الفزعه تكفون كوكاتو جالا

[مارشميلو]

^

بشرينا

عساه رجعه ؟

[nessouma]

ايه والله رجعته.......لما رحت المحل حلفلي انه صغير وقالي الي تبينه يصير ترجعيه عادي بس وهو بيحلف انه صغير ون الارقام لي علی الجل مالها علاقة بالسن ورالي فرخ كاسكو ومكتوب عليه 06 بس كان لسا فرخ......والله حيرني يعني هل من الصور يبان ان الطائر كبير? وكيف نعرف عمر الكوكاتو جالا?
انا الحين ابي طائر بهلواني ويسوي حركات وجو في البيت بايش تنصحوني

[أسيــــر]

يهلا اختي
الطير واضح انه ليس فرخ
وبنائن على الرموز الموجوده في الحجل حددنا لك ذالك
وايضا منظر الطير الخارجي يحكم عليه بانه ليس فرخ
ورموز الحجل ممكن ماتعطي معنه مثل ماوضح لك الرجل
لانه تحصل اخطاء لدى بعض المزارع المنتجه في التحجيل
لكن طيرك لون عينه فار من السواد لدى فروخ الكوكاتو
لانريد ظلم الرجل ربما يكون جديد في المجال
وباع الطير بنائن على كلام صاحبه السابق
الكوكاتو طيور جميله وطبيعتها تحب العب والفرفشه
وانصحك بغتنائه سوائن الجالا او الكرستد
وبعض المسميات الاخرى وتاكدي من حركته وصحته
والاليف افضل دائما لكي لايتعبك في تدريب
انظري هذا الطير مواليد 2012
يلاحظ لون عينه مزال في تفتح الصوره غير حديثه لكن لتوضيح

[nessouma]

مشكووووووووووووووووور جاري البحث عليه في قطر...اذا حصلت واحد راح انزلكم صوره

[مارشميلو]

^
^

اهم شي ابتعدي عن الكاسكو

@@

شريت واحد
لا يصفر لا يصارخ لا يتكلم بس بالقفص وباب القفص مفتوح 24 ساعه

والحين تعبان احتري يجي المغرب واوديه البيطري نافش ريشه وفيه الله يكرمكم سهال
له عندي اسبوع
وكل شوي اسوي نظافه ودفى ولا برد ولا شي ونوم ع الوقت
والحين تعبان ):

الله يستر
بما انو اول مرا اشتري ببغاء شريت هالنوع

لكن توبه اشتري كاسكو غير دا

×_×

[nessouma]

شوف صور مضوعي السابق حتی انا من سنة اشتريت كاسكو فرخ وعلمته يتكلم وكان لطييف مره وضل عندي تقريبا سنه ويوم سافرت خليته عند عمي ولما رجعت ماكمل اسبوع ومات...اتوووووبه .معرف عنه ان مناعته ضعيفه وبعد حساس واجد ..

[nessouma]

شوف صور مضوعي السابق حتي انا من سنة اشتريت كاسكو فرخ وعلمته يتكلم وكان لطييف مره وضل عندي تقريبا سنه ويوم سافرت خليته عند عمي ولما رجعت ماكمل اسبوع ومات...اتوووووبه .معرف عنه ان مناعته ضعيفه وبعد حساس واجد ..

[مارشميلو]

الله يعييين ):

والله يشفي لي طيري

وتلقين الطير اللي يعجبك ^_^

بس فيه نوع اسمه كوكاتو امبريلا

شكله حلو شوفيه بيعجبك

بس مدري اذا متوفر بالخليج او لا ^_^

[nessouma]

الله يشفيلك طيرك وتفرح فيه .....انشاء الله راح ادور المهم يكون طير صغير

[مارشميلو]

^

وديته للدكتور

قال لي فيه التهاب بالحلق

فعطاه زي السائل
فاستفرغ وانتو بكرامه حبوب شمسي كامله (- بدون القشر

بس ممكن حول 8 حبات كامله اكلها بدون ما يكسرها ×___×

وعطاني زي المضاد بس ريحته تفاح ×_×

وعطاني مقاس 2 مل لمدة 5 ايام بالمويه

اغير المويه كل 24 ساعه ^___^

وقال لي راجعني بعد 5 ايام
وان شاء الله يكون سليم ^_^

وهذا اللي صار

والله يستر

^_^