تعالوا خلونا نختبر شاااعريتكم ;)

[مصدي]

السلام عليكم ورحمة الله وبركاته

كيف حال خوياي ومن يعز عليهم كلن بحاله؟جعلكم بار ياح الطيب من بعد احلى 37يوم مرو

جعلكم من عوادهم



اليوم جايكم بقصيده وطله سريعه وراح احاول اطل عليكم مرتن ثانيهههههه

اشتياقا لكم



وهذي اللقصيده باسم موسم الاحزان واتمنى ان تنول رضاكم


موسم الأحزاااااااااان

وسر يا ليل وانته ليل وحسابك على السهران = أعلمك .. الحياه .. ومرحلتها الإنسيابية

على وجه البسيطة..أفرق الماضي من المليان = وأغني لي ببيت وتنتحر.. عشرين حورية

وبعد هبّت على خشمي هبايب موسم الأحزان = تنحرت القصيد..اللي تبكّيني معانيّه

أنا عز الله إني..ما نسيتك يا صدى الحرمان = لو إن مابه علاقة غير حب الخي للخية

تجمّعنا مساحات الأدب..والحزن والقيفان = وتربطنا تقاليد العرب..والشيمه الحية

كثر ما الهم في قلبك..ديون مالها ديّان = أحس الكون في عينك..حكومة دكتاتورية

أشوف إن في قصيدك سلطة الحاكم على الرعيان = ولو تزعل..حركات التذمر الانفصالية

أنا لي بنت فكر من وصلها علمك مسيّان = وطاها ما وطى قلب اليتيم فــ أمه وبيّه

لو أن ما يرهب الشجعان..لا من فرّوا الشجعان = سوى صهلة خيول القوم ودموع السنافيّة

أي والله ببكي وبنثر دموع المعرفة من شان = تعابير الغلا..والقلب الأبيض..والمحنيّة

وأنا لولا الأحاسيس النظاف وصادق الوجدان = نحرت خيول دمعي..قبل تاطىء..جفن عينية

لو إن ما أنتي بهاجريه تعازيها على قحطان = لكنك في عيوني..أقرب من الفين ضيغميه

لو إن ما أنتي صحابية لها بين الصحابة شان = لكن عندك من أخلاق..أم عمّار الصحابية

لكن يا قلب ياللي فيك..غصن يابس وذبلان = لا تبلش في السنين المقبلة والأولانية

اهي مثل الأديب اللي توفى ظامي وجيعان = توفى واكتفت كل القبور الإرتوازية

وأنا مثل العزيز اللي يعرف إن الفقير إنسان = ولكن عذره من الله الأوّل..ثم شيمة العروبيه

وفيض جيبي ماهوب من تجاسيم خلقان = انا والله وصلت لكن وصولي كان اول خبر قتل فيه

وهي تدري ما فيه أقسى من مفارق ربى الأوطان = سوى اللي ينكر أن الجمر يحرق رجل واطيّة

وأنا اللي ما عرف نعمة تساوي نعمة النسيان = ولولاها..غدت كبد البنادم..جمرة حية

عليها من تباريح الحزن آية من القرآن = ويلهم أهلها صبر النبي عيسى و حواريّة




ادعولها بالرحمه والمغفره

[بو خالد]

يا سلام عليك يا مصدي بيك اهنيك على شاعريتك

بس ماكو فايده الشباب جنهم نامو

[عاشقة الطيور]

روووووووعه ماشالله عندكم ذوق رفيع
ان شاءالله تعجبكم هالابيات

مرفوض حبك يا من تحملني إليك الأشواق



*****



مرفوض حبك يا سيدة الملكــــــات ... مرفوض حبك يا من علمني الكلمات

مرفوض لو يغدو ربيع العمر شتاء ... لو يغدو كتــــــــــــاب حياتي ورقات

لو جف القلم النــــــــــابض بحياتي ... واحتلت مني دمـــــــــوعي البسمات

لو باتت منك عيـــــــــــــونك باكية ... مرفوض والقلب ملئ حســـــــــرات

مرفوض لن أغفر ذنبــــــــــــــــك ... لو تملأ عينيــــــــــــــــــــك العبرات

لن أقبل كوني بيديـــــــــــــــــــــك ... جريح الكــــــــــــــــــــرامة لحظات

مرفوض حبك والقســــــــوة دائي ... لن أنسي طعم القســــــــــــوة سنوات

مرفوض حبك يا خطـــــأي الأكبر ... نعم فلكل عظيــــــــــــــــــــم هفوات



مرفوض حبك يا من علمني الكلمات

[passposse]

السلام عليكم ..

يا سلام ع هل موضوع .. اشكرك اخوي ..

اممممم هذي احد كتاباتي الحين كتبتها من شفت الموضوع حبيت اكتب شي ..

*****

دلع أسمي

وأسمك أنك تدلعني

لو اليوم جيتني تضحك

بكره تطلع وكلك دموع

أبد أبد لا تكابر علي

وتظن بيوم بزعل

لا والله ما يهمني فراقك

كان ما يهمك حضوري

أقول أجلس بمكانك

أرجوك رجيتك لا تجيني

وتدمر آخر صوره لك بخيالي

****

تحياتي لكم ..

[مصدي]

حبيب البي بو خالد تسلم والله وتسلم على مجاملتك لي:> اتمنى انها اعجبتك

وهذي ابيات احبها ودائما بلساني للشاعر الفارس العقيد\راكان بن حثلين ال حثلين العجمي شيخ قبيلة العجمان رحمه الله واللي يشرح بهالبيتين الرائعين حال مجالس اهل الطيب والكرم
وتجمع الاهل والاصحاب في حضور الشاذليه والكيف بصفر الدلال شروى مجالسكم ان شاء الله...

واترككم مع القصيده

ياما حلى الفنجال مع سيحة البال
في مجلـس مـا فيـه نفـس ثقيلـه
هــذا ولــد عــمٍ وهــذا ولــد خـــال
وهـــذا رفـيــق مـــا نـــدور بـديـلـه

واتمنى ان القصيده تنول اعجابكم...

ملاحظه لحبيبي بو كشيشه:
يا مستر ليون صراحتا انا اطالب بتثبيت الموضوع لانه صار مرجع للشعر من بعد التفاعل ما شاء الله واطالب باقي الاعضاء بزود التفاعل والله يعطيكم الف عافيه

[بو خالد]

يا سلام عليك يا مصدي وطبعا الشيخ راكان غني عن التعريف

وقال بن حثلين

يا زيـن يللـي في ذراعـك نقاريـش

الحكم حكم الله وحكمـك على الـراس

إن شيتني حشـاش سيـد الحواشيـش

وإن شيتني حطـاب قـرب لي الفـاس

وإن شيتني خيـال أروي المعاطيـش

واثني وراهم يـوم الأريـاق يبـاس

الفرخ لا يغـويك في صفـة الريـش

طير الحبارى يا اريش العين قرنـاس

[مصدي]

بوخالد تسلم على هذه القصيده الرايعه والجزله للشاعر العقيد راكان العجمي..ولا هنت..

وهنا اطرح لكم بيتين رائعين من ابيات خلف بن هذال العتيبي وهي قصيده رائعه من 54 بيت

وهذي اول بيتين بالقصيده اتمنى انها تعجبكم..

سوو لي الكيف وارهوا لي مـن الدلـه
البن الاشقـر يـداوي الـراس فنجالـه
كيـف ٍ لنـا نحرقـه بالنـار ونـزلـه
واليا انقطع لو من ورى صنعا عنينا له

وسلامتكم..

[توتي]

السلام عليكم جميعا.. مشكورين على الاشعار الحلوه والمعبره.. واضيف هالكمن بيت اللي عجبوني..

هاك الشقى مليت اشيله في عيونـــي واحملـه
أخاف يسرق ضحكتي وأيام عمري ماشعـــــرت!
هاك السهر عن قصتي ويـاك تقـدر تسألـه
لأجلك رضيت بـــ رفقته يوم أنت غافل ماسهرت
فدوه سنيني من عرفتـك بـــ الجــــــروح مسربله
وأذا شكالي منك جرحي عنك بـــ الدمع اعتـذرت
انسان أناعمري مراحل وأنته أعذب مرحلـه
فيها العذاب استعذبه وأقول رابـح لوخسـرت
حبيبي صبري على بعض المواجـع مهزلـه
جيتك سنيني ترتجف لـــــ أحلى مواعيدي حضرت!!

تحياتي للجميع/ توتي

[بو خالد]

البارحه قلبي زادت مواويله

والعين والعبراه تسرح تناديله



ياناس مكتوبي منهو يوديله

اشكيله الحالي سهران كل ليله



اناس لي نامت فاضت بيجروحي

حتي القمر لي غاب ظليت انا بروحي


لي قلت انا بنساك تفضحني دموعي


وزيد في قلبي الشوق وتزيد اهمومي


محتار انا وياك شتتلي افكاري

ليتني انا انساك او تنطفي ناري

[بو خالد]

ارجع

ارجع مثل القمرة,تضوي ديرة العشاق

ارجع تعب قلبي بين حاير وبين مشتاق

مواني الشوق تناديلك,تقول ارجع تقول ارجع

كل كلمة في يوف اليوف,تقول اسمع تقول اسمع

مع نور الفجر كل يوم انا اترياك,اسلي نفسي بظنوني واقول بلقاك

يصرخ قلبي بالاهاااااااااات على ذكراك,ندى ينزل مع العبرات على طرياك

انا ولهان اشوفك جاي,وشوقك يسبق الخطوة

انا ولهان تكون وياي,على قليبي تمر فرحة

متى ترجع دفى عمري,على جناح الهوى تجيني

وارتاح من عذاب قلبي وترجع بسمة سنيني