووووووووووول

[Granada.]

مرحبا حبيبتي
أنتي قلتي آخر شي ( كأن عيونه صارت أفضل)
يعني ان شاء الله انه في تحسن , و الله يشفيه

ذكرتيني بالببغاء اللي عندي التهبت وحدة من عيونه لكن بسبب الشامبو
و مسكين صاير يتخبط في القفص و يفتح عينه بشويييش كأنها تألمه

وديناه للعيادة اللي عند بنده مخرج 5 أو 6 في الرياض ,
و وصف له قطرة عيون و 3ضل أيام و بعدها صار طبيعي : )

[jenanart]

والله يتحسن ويرجع مره ثانيه تعبت وانا احط له المرهم لما استمر عليه يروح وبس اوقفه 3-4 ايام ترجع
عشان كذا ماحسيته علاج كانه بندول اخذته راح الالم

طيب سوال بس لمتى بستمر احط للابد؟ يعني لو يقولي الدكتور بس المده ارتاح واعرف انه فيه نتيجه وان اللي اسويه صح بس انا مادري هو صح او لا مع ان كلهم يقولون

الحين اضفت شيء عليه فيتامين A