مو مترقع البورميس فيها ربو !!!!

[|| PyTHoN ||]

ولله على حسب المرض شلون منتشر
يعني لو تشوف الفقاعات تصب من حلجها وايد يمكن تطول شهر !
و لو عالخفيف يعني بحلجها اسبوعين لو بس من داخل و شوي
يطلع من جدام تقريباً اسبوع ~

و يختلف من حيه لحيه حتى لو من نفس النوع و الحجم

من جذي أقولك كل ما تكون أسرع العلاج يكون أسهل

لأن راح ينتشر لو اهملت ~


لا مو كلهم انا مسوي تقسيمه في حوضين داخل حوض
و دافين فما حطيت الهيت روك

و واحد بره بروحه حطيت 2 لها + ليت

لأن مكيف 24 ساعه -_-"

[jassim99]

الله يبشرك بالخير لان ما اشوف الفقاقيع الا اذا فتحت حلجهم و الالبينو اذا تثاوبت اشوف شي لزج بين الفك السفلي والعلوي وماقام يطلع شي من خشمها
وراح اخلي مكانهم جاف لي باجر يمكن يتحسنون اسرع ولا شرايك ؟
وعندي استفسار ابي منك انت بالذات
شرايك بالرد تيل بوا ؟ حلوه نفس البورميه بالتربيه ؟
محصل وحده طولها تقريبا ٥٠ سانتي وجم سعرها تقريبا عشان مايقص علي و اقدر احطها مع وحده من البوريميات بنفس الحوض ولا لازم احط البوريميات بحوض و الرد تيل بحوض
تسوا ولا الي عندي يسوونها ؟
ورب الكعبه ادري انك زهقت من اسالتي الي ماتنتهي بس ماعرف احد يربي هالسوالف
مالنا غيرك يالحبيب الله لايحرمنى منك ولا من معلوماتك

[|| PyTHoN ||]

يلا الحمدلله بس استمر عالتترا سايكلين مع التنظيف اليومي
و تبدل الماي كل يوم و كل الحوض جاف هالفتره مو بس لباجر
و شمسهم حطهم بماي في تترا سايكلين و خلهم بالشمس
شوي ، عشان يشربون شوي و يفضل كل وحده بروحها ، و لا
تخليهم ويا بعض هالفتره ^^

أساساً يفضل كل وحده بحوضها

بالنسبه للردتيل بالنسبه ولله حلوه ~

بس لا تكثر تعلم لهم عدل عالجهم و سنعهم و اطلع فيهم طلعه
و لين تفهم فيهم عدل و تعرف مشاكلهم و التعامل معاهم بعدها
إخذ و العب فيهم لعب

إهيا كشكل حلوه بس هجوميه أكثر من البورميس

ملاحظ البورمس ما يسوون شي بس الرد تيل ينبطون فيك مرات

بس مو مشكله عادي ~

ولا لازم بروحها ، أصلاً يقولون مو زين تحط حيتين من نفس النوع
مع بعض !

شحال تحط أنواع غير و احجام غير !

تسوى ولا ما تسوى هذا تقديرك ، بالنسبه لي عندي أهي احلى
نوع من الحيايه كلهم ~

غيري ما يحبونها الشي راجعلك

و السعر من ديره لديره يختلف

[jassim99]

انحححححش أنا باطين جبدي الي عندي لانهم ساعات يفحون ويهاجمون هذي اكثر ؟؟؟
لا والله كشيت منها خل أتعلم عالي عندي بعدين يصير خير لان بخاطري هذي والكورن سنيك والي وايد داشه مزاجي بس خايف منها الشبكيه هذي جد اتمناها بس بعطي نفسي بعد شهر لين أتمكن

بقولك شي.... الدوا مالقيته بس لقيت الدفايه... :s
ماتصير زينه بدون هالدوا ؟؟؟

[|| PyTHoN ||]

هههههههههههههه

شوف انا أقولك الرد تيل أرحم من الشبكيه بوآآآآآآيد
الشبكيه تحسسك معاك كوبرا
تخيل لما امسكها من ورا تلف راسها و توجه علي &&"
و انت تسبحها ما تتحرك تقعدلك وضعيه الإستعداد يعني
تمسك تعطيك أحلى حلاوه
شوي فيهم فصله الشبكيات الرد تيل أحسن ~

تذكر و اهم صغار جذي ~

لو كبرو شلون

عضة الصغيره عادي بس الكبيره مشكله شوي

بس مو مشكله لو حابها اخذ و توكل على الله

[jassim99]

لا والله كرهتها
انزين ماجاوبتني بخصوص الدوا عادي بدونه ؟ لان مالقيته
الالبينو قامت كل 5 دقايق تتثاوب عادي ؟
وقامت لمن تحرك راسها مثل ماتقول تطق رقبه مثل رجفه ولونها صاير باهت

يمكن تبي تغير جلدها صح ؟

[|| PyTHoN ||]

ولله لازم هالدوا يعني شلون تتعالج -_-"

لون عينها صار ازرق ؟

[jassim99]

لا اتوقع الالبينو ماتصير عيونهم زرقه
انزين مافي بديل للدوا لاني مو محصله

[|| PyTHoN ||]

لا تصير ^^"

الي عندي صارو زرق بس مو نفس العاديه ~
تكون على بنفسجي شوي بس يعني ان شفت علطول
بتقول أزرق ماله داعي الدقه الزايده

مادري ولله انا اعرف هذا أشوف أسأل ناس

[jassim99]

الله يسهل بانتظار الرد