ابرة الجرب قتلت ارنبي

[sahar^^]

والله يا راما قصتك نفس قصتي مع الأرانب كان عندي أرنبة حلوة كبيرة وأرنب هولندي ذكر كبير ألوانه روووعة بشمل أكتر من لون كنت كتيييييييير بحبه لدرجة لا توصف وبعديها مات بالليل فجئة بدون اي سبب ورحت دفنته بالليل وانا حزنانة كتييير عليه
الأرنبة كانت حامل منه وولدت وكبروا ولادها وجابت أرانب بجننو ألوانهم في حياتي ما شفت زيها هلأ أنا عشان أحميهم بعد الله من الأمراض وعشان ما يموتوا فجئة زي أبوهم لأنو احتمال أبوهم كان مريض وأنا مش عارفة مع أنو مش واضح عليه أنو مريض المهم رحت أنا وزميلتي بعد ما روحت من المدرسة على البيطري وقلتله شو التطعيمات المناسبة لأرانبي قاللي الأرانب الصغيرة بتعطيهم ابرة ضد التسمم الدموي 1 سم تحت الجلد ويا خسارة بعد يوم او يومين ماتوا 6 أرانب صغار بجننو مرة وحدة وكنت والله جاية أطعميهم صرت أعيط وابكي عليهم وأنا رايحة على المدرسة وبعديها بعت امهم لاني زهقت من الارانب بس ما يأست جبت جديد أرنوبين صغار وبربيهم
ما تزعلي حبيبتي راما في التربية لازم تعرفي شغلة انو في خسارة وفي انتاج وفي حياة وفي موت وانا كتير بجيب حيوانات وبموتوا بس ما بيأس وربنا سبحانه بعوضني وان شاء الله يعوضك الخير انتي بس ادعيله لازم تعرفي شغلة يا راما انو الارانب حساسة بالبيئة والظروف اللي محيطة فيها والتطعيم مرض ضعيف يمكن الطبيب أعطاها جرعة زيادة انتي اسأليه أنا سألته وجبتله ارنب وشرحه وقاللي البرد أثر عليهم ولأنهم مطعمين ماتوا وما قدروا يقاوموا هادا المرض الضعيف هلا ما تزعلي وانسي انو ارنوبتك ماتت وجيبي للذكر انثى حلوة واهتمي فيهم منيح اهتمي بتغذيتهم ونظافتهم واحرسيهم من الحيوانات المفترسة اقرأي عن تربية الارانب ورح تتعرفي أكتر وانتي لساتك مبتدأة ان شاء الله بكرى تصيري خبيرة بتربيتهم وتفدينا بمعلومات والتجارب منيحة بتعلمك اشياء كتير سلاماتي الك وعذرا على الاطالة

[عزووز2]

الله يعوضك خير انشاء الله

[رامـــا]

شكرا لكم اخواني جزاكم الله خير



sahar

الله يسعدك ردك واساني و خفف من جزني شوي الحمد لله

[البراق السجاد]

فى الحقيقة هناك أنواع كثيرة ظهرت من ألإيفرمكتين (حقن الجرب)
نوع واحد فقط لاغير آمن للأرانب
و هو النوع العادى الرخيص

أيفرمكتين إس - قد لا تتحمله الأرانب
أيفرمكتين سوبر - قوى جدا على الأرانب حتى بعد التخفيف
أيفرمكتين آر - مخصص لنوع من الديدان التى تصيب الأغنام ، و مجهد جدا للأرانب

الجرعة المعتادة من الأيفرمكتين (العادى) للأرنب هى (0.1 سم) للكيلو
و قد ترفع الجرعة حتى (0.5 سم) للكيلو فى الحالات المتقدمة
و هى أقصى جرعة يتحملها الأرنب

[رامـــا]

شكرا لك يا اخ البراق على المعلومات القيمة جزاك الله خير

للأسف البيطري ما كلف نفسو ياخد اوزان الارانب مع ان باين ان وحدة
اكبر شوية من التانية

الله يسامحو

و الحمد لله رب العالمين اني ما فقدت الاتنين

لكن مستحيل ارجع لنفس البيطري هادا مرة تانية

[artos]

يمكن ماعرف يطعمها وزاد الجرعه
انتبهي مره ثانيه