دعوة للنقاش !!

[عبووود أبو عيون سووود]

السلام عليكم و رحمة الله و بركاته
تحية طيبة و بعد ،،،
بالنسبة للأعضاء اللي عندهم كروان أكيد كلنا نقوم بتنظيف الأكل و تغيير الماء يوميا ً
أنا أموت في شي إسمه كروان لكن أكره ما عندي أنظف أكلهم
متعب و يطفش عكس أكل البادجي و الكناري اللي يتنظف بسرعة وما ياخذ وقت ولا جهد
أكل الكروان حبوبه كبيره زي حب دوار الشمس و الشوفان مثلا ً ما يتنظف بسهولة
قرأت مواضيع كثيرة جدا ً عن تنظيف أكل الكروان في منتدانا الغالي و في منتديات أخرى لكن ما أحس إني طلعت بفايدة أو أنها طرق غير منطقية
أنا عن نفسي لمن أجي أبغى أنظف أكل الكروان أحط الحبوب اللي في المأكلية في صحن الأكل الدائري الكبير اللي ناكل فيه الرز و الكبسة
و أقوم بالنفخ في الصحن ( عملية شهيق و زفير ) مع تحريك الصحن فوق تحت عشان تتطاير القشور الفارغة >>> حركة الخدامات
لكن قشور حب دوار الشمس الفارغة و الشوفان ما تتطاير لأنها ثقيلة نوعا ً ما
فلازم أنقي القشور بيدي أطلع الفارغ منها و أرميه
و هذه العملية تاخذ مني من 10 دقائق إلى ربع ساعة تقريبا ً متعبه و مقرفه
الحين أبغى كل واحد منكم يقولنا على الطريقة الفعلية اللي هو يستخدمها في تنظيف أكل الكروان ، مو تجيبولي روابط مواضيع و نسخ لصق لا لا أبغى الطرق الفعلية الي إنتم تستخدمونها
عشان نستفيد من الموضوع و نوصل للهدف اللي أنا قاصده
بالله يا جماعة الخير لا أحد يبخل علينا ، يمكن الطريقة اللي إنت تنظف فيها الأكل غيرك ما يعرفها
فلمن تشرح طريقتك تهون على غيرك و يكون فيها أجر لك و إنت ما تدري
أنا قلت لكم طريقتي اللي أنظف فيها أكل الكروان ، يالله سموعونا الطرق المختلفة اللي تنظفون فيها الأكل
بسم الله نبدأ

[The male nurse]

اولاً يشرفني اكون اول من يرد على الموضوع

في الحقيقة طرحت نفس السؤال في قسم سؤال وجواب

ضروري لو سمحتم

وماشاء الله ساعدوني الاعضاء وماقصرو

لكن ما اقتنعت ولا بطريقة من الطرق اللي ذكروها

مع احترامي وامتناني لمساعدهم لي

اخوي العزيز "مصعب"

وضع فيديو جميل لحل تلك المشكلة لكن للاسف من الصعب علي صنع الجهاز

هل اعجبتك؟...!!☺☻☺☻☺☻☺

بالنسبة لي اعمل نفس الطريقة اللي تسويها (النفخ في الاكل)

[عبووود أبو عيون سووود]

أهلا ً و سهلا ً The male nurse
أولا ً الشرف لي أنا بمرورك العطر
ثانيا ً آسف لأني ما شفت موضوعك في قسم سؤال و جواب إلا الحين لمن أرفقت الرابط
أجل مو بس أنا أعاني
كلنا في الهوا سوا
شكرا ً لك أخي العزيز على سرعة التفاعل و الرد
وفي إنتظار بقية الردود من الأعضاء و الأفكار السخية

[al_ameer707]

عبود ابو عيون السود فيه جهاز حق التنظيف وموجود بالسعوديه وانا عندي هالجهاز تصنيع محلي وكفاءه عاليه تقدر تجيبه وتحل مشكلتك باذن الله

[عبووود أبو عيون سووود]

المشاركة الأصلية كتبت بواسطة al_ameer707

عبود ابو عيون السود فيه جهاز حق التنظيف وموجود بالسعوديه وانا عندي هالجهاز تصنيع محلي وكفاءه عاليه تقدر تجيبه وتحل مشكلتك باذن الله

الله يجزاك خير
بس كم سعر الجهاز هذا ؟

[ابو التواريخ]

وعليكم السلام ورحمة الله وبركاته

عن نفسي أنا ما انظف الأكل نهائيا لأنه راح ياخذ وقت وجهد وخصوصا للي عنده اعداد كبيرة من الطيور

أسهل حل إنك تشوف استهلاك الطير اليومي من الحبوب وتعطيه كمية تكفيه ليوم واحد فقط

وتغير الأكل بشكل يومي وهذا الي أسويه مع طيوري ولي سنوات كثيرة و أنا استخدم هالطريقة مع

أنوع كثيرة من الطيور الحمد لله أثبتت فاعليتها

[عبووود أبو عيون سووود]

المشاركة الأصلية كتبت بواسطة ابو التواريخ

وعليكم السلام ورحمة الله وبركاته

عن نفسي أنا ما انظف الأكل نهائيا لأنه راح ياخذ وقت وجهد وخصوصا للي عنده اعداد كبيرة من الطيور

أسهل حل إنك تشوف استهلاك الطير اليومي من الحبوب وتعطيه كمية تكفيه ليوم واحد فقط

وتغير الأكل بشكل يومي وهذا الي أسويه مع طيوري ولي سنوات كثيرة و أنا استخدم هالطريقة مع

أنوع كثيرة من الطيور الحمد لله أثبتت فاعليتها

ما شاء الله تبارك الله عليك
شي كويس إنك قدرت تحدد إستهلاك الطيور اليومي من الأكل
لكن السؤال كيف أنا أقدر أحدد الإستهلاك اليومي من الأكل لطيوري أنا ؟
و بعدين حاولت أجرب نفس الطريقة هذه بالأول لقيت الأكل باقي فيه حبوب لسه ما أنأكلت و لقيت نفسي كمان أستهلك خمس كيلو من الأكل في شهر واحد !!!
ممكن توضح أكثر أخي بارك الله فيك