طيوري مميزين لكن رخيصين

[كوكاتيل مشاغب]

السلام عليكم
انا عشقي الكروان لكن ابن عمي مجنون زيبرا عندنا بالستراحة مسوي قفص كبييييير حييييل فيه فوق المية حبه ودايم يمدح بالزيبرا لكن مشكلته ما يهتم بالانتاج والالوان مخليها على الله اللي يجي يجي الين دخلت براسي وقلت خلني اجرب ورحت محل عندنا لقيت ازواج زيبرا سوبر جامبو الزوج على 160 اخذت 3 ازواج وبعد اسبوع ونص باضوا ماشاء الله طبعا مجهز القفص بالاعشاش ومواد التعشيش وكل زوج بقفص وبعد كم يوم رحت المحلات لقيت مجموعة صغيره لكن حلوه منها انثى بلاك شيك وذكر سبليت بلاك برست اعتقد قلت والله ما افوتهم والسعر 150 ريال وين احصل الالوان بهالسعر
المهم الحين اترككم مع الصور في واحد منهم ذكر ما عرفت للحين نوعه محيرني لاني ناوي بعد فقس البيض اغير بالازواج عشان الالوان اذكروا الله وصلوا على نبيه
هذا الزوج الاول الذكر بلاك برست الانثى اعتقد عادي السعر 160 ريال


الزوج الثاني الذكر لايت باك الانثى فون لكن الانثى مو ظاهره حاضنه البيض مخلصه مررره السعر 160 ريال


الزوج الثالث الذكر ياليت احد يقوللي وش نوعة مدري ريش اجنحته ابيض لكن مو مبين بالصوره والانثى اعتقد سبليت بلاك شيك السعر 160 ريال






الزوج الرابع ما صورته باقي لأن اكاميرا مهي عندي حاليا لكن اعتقد الذكر سبليت بلاك برست والانثى اكييييييييد بلااااك شيك والسعر 150 ريال
تحياتي لكم

[m.n.a.n.g.h]

ماشاءالله تبارك الله طيور جميله وراعيهم اجمل
مشكور على الصور
((يسلمو))

[كوكاتيل مشاغب]

اسعدني مرورك اخي m.n.a.n.g.h
عيونك الحلوين
منتظر الآراء بخصوص الازواج وخصوصا الزوج الثالث

[salman-q8]

ماشاء الله تبارك الرحمن

انا توني راد من السوق

ذكر هاف اورنج ونثيه بلاك شيك

ب 60 دينار

تقريبا بسعودي 600 ريال

[كوكاتيل مشاغب]

شرفني مرورك اخوي سلمان انا انثى بلاك شيك اخذتها بـ75 ريال سعودي
الهاف اورنج ما قد شفت منه بالمحلات
عموما اللي لاحظته الزيبرا اسعاره في النت وعند الشريطية غالي
لكن عند الهواة تلاقي اسعار معقولة
تقولون اني شاري من محل لكن المحل اللي اشتريت منه ياخذ الزيبرا من هاوي كل فترة ينزل مجموعه منها يترزق ومنها يخفف العدد اللي عنده وهو بنفسة محدد السعر للطيور والمحل ياخذ نسبه بسيطه

[salman-q8]

يعطيك العافيه كوكتيل

جزاك الله الف خير

[محمد جمعة]

ما شاء الله الله يباركلك فيهم

[كوكاتيل مشاغب]

الى الآن منتظر احد يقولي وش نوع الذكر في آخر ثلاث صور

[salman-q8]

اخوي اعتقد الذكر الاخير

مو متأكد 100 \100

انه نوعه نورمل اللي هو (( الذكر العادي ))