بالله عليكم ابغا اسعار الامزوني....

[foo_fee]

تكفون يا اهل السعوديه>>>جده انا متحمس اشتري ببغاء دبل يلو هد امزوني ابغا اعرف هو درجه اولى ولا تانيه ولا أي واسعارو ع كم الفرخ و الكبير الاليف والي مهو اليف وارجوكم بسررعه تردو عليا بلييييز

[eaglesa38]

الدبل يلو هد يعتبر درجة ثانية
اسعاره تبدأ من 6500 الى 9000 ريال تقريبا
والي يحدد السعر عمر الطير والحجل والحجم والولافه
اذا توفرت هذه الاشياء يكون سعره تقريبا 9000 الاف ريال او اكثر

اليلوناب يعتبر درجة اولى
البلو فرنتد درجة ثالثه


تقبل تحياتي

[foo_fee]

شكرا حبيبي بس والله مررره غالي البلو فرنتد بكم الفرخ و الكبير

[زمـــــان]

ياخوي مجرد نصيحة و انت حر..

دام انك هاوي جديد في تربية الباباغاوات لا تجازف و تاخذ طير غالي..
انا انصحك بالرمادي كبداية.. سعرة مناسب جدا.. اذا كان الطير يتكلم و اليف و تحت السنتين و نظيف سعرة يقارب 250 دينار كويتي ما يعادل 2500 ريال..
انا اشوف افضل لك.. بالاول تعلم تكتيكات التدريب و الطرق و كيفية المحافظة عليها و الاجواء المناسبة و طرق التغذية..
و اذا مصمم على الامازون اخذلك اورنج وينج يعتبر من الدرجة الرابعة او بلو فرونت و يعتبر من الدرجة الثالثة بعد الدبل يلو هد ..
الاورنج وينج سعرة ما بين 70 الى 130 دينار ما يقارب 700 الى 1300 ريال.. بس عيب هالطير قليل الكلام و احتمال ما يتكلم.. و سعرة على حسب العمر و الكلام و الولفة..
اما البلو فرونت سعرة من 200 الى 400 دينار ما يقارب 2000 الى 4000 ريال على حسب العمر و الولفة و الكلام..

و سامحني على الاطالة و هذا مجرب اقتراح و ياخوي ابد ما اقصد اي تقليل شأنك و ياخوي على عيني و راسي..

تقبل مروري
اخوك يوسف

[كاسكووووو]

انا رايي من راي زمان واذا انت اول مره تربي طير لاتأخذ الا اليف

[foo_fee]

اول شكرا لكم جميعا وانا مو اول مرره اربي ببغاء كان عندي افريقي فرخ وربيته ودحين حبيت اشتري امزوني

[بحريني رومنسي]

اشتر بلو فرونت ابرك لك
سعره ارخص ولي بغيت تبيع ما يطول

[foo_fee]

ويعني لو بغيت واحد بلوفرنتد فرخ ولوف بكم ودحين في الصيف مو طايحه الاسعار ولا بس ع الافروقي

[المقبل]

بما انك عندك خبره خذ شي زين متكلم ولوف يستاهل الفلوس والله يوفقك

[بحريني رومنسي]

اذا فرخ اليف يمكن 3500
واذا يتكلم يوصل حتى 6000
على الكلام الي عنده